| 長隆之旅...大成功!! highlights:
- 有人累哂成班人遲大到...因為o係下晝3點等一班夜晚10點先開出o既車! 仲要等左半個鐘先發覺! o個個人就係鄭總喇~哈
- 食左間假小肥羊...好難食
- 去沐足o既時候...班兄弟聽到"冰火球"一詞以為好正...其實都係顏色發泡波波一個
- 班按摩姐姐話我地個樣唔似香港人...問佢地我地似邊度人...我o個個話我d皮膚似北方人...德仔o個個諗一諗...話佢似非洲人!! 哈哈...笑死~
- 第二日晨早起身諗住趕shuttle bus去長隆...點知都係食野食遲左...因為早起o既關係, 大家飲茶o個時都呆呆滯滯, 仲掛住睇"犀照", 睇到嗌哂~哈
- 長隆d locker變細左...一分為二...頂~又要租多d locker..呃錢!
- 新加左o係大喇叭o個度影相...我地為左影相...玩左三次大喇叭! 哈
- 尾二o個次玩大喇叭, 好緊張想影返張好少少o既相...點知我o係飛到最高位o既時候...抽筋囉! 哈哈..
- 食lunch o既時候...發覺唔夠人民幣...佢地話一人最多可以食$25 o既野, 我地一望個餐牌..全部飯都係$28 架喎, 唔係要食$10 兩條粟米咁慘下話...跟住話返去locker拎錢啦,,,又話要返locker 拎d野飲過黎..心諗..大熱天時仲要飲熱飲?! 哈哈....勁慘...都唔知點解咁折墜架, 平時$280一餐都未嫌貴過, o係o個刻$6支汽水都仲要諗一諗~哈
- 玩到好攰..呆滯哂...去買飯o個時我地去買兩個$28 o既飯...阿鄭總分錢o個時" 你地買兩個飯28蚊...即係加埋$36, 俾多廿蚊你地買汽水" 好啦...咁我地去買, 叫左兩個飯, 4支汽水, 汽水sold out, 咁ok啦, 淨係要兩個飯, 個收銀話ok, 多謝56蚊, 聽到o個下心都跳埋出黎! 心諗下..唔係36蚊架咩? 我究竟有冇56蚊o係手架....瘀爆! 文哥! 玩野呀?!
- 又去大浪灣玩浪...佢地話好好玩..不過我好怕水呀!
- 走o個時沖完涼...勁想吹頭...但係吹頭要人民幣$1...我地一蚊都冇...搞到最後要走去乾手機吹頭..連大陸人都鄙視我...."lee條友做咩一蚊都慳返呀?!"
- 玩完去左四海一家酒店食buffet...間野大到..要用地圖架~不過唔知係咪因為攰..冇咩胃口
- 走o個程車...一上車全部人訓哂..點知勁塞車...一條橋有三宗交通意外事故...跟住可儀訓左個幾鐘醒左...問"我地而家o係邊呀?"...仲o係番禺囉! 佢話...點解會咁架...我明明訓左好耐..點算呀..幾時先返到去呀?...........最後我地係塞左個幾鐘先走到! 好彩我星期一拎左假ja...今日訓醒好似俾人打左一身咁..勁攰呀!!
同一大班frd去旅行真係好開心呀!
希望我地可以一直keep落去! 
|
