三幾個月前，"巴士阿叔" 個攝影師影到兩個男人係度鬧交．．． 都已經上哂報紙頭版，ｈｉｔ足成個月．．． 你地知唔知我今日見到咩呀？？ 我直頭近距離目擊到兩條中坑圍ｏ趙個巴士司機，超變態呀 事緣．． 今日放工搭巴士返屋企 去到女拔附近，架巴士埋站停左好耐好耐無開 我除左ｍｐ３昅下咩事，聽到前排乘客係度陰之陰之講 "嘩，爆哂光" "快d報警喇" "有癲佬呀" 之類 即刻由上排左後飛奔落下層睇睇發生咩事 果然...d師奶無呃我 真係爆哂光 見到兩個成身酒氣既中坑係度發癲，兇個司機 句句唔係器官就係親屬 隔離幾個人即刻巢部電話出黎報警 我當然都巢下巢下，巢咩呀？ 巢相機啦梗係，今日有帶相機返工 巢巢下既時間，兩條痴線友走上去圍ｏ趙個司機 我地成班人，包括車內車外既人，即刻走過去嗌"唔好ｘ打呀"、"打ｘ死人啦"、"停手，唔係打ｘ你"等等諸如此類，當中尤以車外某師奶既大嗌最為有效，兩條癲佬（可能）懾於＆頂唔順師奶ｄ煩音，停左手，轉身同佢地對罵 局勢稍為喘定，再巢相機，終於搵到 我沙ｐｏｐ諗住影住兩條癲佬，捕佢地，佢地再發癲打人就斷正
點知，呀頂 鬧完ｄ師奶，竟然．．．走過黎兇我 （見唔見到佢走緊埋黎我度？我即刻閂機回啤！） "ｏ靚仔，係咪想連相機都爛埋呀？" 輸人唔輸陣，即刻挺起僅餘既胸肌，行前半步 "咩呀，點ｘ樣呀，影你唔ｘ得呀？" 或者佢都呆一呆，一個西裝骨骨、打哂呔既人竟然咁講野 但係佢眼裡慢慢有團怒火出緊黎，又愈行愈埋．．． 氣氛好緊張呀．．．．你估下我點ｒｅａｃｔ 咪玩啦，梗係走落車避避鋒頭啦，唔通同癲佬打番餐咩．． 落到街上聽到ｄ人講原來兩個酒鬼上車無俾錢，跟住就同司機先口角再動手．． 我落左車之後果兩個人再ｋｅｅｐ住同司機嘈，無耐仲爆出是日金句 "ｘ那星，我大佬咩無俾車錢呀，頭先咪碌左卡ｌｏｒ，你見到架，碌卡唔係俾錢呀家陣．．．" 全場肚彎 之後差人黎左，塔左兩個痴線佬返去就散場ｌｕ．．  
可惜影唔到佢地打人，唔係可以俾差佬做證據，做番次好市民 | 
