| 東京之行小記趣今次係第二次到東京, 但今次比上次睇多左d 野,
可能用平常心去睇東京,無好似以前有種崇拜的角度去睇.
東京之行小記趣:
1. 痺~電波太強了!
估唔到今次一搭機場鐵路,就覺得個頭好痺, 之前都無,
初初以為係我之前一晚唔夠"目川",但後來我發現當過左窗外好多電塔o既地方就無咁痺,
因為沿鐵路頭頂都有條電纜,所以都不停覺得好痺.......
之後去到井之頭o既三鷹之森吉卜力美術館入口,都感覺得個頭有少少痺.....
2. 酒店夜半女聲.......
發生係第一晚o既凌晨......當我地收拾好行裝,準備好第二日o既行程,
就"目川"上床,剛蓋好被o既同時,就聽到一把女人聲,即時個心諗唔係咁猛呀....
臨"目川"先出黎呀.....不過好快就變為.......無奈O既心情.....
頂你~做咩"呀呀呀!"咁嘈住晒.....等佢呻左輪,我先模模糊糊咁"目川"著左........
但係3,4點個陣又比佢嘈一嘈,嘈醒左.....大姐呀,人家第日要好早起身睇貓巴士架.....
仲要叫得唔好聽,低沈不突止,又個個音一樣.......悶左d wor......
3. 鋸排o既鐵板牛排係配飯同用筷子食架?!
第一晚晚飯係食Pepper Luch......搞左一大論,終於看圖估字咁係自動售買機買左飛,
然後由一位會講國語o既中國留學生介紹哪位食薯仔沙律哪位食雜菜沙律,
(其實之前有其他待應同我地講左一大論,後來佢地問我地係咪中國人,
就比左個怕羞o既留學生用國語問我地野了,我發現我......都係國語講得好d .)
跟住個女侍應比左對筷子我......我個刻有d 愕然,點解唔係用刀叉o既???
仲問我地要唔要飯tim??!!
後來去吉祥寺一間出名食牛排o既地方都係用筷子........突然間諗起我地o既豉油西餐....
不過剛剛打完lee 段時,突然諗起會唔會同佢地明治維新o既意念有關ne....??!!
4. 國際化了,有英文廣播,仲有國語tim
別了東京七年,今次去發現都幾多地方有英語廣播了,特別係jr 火車,
唔會再聽到死唔斷氣o既鐵道員廣播.....(代代木)yo~yo~gi~ yo~yo~gi~ te~ su~
而係預錄左人聲日語+英語o既廣播,有d 地方仲有國語tim, 好似台場某個商場就有,
但你唔留心係聽唔明佢講咩,應該係口音o既問題掛......我係台場個商場聽完國語廣播左段野,
我初時以為係我國語唔好,一個字都聽唔明,但個段播完後,有兩個台灣客係我後面經過,
佢地閒聊緊某個人,我又全部聽得明wor......
5. 待續...... |
.
