28/11-2/12/2007 台中+高雄之旅哈~ 我又成個幾月冇黎過打日記了...補記返呢個台中+高雄之旅先...計計下, 去完都成10日了... 今次勁咯, 都冇乜點plan過咁就出發咯...仲要係2個女仔自由行喎!! 唔唔...都幾利害, 哈, 讚下先~ 等我用d 相黎回憶一下..... 此行一個重點就係試下坐o岩o岩落成不久的高鐵啦, 唔...非常舒服, 個設計好似飛機咁, 連個toilet都係一模一樣~ 高速鐵路果然係非常之高速, 由最南端的左營站, 搭到去台中, 一個鐘唔夠就到左喇, 位都未坐暖...哈哈...好彩冇貪得意買lunch食...唔係就狼狽咯~~ 慳時間係有代價架! 呢一程就用了約200大元~ 呵~  
唔知係咪平日呢? 好少人搭咁o既.... 可能準備功夫做得太少...又可能係高鐵太新喇, 好多網上資料or當地d 配套都未好全面咁, 花了不少時間往來高鐵站呢.... (亦可能只是我倆太路盲.... : p) 總算係如計劃般順利到達這個叫做埔里的轉車站, umm...見仲有d 時間, 去左嘆下世界~ 見倒呢間店面非常靚的藤子店就立即決定幫襯!! 正, 有下午茶!! 呢個餐有3件自選蛋糕捲, 一件自選銅鑼燒再加一杯藍苺花茶or泡沫咖啡~ 每位約22元~ 嘩...超relaxing~~ 坐坐下, 諗起今日係一個平常的星期四下午....其他人都努力工作的同時, 我就嘆緊呢個tea....嘩哈哈...  
食飽飽又繼續上路lu~ 第一天o既終極目標 ---> 清境農場!! 呢處地方真係唔小野呀, 落左飛機要坐成6粒鐘巴士先到....沿途仲同d 學生哥逼公車添...幸好平時都坐開長途車, 睇下風景傾下計, 咁就到左喇~ 要投宿的地方 ---> 國民賓館!! 山長水遠地黎到, 5 點多已經天黑了...室外溫度....6 度!!?!! 嚇死人咩.....原來呢度係海拔1700公尺咁高架... 第一日o既旅程就咁就完結左了..... 第二朝一早, 居然自己7點就識醒...係比溫暖o既太陽燦醒, so nice!! 嘻...急不及待想要望清楚這個我身處的地方...嘩...乜靚左咁多o既? heee...影相影相....  賓館外小徑
 房間外景觀
好可惜我地去的時候唔係花開的季節呢, 唔係個景應該比呢個靚十倍...好似話二月就係櫻花的季節! 不過一年四季都有唔同o既景觀o既~ 呢個我覺得都好靚!! 吃過早餐, 出發去全日最重要的景點 ---> 青青草原!! 青青草原係響賓館附近的一個地方~ 果度住左好多羊咩咩, 難得o既地方係去呢度唔似去一個動物園, 而係真係去d 羊咩o既屋企咁, d 羊可以好free咁隨處走動~ 隨便一個shot 都好靚...好綠...好大自然呢~ 清新的空氣啊!!  一望無際的草原同高山
 好大的山....
 
同動物影相果然係難...顧得自己就捕捉唔倒佢地....  從呢張相大家可以見到d 羊係四圍咁走的...(quoted from fanny lau)
如果各位有興趣, 可以睇下呢個官方清境網站啦 www.cingjing.gov.tw !! 不過如果係去的話, 我會建議位民宿喇, 好有度假feel咁架!! 隔左咁耐...都係唔打喇, update 左個相薄...有興趣就去睇睇啦!!! heeee~ http://community.webshots.com/user/littlelilykwong5 | 
