行廟街，見有個阿婆賣鹽焗雞蛋同鵪鶉蛋。

鵪鶉蛋賣2蚊3粒......阿婆會幫你逐粒剝埋殼，搵張紙墊住，"沈"少少椒鹽，用牙簽吉住比你....好warm，好有heart.....

佢仲係用刀仔剝，隻手唔會點掂到d蛋，有心，也講衛生。

我買4蚊，比5蚊佢諗住唔洗佢找，佢即刻比返1蚊我....

婆婆賣d鵪鶉蛋味道好好。

好感動，見到呢d生活0係街邊一二角0既人，如此卑微，如此不起眼，但對生命充滿誠意。

做生意，可以係2蚊，可以係2億....前者，可以比後者更值得尊敬。