眼鏡鋪 @ 葵涌廣場 (18 Jul)下午 5 點，一副爛身爛世又衰樣又草根的我，向葵涌終於上完 MS Access workshop ~
順路行過葵涌廣場。一場黎到，緊要幫親下 100 蚊 3 隻的 wii games 啦~~~~ 哈哈哈~~~ 至於係唔係 "番簡" 定係 "正簡" 你地話呢 ???
暫時我除左 Biohazard 系列 同埋 wii fit 係 "正簡" 之外，其他都.........
因為係買 "番簡" o既關係，所以要等半小時加嘛
向葵涌廣場的頂層，突然向間眼鏡鋪度
有條友企出黎 dout 客，仲截住我，
然後仲話我副眼好花，幫我免費洗眼鏡 wor
誰不知，我都未來得切做反應 (因為我睇緊其 d 小食鋪頭)，條友已經好快手o禁除左我副眼鏡落黎，叫同事幫我洗眼鏡 tim !!!!!!!
嘩，其動作之快，完全嚇左我一跳 !!!!
之後向等o既其間，條友已經向度 sell 緊佢 d 眼鏡 !
話呢副 arm 我 wor，然後仲拎出黎比我試下 tim~~~
我見副眼鏡仲未洗完，o米試下 lor~~~ 試遮嘛~~~~
根住呢，條友向度吹水，問我貴姓
我話，姓劉
佢之後就問，林生做邊行呀 (what the hell 呀，我係姓劉，唔係姓林 !!!!!!!)
我話會計
佢話佢阿哥都係做會計，向長江度做 tim
(til，你阿哥做邊行我冇興趣知，淨係想知幾時洗完我副眼鏡)
之後就問我副眼鏡用左幾耐呀、幾多錢呀
我話 5 年、1 千蚊
之後佢又話個眼鏡已經 outdate 架啦、又話唔 arm 我帶呀
根住佢問我一定係好忙，都冇時間去整下副眼鏡
.............. 我心諗，家陣幾點呢 ??? 5:30pm 炸 wor !!!
乜你覺得 5:30pm 行緊商場o既人會忙咩 ???????
之後佢就話幫我驗下眼，睇下度數點啦
我見副眼鏡仲未洗完~ o米試埋 lor~~~~ 哈哈哈~~~~~
驗完眼番埋位
條友已經...................... 開緊單 !!! 寫住 "林生" "$540" "鏡框" "度數" 等資料
我問咩事 呀 ?
佢話，幫我落單，即日可以幫我做起副新眼鏡 ~
我心諗 : @X%Z#Y (已省下一大堆粗口)，我幾時話買呀 ???!!!???
我話，我冇諗住買 wor
佢話，最多收平 d ，$450 啦
我繼續 令頭 say NO
佢話，收 credit card 都得架 wor
我繼續 令頭 say NO
佢話，新開張呀，幫幫手開張單丫
我最後講句話，其實....... 我係冇錢換眼鏡，唔係唔想換.......
佢即時變面，反轉豬肚就係屎 !!!
粗聲粗氣o禁叫同事拎番我副眼鏡出黎 !!!!!
發難渣 嗎 ??? 我唔驚架 wor，有種o既o米落閘放狗丫笨 ~
橫掂我真係冇 $ o既，最多被人 dum 到豬頭o既渣，哈哈哈~~~~
嘩，今時今日o禁o既服務態度都有o既 ?????? 唔係好得 wor
又係佢突然之間除左我副眼鏡話幫我洗架 wor，家陣o禁都有o既~
仲有呢，我當時個 look 完全係一名頹廢青年 @ 5:30pm 逛商場中
睇到我個衰樣就知我冇 $ 啦
費事比呢間鋪頭O既人 search 佢地間鋪o既名搵到黎我呢個blog度，我決定......
直接 upload 佢地將 card 片呢~~~~~ 哈哈哈~~~~~~
http://forum.baby-kingdom.com/viewthread.php?tid=1615280&extra=page%3D1&page=1
原來呢間野都幾 ""出名"" 架 wor~ 哈哈哈~~~
我中曬招 tim~
好彩我冇錢，所以至力保不失遮~~~
http://www31.discuss.com.hk/viewthread.php?tid=6143175&extra=page%3D43 | 
