| 痛牙痛‧ 慘過大病
我呢兩日深深體會到
可以痛到訓著到痛醒
可以痛到唔想食野
可以痛到唔想講野
今日拎左time off 去睇牙醫
洗牙+檢查....唔知會唔會剝埋牙
好驚呀!!! 不過 長痛不如短痛
而家的心情好矛盾呢~~~ |
| |
| Wonder Miriam楊千FA出左新碟喇
今次都幾好聽既...雖然係咁...都冇得同以前佢的歌比
好過冇啦! 而家大左，邊有話好似細個話邊個係我偶像...呢樣o個樣丫
歌好聽咪聽下囉...不過都係o個句...Jay Chow仍然係我的最愛!!呵~
我個人咁無聊 o係屋企冇野做就最鐘意同林生爭電腦用
係咁上網...呢排就梗係係咁睇結婚的野啦
大日子個網好好睇 可以睇下其他新人的日誌、相簿
琴晚我打算睇下有d咩新會員呀新日誌咁...
俾我發現新大陸....哈
我居然見倒好友的男友為她開左個大日子網頁
入面梗係寫埋d深情說話啦
睇完我都真係好戥好友開心
希望....09年真係可以參加你的婚禮....正! |
| |
| j@y chOw琴晚發夢見我偶像周董...嘩....開心到呢~
佢仲俾左佢個電話我添~~~勁!!
好似佢就黎會出碟，好期待喔!!!!
近排都冇咩好歌聽，市道差...所以冇咩人出碟....
出左o個d又唔好聽....攪到我d mp3聽完又聽，真係聽到厭晒!
10月真開心，有兩日公眾假期。
返office的日子就係咁，返工等lunch，lunch等放工，日日望打風....
一有紅日就即刻約朋友去吹吹風。好無聊呀!!!!!!!!!!
今晚約左好友食飯...正呀!!!
可以hea一番!
|
| |
| 又打風喇。。。估唔到九月都仲有得打風，由於我住離島，所以當天文台表示會在六點前發出八號波的時候，我可以即刻返屋企。正! 全個GC TEAM得我一個有得走….咔咔咔!!!! 不過我個baby未走得，咁我就去左接佢收工。嘩，橫風橫雨等人收工你話幾浪漫呢(-_-')….佢落到黎仲睇我唔倒….自己過左去對面馬路….我心諗:大聲嗌佢都聽唔倒啦…唯有跑過去….不過跑..又怕會pk…哈! 好彩佢把遮俾風吹到反一反，結果佢猛力捉住把遮同風搏鬥緊的時候一轉身就望倒我o係對面街。佢見倒我仲問我點解唔o係商場等佢?! 吾…以後都係留在安全位置等人比較好。 完左個election都成兩個星期，d complaint同enquiry呢幾日開始少左…我又未開始做得d野住，所以又回復hea住返工的日子。我最鐘意就係上esdlife個新婚網forum。好多野睇，如果你準備結婚的話，真係極力推介你去o個度做下資料搜集，好多新娘子都會同大家分亨經驗，我就係因為日上夜上左呢個forum，所有野先咁有效率咋。 我倆的結婚介指於PN度訂造。最終我地要左對簡單一粒方石的款式，就係呢對。。。 
睇左好耐，諗左好耐，都係簡單好。因為，簡單‧ 就是美... |
| |
