3月8日，一個大日子。婦女節？ 電影節公開票房售飛日！ 亦即是買熱門飛的最後一個機會。可惜我唔夠早。 票房是10點正開的。我9:30到，前面已經排左9、10個人，心想都有D危。 10點正，最頭o個幾位師奶（其實係中年OL）搞左好耐，好似電腦Hang機。估唔到電腦訂票時Hang機，連票房買票都Hang機。今年電影節真係咁旺？！ 睇黎佢地是買《再做人之戀》，唔係，係買《阿Rain來港出席首影》至真。鬼唔望朴導演拍到套戲鬼咁深，等佢地睇到眼突突。 我都唔蠢，一路等一路打快達票電話訂飛熱線，希望截足先登。可惜又係keep住jam線。 過多陣，好似有D唔對路。我可以從師奶o既眼神之中睇到焦慮不安的神情。佢地想買5張飛，結果得4張。票務員宣佈2場《再做人》全部售罄。說時遲那時快，我左耳的電話竟然咁好彩接通左，可惜依然不改售罄之事實。不過，我都買左《惡女花魁》的首映做補嘗。 前面有數位少男少女亦立即懷著失望的心情，掛著痛苦的表情黯然離去。有D甚至乎唔相信呢個事實，死都唔肯走，走左又返轉頭，大吵大鬧，哭哭啼啼.....（誇張左喇） 最後我都排到隊買《超完美地獄》，之後去埋UA Time's Square買埋《離奇過小說》，不過都係冇學生飛。 總括來講，買左21張飛，$746。如果無學生飛的話，就起碼$1300。終於覺得讀科大係明智o既選擇！ 另外原來唔小心買多左一張9/4 3pm《黐線》，同埋多左2張9/4 9pm《惡女花魁》。有興趣Call我，$28學生飛。 ******************************************************************* 看看《惡女花魁》的Trailer吧！椎名的音樂，土屋的演出…正，首映會見到佢地！ http://www.sakuran-themovie.com/trailer/yokoku_500k.asx | 
