起樓

好詭異呀！今日行街時，無情情撞到眼角！

話說我行IT OUTLET，想離開時，竟然無留意自己行緊去玻璃度，結果「轟」一聲，我左眼角率先親門，痛到喊。擰轉頭，全店O既人都望住我，玻璃出面嘅人又望住我……瘀到呢……惟有面懵懵咁行返出門口。

半個鐘之後，左眼角起左層「樓」！好痛……

近日真係重拾教會生活，聽道嘅時候重有O的欲罷不能，我好驚自己係三分鐘熱度，唉……所以都唔敢講話幾時幾時要再返，但講真，我好希望KEEP到。無咩原因，只係想聽，就係咁簡單。

做基督徒，我相信真係越來越難同社會風氣無衝突，下次再講點解。

故友

今日竟然走返教會練敬拜及返團契，所謂練敬拜，就係JAM詩歌為祟拜獻詩。估唔到一年無見，所有人都唔同晒，有人結婚，有人甩拖，有人似我一樣失蹤，但有人一直留O係教會做事奉，更幫青年人搞團契。

感覺似離家遊學太耐，返到黎已經老大。但好開心係一班團友都仍然留O係度，我置身其中，有種好平安好親切嘅感覺。原來2年拍拖生活，我放棄左好多朋友、兄弟姐妹等陪我成長之人。當然，拍拖唔係唔好，但係由豐富嘅多人世界走入二人世界，過程中我有無錯失其他？當生活俾獨獨一個人佔據時，會令我有種困住自己太耐嘅空虛感。如果可以的話，未來日子我希望見多O的唔同朋友，關心人，朋友，係要KEEP。

就好似尋晚同MAY、阮同珊食飯，之後又同埋GIGI、SHIRLEY等飲野，雖然中間多次互串，但……好順心。呢班同學對足3年，經歷過唔少風波。而家出黎傾計，大家都明白大家，果份默契係好難得而未必再遇。

中秋節，人月兩團圓。當所愛嘅人都近在咫尺，真係會令我笑得開心O的。嘻嘻！

七姑碌之選

是日收到男友特意購買之夏日涼果︰車厘子，給我大快朵頤，很開心！

酸酸甜甜的。同日亦購入了溥儀都唔敢戴之７姑碌眼鏡一副，笑爆！

但點解都係遮唔到粒墨？

游泳記

這一兩天都比較閒，所以去了這個夏天第一次游泳活動！感覺和往年一樣，泳池都是年輕的男生較多，好孩都沒有，不知是因為我太閒，還是現在的女生都不愛在別人面前游泳呢？

不過小朋友多就有一個不好，就是亂游！我在游的時候就被人插了屁眼一下！要知道，我是游蛙式的，那個小弟是游自己式的，在瞎摸亂衝的情況下，他就衝到我的屁眼處……可惡，嚇倒我喝了一口水！我的媽！

做完運動，又去了看「80分鐘死亡實錄」(就是西班牙那一套rec)，嚇得我噴飯，一口爆谷就在口裡也不敢吞下去。但實在很精彩，與其他生化喪屍片比較，這部戲是新穎而切身驚慄，有機會你們都要看。

還有還有，忘了推介新碟，就是盧廣仲這個台灣歌手，真的超感人，歌聲動聽，而且聽得出很有HEART，好野！

新喜訊

接二連三收到喜訊，叫我驚訝得不得了，甚至有點消化不來之感。一，是很久沒返教會的我，突然知道其中一位姐姐要結婚了！嘩嘩嘩！雖然我時時都催她拉埋天窗，但這個突如其來喜訊，竟又教我有點手足無措。為甚麼呢？我想了一整天才發現，她是我成長期的一個「人物」，一個不變的……姐姐，所以當她突然嫁為人婦，我就醒悟到，時間真正不停流走，只顧工作的我，忽爾SENSE到有些事早在我眼底下變了，而我還是傻乎乎的，只想著自己是世界的中心，其他人都圍著我轉。

第二件事是大學同學阿HING要到日本了，這個她一直想前往進修的地方發現就在她眼前，應該有點不真實吧？不過最令我佩服的是，她竟真正不懈地付出力氣完成這個夢想。在一切都嫌過得太慢的時代，一個人有幾多年時間、毅力可以為同一件事打拼呢？

我的好友，祝你們成功，看到你們做得那麼好，走得越來越遠，我感覺到，世界有美好光明的一面。我更時時感受到上主實實在在祝福衪造的每個人，每一隻都是衪珍愛的羊。

好野！