| 卡卡與我因為久病未清，尋日終於頂唔順，請了四個月來的第一個SL。醫生話係氣喉敏感喎，簡單D講句－條氣唔順。D藥估佢唔到咁鬼勁抽：晏晝三點訓，七點起身食第二次藥＋食飯，再訓到零晨點幾又食藥，再訓導到第二朝七點幾都好似唔夠咁，但係都好，比個機會好好休息，先前都好似成日唔夠訓咁嘅。
今日都係同ASHLEY去中環覆疹，途經尖東站時，一名貎似卡卡的男子（真係來自巴西咖，同行仲有一個位身型都幾超模的女子添）向我們問路，我呢D好客精神攞滿分的香港人，緊係第一時間帶著笑面幫佢手啦，原來佢地都係去中環，跟住去香港站轉機鐡。哈，太耐無用英文，條脷真係打哂結，佢地D拉丁英文又唔係咁易聽喎，好在都溝通到。
睇完牙醫，例牌去我地最愛的勝香園食個早餐－若茄牛通X餐蛋治X奶油脆脆X大雪碧，好滿足呀。順路去H&M打個轉，原來D野真係幾平的，ABC或者鬼妹仔最愛！撘車就時，竟然誤打誤撞去到昭隆街的熱狗皇，緊係買返個雙腸熱狗黎試下啦。由於大飽的關係，所以都係食唔出有乜咁特別。所以結論係－食乜都好，肚餓時食點都會好食D的。
今個月其實好多野發生左－生日，水深火熱第一次領詩，升職（由AQS升為QS），但震撼的，都係CHEF QS離世的消息。除了默然，人們對生死還可以甚麼反應？錯失太易，愛得太遲，好好愛身邊的每一位，珍惜身邊的一切。 |
| |
