「屈機」的歷史

親愛o既 hkeaa 早兩日o係中文o既考卷入面出現左「見鬼勿 O 咀，潛水怕屈機」
我無咩意欲(同埋資格)去為呢o的潮語定義
(呢o的留返比 hkeaa/中文系做啦下...)
不過講開又講
原來我係成長於「屈機」呢個詞語誕生o既年頭
都可以話係目擊住「屈機」一字o既出現
所以我或者都可以講下當時呢個字o既由來
為香港o既潮語發展史盡一分力...

根據我o既記憶
「屈機」一字應該誕生於 1991 年之後
因為「屈機」一字係o係《街霸 2》風行機鋪之後先出現的
(呢隻 game 係 91 年o既產物，當時我大概三四年級左右)
點解之前無呢個字呢？
大概o既原因如下：
1) 其實當時打機o既人都有用個「屈」字的
但用o既時候往往都指涉 specific o既對象
最常見o既有例如「屈方 (formula)/某某角色/大佬」
2) o係《街霸 2》之前
由於格鬥/對打遊戲o既控制系統未成熟
(要知道佢o既「必殺技」系統對遊戲機界有革命性o既意義)
因此好少呢一類 game
當時o既遊戲一係就係單人對電腦
一係就係雙機協力對電腦
好少有雙方對戰o既情況

不過
o係《街霸 2 》出現之後
打機界o既情況就有所改變
因為《街霸 2》令到角色操控容易左好多
而電腦又始終無人打得o甘勁
所以好快o的人就鐘意「同人打」多過「同機打」
(註：「挑機」一字都係果時出現... 之前只有「跟隊」/「跟機」，理由同上)
不過，由於《街霸 2 》始終都只係「革命o既第一響」
因此佢都係有唔完善o既地方
其中最為人究病o既
就係角色o既各項力量o既平衡做得唔好
簡單而言，就係一o的角色好勁，另一o的好渣
當大家玩耐左之後
就開始專門用呢o的角色/招式o既優勢黎對付對方
大家有打o既都會記得
最初人人都話「軍佬」好勁
後來先發現原來「阿隆」同「阿 ken」先係最勁
(因為o的人開始識出昇龍拳)
o甘當時如果係二人對戰
雙方都會用呢o的遊戲o既漏洞黎對付對方

最初呢個情況都唔係叫「屈機」的
而係同樣有 specific o甘指你「屈」人o的咩野
例如係「屈腳刀」、「屈波昇」、「屈 dat」
呢個時候o的人仲係無o甘懶
o的用語o既描述都係有內容o的、仔細o的
(雖然都唔好得去邊架啦)
而被呢o的方式打敗o既一方
由於係o係無可能反勝(最多打和)
所以就充滿比人「屈」o既感覺
因此佢地都會o係輸左之後指責對方「屈」
之前之所以無o甘o既問題
係因為就算有人屈
都只係屈電腦控制o既敵人/ boss
但《街霸 2》之後被屈o既就係人
輸o既會係面同埋錢
(當時一局兩蚊，係好貴o既遊戲)
所以當被人「屈」而輸就會好唔服氣
因為唔係技不如人
而係輸比遊戲o既漏洞

不過
當時o既人都好傻好天真
被人「屈」輸左之後多數只會研究點樣屈人
好少會好似而家O甘去打人
所以當時機鋪往往都會有一兩個人可以o係度打成個幾鐘
(竟然無比人打...)
果時要打機係無得「先同電腦練，再同人對戰」o甘理想
而永遠都要硬住頭皮同呢o的「神人」對決
不過，當時o既o靚仔
而家都養成左一個良好o既打機操守
就係：
「比人屈唔緊要，我下次屈返你」
講到尾
人地可以屈你
你都可以屈人o既o者
大家都可以利用 game o既漏洞
你屈唔到人
其實係你技術o既問題
「屈機」，都係一種技術
係技術強o既表現
因此o係不久之後
「屈機」就由純粹指控、責備人地「利用漏洞」黎壓倒他人
變成多多少少地讚人有壓倒他人「高超技術」啦...

全球快樂調查：中年最鬱卒　老年少年最快樂
(法新社) 01月 30日 星期三 07:05AM

點解？？﹗

早兩日同 k 去行崇光
去到賣寢具o既地方
遇到一對估計係兩公婆o既人o係度研究緊買張新o既羽絨被...

老公 (勞氣 x1)：我唔會比三千蚊買呢舊野囉!!! (指住一張被，下稱 "A" )

老婆 (望住 sales 姐姐)： 係唔係 A 呢件抵買o的？

sales 姐姐：梗係啦﹗A 呢個折實價係貴過果個 (指住另一張被，下稱 "B")，但係而家 A 做 promote ，加埋感謝祭就有 6 折再 8 折； B 呢而家就淨係得 7 折再 8 折...

老婆 (望住老公)：係唔係呀？都話 A 好o的架啦~

老公：梗係唔係啦，o甘鬼貴... 總之就唔好買 A 啦~

老婆：唔係架，我仲有 sogo 會員卡嘛~ 再有 95 折架~

sales 姐姐：係呀，可以再平... (計緊)... $150 架~

老公 (勞氣 x 2)：平得果 $150!!! 我都唔明你點解要用o甘多錢買張被~

老婆 (開始 lur 個老公)：o甘 A 係好o的嘛~

老公： 梗係唔係啦，兩張咪差唔多... 你睇下兩張野啦， size 又一樣，料又一樣... 拿，B 仲輕o的添﹗(心諗今次仲唔講你唔服？﹗)

老婆：就係輕得滯呀我驚佢，太輕唔好 kum 唔舒服架......

老公：

之後我就聽唔到佢地講咩啦...

conclusion: 我屌......