我的量地日子之單車半日遊

 返左黎都成兩個星期,日日搵工send左好多份都無一份有回音~

日日係咁都唔係辦法,所以尋日就去左圖書館借書睇,今日一大早起身~

唔想日日都訓到中午...所以一早起身睇一睇書,上一上網~

決定食完飯去踩單車~做下運動~

一條友無乜野好做,所以由大埔踩到去沙田文化博物館個頭~跟住再踩返轉頭~

唔好話...踩住我架死人野都幾攰下...因為無得轉波...真係攞命...

今次踩一踩發覺自己好像無乜力咁...可能台灣日日渣電單車...去隔離街買野食都要渣電單車...

行路勁少...無乜腳力...踩一踩真係好累...

踩完沙田回程個時...部手提跌左落地...外面裂左...好彩無壞...唔係量地之餘又要出血~

跟住返到吐露港個面有條斜路...踩完之後有d想嘔既感覺...

可能今日真係踩得有少少激...又熱又曬...不過應該係話好天先o岩~

我都影左d靚相返黎~~不過皮膚曬到有少少痛~~香港個太陽真係毒....

我去台灣玩11日環島都無事...都無紅無痛...居然返香港踩一踩單車曬到紅紅地又痛...真係...

不過都算唔錯~起碼都踩下單車做下運動唔使咁悶~哈哈!!!

攝於「嘉道理農場」

都有一段時間沒有拍生態大自然的照片了~

今天我與華達、軍雄、阿傑四人一齊去嘉道理農場~

話說o岩o岩個個星期華達msn問我~

華：想影咩呀?

我：唔知喎~又無人比我影,想影人都唔得~

        不過你都無得影女仔架啦~哈哈哈~~

        想影生態囉~我都幾鍾意影生態~

華：好喎~邊度影~

我：嘉道理農場囉...

.

.

.

.

就係咁...我地今個星期就去左嘉道理農場~

四條友仔一齊去影相都幾開心架~有講有笑~

大家交流下d技術~又交換下鏡頭用下~

不過軍雄就比我放左佢毒啦~

小小白IS借比佢用,講一講有咩好~

即時中毒身亡~

哈哈~~

比D靚相大家睇下啦~獻醜啦~

想睇更多請到我相簿欣賞~^^"
http://www.fotop.net/lamyilok/kadoorie

月光(雙語,布農族語+國語)

在朋友的網誌中聽到這首歌~很好聽~

因為我們教會將要舉辦飢餓三十(飢饉三十),所以關於飢餓三十的主題曲也要用到~

我們聽了這首歌覺得很舒服,很享受在這首歌當中~

我也很喜歡這首歌~因此找雙語的給各位聽聽~

好多事

這個幾個星期有很多事情要做....

這幾天要趕完兩份期末報告,下星期要考三科考試,考完試之後有短宣要搞包括飢饉三十,這一次我是大會主席,所以很多事情都要很清楚,但很多事情我都還沒有掌握,所以也不知道要怎麼辦...

當一切事情都結束之後...就是我台灣環島大計來啦~

我打算用最長二十天最短十二天的行程環台灣這個美麗之島~

預計騎電單車從台北最北的燈塔做起點,開始向東邊走,從東邊海線走然後走到最南的燈塔,再走西邊返台北,預計會塔船到外島,如:綠島,蘭嶼,澎湖等等

到環島後就差不多七月底了,要開始整理我的行李,還要將這4年的書本全部寄回香港,還要將家裡的東西賣掉,也要花一點時間,所以預計八月初或中就會回香港~

結束我在台灣五年的生活...

有點傷感...

真有點不捨得...特別這一年認識特別多教會的弟兄姊妹,真是很不捨得他們><

希望未來他們會來香港或我會回台灣找他們,又或者一起去國外玩囉~~

呵呵~~

香港的事情...回香港再算...現在先處理好台灣的事~

東吳團契的弟兄姊妹們

CANON EOS 5D後繼機?

在日本網站看到這個所謂的5D後繼機...簡直唔知想點...

張相比人改成咁都得...仲要有MP3,TV,RADIO,NERO都出埋黎...

仲要有傷殘標誌...呢部野真係搞屎棍...

不過講到5D後繼機有傳聞話8月發表,11月開始賣,唔知真定假啦,

睇過外國網站有講有一千六百萬像,連拍8或4張

我覺得都係傳言黎...因為無乜真實感...

不過見到1000D既發表,見到佢三重除塵功能,連拍可以影到爆卡為止....五百幾張都無問題...

我諗5D後繼都一樣有呢D功能,連拍可以無限制去狂拍都唔錯,不過連拍速度不能太慢,如果唔係都無乜用...

我自己期望感光元件做得好D,好似近日SONY既感光元件咁~勁過以前好多~

仲話一秒60張...但係有無可能用落單反呢...真係一個問題啦...

快門都會打爆啦...

如果5D連拍有8張我都非常滿意啦~起碼同D300一樣呀~

ISO希望可以高D,D300都有6400,仲要控制得好好,D3有25600....

唔知CANON今次出高階機爭唔爭氣呢?

我見D300影出黎既相非常細緻,唔係全片幅都可以做到咁,仲好有層次~

無理由5D後繼機會輸比D300呀~

如果CANON仲唔出勁D我要跳槽啦~

儲多D錢直上D3等級...

不過都係講下...希望5D後繼機真係好好睇睇啦...話哂全世界各地既人都等緊呢部野架嘛~