廉價恩典？

昨日一整天，思正都有點耍性子的情況。
跟孩子晚禱後，思正爸關了門，
在蚊燈的微光下，就只有我和思正。

我輕撫他的頭髮，溫柔地說：
「思正，你要做個乖孩子了，你成日唔聽話，就冇人錫架。」
思正突然甩去橡皮奶咀，睜大眼睛地唱歌：
「就算天陰天晴天下雨，主都會錫住你。」
唱完這句就停下來。

我呆了一會兒，然後說：
「不錯，就算我地唔乖，主耶穌都會錫我地，
但唔代表我地要特登犯錯。主耶穌都唔鍾意的。」

此話題就停於此，然後就是「小小姑娘」出場，
已記不起唱了多少遍，思正已在睡夢中。

沒想到不足三歲的孩子已懂得「廉價恩典」。
或許是潘霍華深明人性的軟弱，
基督捨身的重價救贖，在高舉個人主義的社會，
就容易落入營造一代輕看救恩，
只講上帝的慈愛，不談作門徒背十架的委身。

「就算天陰天晴天下雨，主都會錫住你」，
這是真理，
但不代表主的門徒可以寬容自己活在黑暗中。

我的畢業感想

普洱的故事

今日跟丁媽通電話。

「喂，丁媽，又差唔多時候同小朋友訂奶粉了，今次你要幾多罐呀？」我問。
因為思正和丁丁都是飲日本明治奶粉，
所以我們都是一起經代理商訂貨的。

聽筒傳來丁媽慨嘆的聲音：
「唉，阿丁呢排又轉左口味了，佢依家唔飲明治了，
不如我把餘下未開封的幾罐都轉讓給你吧。」
「佢唔飲明治，咁喜歡飲咩呀？」我好奇問。
「佢依家鍾意飲保李呀！」丁媽無奈地。
「什麼？飲保李？」我驚訝地說。

打從上次的雞精事件後，我已學乖了，小心地聽。
心想小朋友怎會飲普洱呀？

「係呀，係保李呀。」丁媽堅持地說。
「你講笑咩，邊有小朋友飲普洱茶架！」我怪責地說。
婦人急急解釋：「唔係，係紙包的牛奶，果ｄ呀！」
我笑著說：「太太，係寶利牛奶呀！！」

雞精的故事

黃昏時與同工們往餐廳晚膳，分享近況。
四眼牧師說：
「呢排好夜訓。尋晚我咪加左ｄ雞精煮烏冬食，幾正呀！」
「吓？雞精可以煮烏冬架？」我疑惑。
四眼牧師對我的疑問好像有點驚訝，說：
「點解唔得呀？我再加埋幾粒黑椒牛丸，嘩！好味到不得了！」
「吓？雞精同黑椒牛丸夾唔夾架，牧師？」我皺眉頭地說。

同桌的神山姑娘大笑起來：「May，你諗緊ｄ咩野呀！」
我申辯說：「咁係奇怪嘛，白蘭氏雞精點會有人用黎煮麵架！」

「講緊係放湯的雞精呀，小姐！」（全桌人差不多異口同聲）
......我點知喎，我屋企用雞粉的嘛。（死撐）

謙和

凡事謙虛、溫柔、忍耐，
用愛心互相寬容，
用和平彼此聯絡，
竭力保守聖靈所賜合而為一的心。 (弗4:2-3)

多謝主對我的教導。