試後活動summary~~交晒papers ，可以好好享受剩返的大學日子~~ 不過第一件事當然是返屋企飲媽媽靚湯 見這陣子兩隻貓都被貓蚤搞到坐唔安食唔落，就同較溫順的寶寶沖左個涼，仲用人手逐隻咁捉， 真係有少少噁心，但係見到佢乾淨之後個舒服樣，就心滿意足 ~ 星期一同徐小恩去左踩單車，沙田去大埔，一路望住天上面的烏雲，一路趕去還車 路程原來比我地想像中短，避左兩次雨，都早左去到，踩到去海濱公園尾先返轉頭還車~~~ 好想踩多次，試下踩入大尾督~~ 星期二下晝收到個「疑似」interview電話，叫我第二日去一間保險公司面試，不過越想越唔對路， 都無報個份工，最後在Yahoo小知識search 到原來好多人都有類似gei經歷，翌日早上打返比個agent 取消interview~~ 當晚仲係二樓飯聚，湯，雞翼三味（煎、焗、鹽水），白汁龍利柳，和照燒汁煮煲湯肥豬 肉，油麥菜豆豉鯪魚……係文質咁大個Pantry先可以做到~~ 星期四，和同房出了旺角的房角石協會拿去清遠的物資~~很重，當做運動啦~ 還在一間樓上蛋糕材料舖買造母親節蛋糕的材料 先買了一個朱古力海綿蛋糕的蛋糕粉，第二日試造，沒有電動的搞蛋器真係差d，手都差d斷… 星期五，造完蛋糕出了銅鑼灣，落實了我的畢業旅行----台灣四天寫意之旅~~~ 同行的次郎和笨郎都未畢業……不過無所謂，我都十分期待同你地一齊去玩下無聊下~~ 還有不斷的睇報紙，send 求職信，這就是我最後一個試後的生活~~ | 
