| 近呢個月睇左三套戲. 上月尾睇左"4B1A"四條大路通陰間 都幾好睇...比佢嚇左幾野. 睇完之後成日都好驚=.=" 值得一提既係我係想睇9:30場 點知上網買錯飛買左4:30場... 但後來都順利睇到^_____^哈哈 之後睇左"CONNECTED"保持通話 好正~開場到完場都無一場冷場. 比想像中好睇...古仔同張家輝...讚! 成個故事都好緊湊...本年度最喜愛電影之一. 最後就係尋日睇既"PAINTED SKIN"畫皮 入場前抱住都幾大期望...點知睇完完全失望. 本來以為係有D驚慄FEEL既愛情片... 點知成套戲都無高潮...最精彩果場只係果幾十秒甩皮... 感動位唔到...故事又唔流暢... 什麼億萬大製作....真係唔識欣賞-.- |
| |
| 中秋節快樂~~ 今次係同老婆過既第二個中秋節.. 今次係咁大個仔第一次係澳門過中秋節... 中午3點幾去到澳門 首先係大三巴附近行一陣..食下野~ 之後搭巴士去旅遊搭...睇人跳笨豬跳@@ 之後老婆帶我去左"花街"........ 又話果到有好多皮膚白白波大大腿長長既女女....... 呃人既=.=都唔係好索咋嘛!! 跟住就去新葡京食BUFFET~ 有超多野食~~ 今次去澳門好白痴咁著左拖街去....無得入賭場 英皇..新葡京果D全部都入唔到 點知舊葡京有個傻佬食Q仲白痴... 睇唔到我地隻腳放左我地入去~~HAHA 玩到夜晚搭2:30AM船回港~~ |
| |
| 今年終於有時間去電腦展行下! 往年都預唔到放假又收得夜... 今次入去買左隻SAMSUNG 22" LCD 正!!^________^ 本來星期六請左一日大假去廣州玩... 點知一隻9號風搞到無得去... 不過連續放左三日假...都幾爽! |
| |
| 去完泰國一個開心既旅程後 又要展開機械式既工作! 不過返左九龍灣之後都幾好... 輕鬆左...無咁大工作壓力 因為返九龍灣放8點d時間真係見洗好多... 多左時間做自己野,又多左時間見老婆 雖然係多左d時間...但係就無晒d夜生活 要7點幾起身真係十萬個不爽....... 人大左追求既野真係會唔同左 以前會擺好多時間去玩去玩... 而家反而想多d時間去休息 呢排發生好多事... 希望世上真有"因果報應"存在 |
| |
