十三億人民的希望

在田徑場上，我國的劉欄王是可與世界各國選手齊名的
甚至於他們之上..............
今日，2008 年8 月18 日，是為中國運動員寫下黑色的一頁
即使有再多的獎牌，也補不了劉翔受傷為我們帶來的一份傷感
長期累月的傷患，他也捱過去了........
他為了我們十三億人民的希望，忍著痛練習
為了我們，他再辛苦，也要跑在黑人前面，証明給世人看，我們是有能力的！

今天退出，雖然與奧運獎牌無緣，也不能在自己的家中取得我們田徑場上的金牌
但為了將來為我們再爭光，我深信他會重新站起來
再次於田徑場上跑在所有人的前面
為我們中國人跨出一個又一個的驕傲！

不能衛冕，是很可惜
但從另一方面看，他也擁有過所有了
在世界舞台上的最高點，他站過了
他為我們帶來了驕傲
他的不屈服精神也得我們借鏡~~~~~

今天練習的時候
開始練習了我地的新Slogan 了
運動員們雖然未算完全接受，但我覺得都係要必需推行
去提升同學們o既歸屬感
呢d 野一定唔少得，希望可以帶動到新一代o既師弟
唔會好似近呢兩年o個d 咁
新學制黎緊，我地都要搵d 新野黎配合先得~~~~

努力啊！！

我的生日派對~~~

    回想起來，我都好似好幾年冇咁樣一大班人開派對啦
今年比較特別，但又唔可以話幸運
我的兩個最好的好友都在香港陪我過生日~~~
但俾我揀，佢兩個唔o係度係會好d
因為要留得o係香港，都未必係好事............

今年同我過生日的，很開心的~~~
他們並唔係我的同學，今年係一班St. Lu 仔......
有五位社長，仲有SAA Chairman... 仲有好多的~~~
hahahaha~~~
仲有人地o既細佬妹..........
好多人都好俾面呢~~~~~

我喜歡熱鬧，不過我亦曾經為左一d 人
而放棄熱鬧~~~~~
在生日中，禮物並不是一個主菜
能夠有一群能夠與你交心的人一起過才是最開心的
這一天，很難忘~~~~

不過又係玩到好夜的日子就慘d 啦.........
完全唔夠訓，一朝早起身就開工
仲要有d 喉嚨痛............
都幾唔開心><

Happy Birthday to myself~~~~

還是遲d 再edit~~~

放榜了~~~~

尋日會考放榜，好開心
我地聖類斯終於有6A, 7A 啦~~~
hahahaha~~~
雖然比起人地都唔係好好多
但總算係一個唔錯o既成績

見到好多師弟們為自己考得唔好而喊
其實會考只係一個中轉站
考得好，當然條路好順利
但考得唔好，都唔係注定失敗
又可能你o既潛質唔o係呢一方面
有一定o既轉型係對自己o既發展有好處的
我都曾經o係會考有過一份執著
為了做社長這一個夢，我堅持了
最後，我未必係一個最好o既社長，但我總算完成了我其中一個夢，我亦都冇後悔去用呢一年去換我呢一個夢~~~~~~

今日，用一個師兄o既身份去教師弟們作出選擇
可能就係我o既經歷，令我有更多o既經驗去分享俾師弟
我跌過，亦都試過站在頒獎台上的最高處
我覺得而家o既師弟真係好好
我希望師弟們可以薪火相傳，第日可以返黎幫返佢地o既師弟就好啦~~~
hahahahaha~~~~

今年Shamrock 有20 個人返到黎，一方面人多好辦事，另一方面就人多手腳亂~~~

人地個細佬：原校收得返你都真係幾開心，但真係要好好珍惜呢兩年o既機會，唔係人人有ga...... 我其實o個一刻都幾緊張~~~ 點都好啦，恭喜你...... 我真係當你細佬咁睇ga~~~ hahaaha~~ 

Leadership Theory

又講下LTC 先
每年去到LTC，我最期待o既一個活動就係所有campers 最唔鐘意o既活動
就係Lecture
因為每次Lecture 係真係聽到d 野，睇下自己係咪做到佢所講o既野
證明自己係一個好leader....
hahahahahaha~~

今年搵左個青協o既人黎講
叫"松松"
佢講o既leadership 真係唔錯
四個L's----Love, Live, Learn, Legacy
的而且確，佢講完之後，其實你都唔知有乜用
但係真係可以用返出黎咩？
係你自己做左都唔知
要做一個 "頭馬"，即係要有好高自覺性
有d 野唔洗講都知要點做
當我以為所有人都係自動返黎o既時候
我收到肥森電話先知原來佢每次都會打俾班仔提佢地
佢唔可以叫做頭馬，我同佢只係一齊並肩作戰
不過o個一刻我先知原來佢o係背後都做好多野
都幾感動~~~ hahahahaha~~~~

我唔知道我仲會去堅持呢一份使命幾耐
但我知道，即使我唔o係度
都有人接班了~~~
放心晒...........

=========================================

呢幾晚都訓得好少..........
好眼訓
唉.............