| 19.7.2008 Skating @ Elements 原本今日約左小櫻櫻去Elements踩冰+睇Batman，但係買唔到飛....去左UNION Cafe食左個勁唔抵的午餐，仲貴過平時出街食dinner，野食味道一般! Smoothies唔似smoothies，似果汁冰；個意大利飯由番茄汁變左忌廉汁，又細碟；pizza個餅底唔脆..... 呢個價錢可以high tea/ 食buffet~~   
好耐無踩冰la，應該有成5-6年，開頭都溜得好慢，身邊的小朋友好勁，仲可以０係冰上追逐！之後我都可以加速，不過個場唔夠平滑，最後都跌左一野，要人扶番起身，仲瘀左tim....不過好好玩！如果個場大d更好...   
好鍾意隻企鵝仔，係雪hill黎ga!借左人地黎影相! 呢張唔係趺緊ga!係專登擺的post. 玩左45分鐘就收工（1min=$1)....哈!因為雙腳好痛，紅晒！由於好攰唔想再行的關係，我地又去starbuck坐。小櫻櫻好狼，成日迫人成野.....呢幾曰儲埋的quota無晒lu.... |
| |
| 12/7/2008 (六) 好忙的星期六 放工約左JUJU去澳洲牛奶公司食常餐，加埋個杏汁燉旦，今日食的旦份量爆晒燈，搞到晚餐時間都仲滯住滯住! 之後再去睇下新人的活動進行成點～近日連私人時間都俾工作纏繞住，好辛苦.....但係個腦又不停咁諗工作......唔可以再咁落去....... 陪左個唔開心的朋友仔去睇<<赤壁>>，好爆場ar~ 以為２個鐘的歷史片會悶，但係竟然有好多GAP/ 笑位! 好好睇，值得一睇～ 黎緊仲有好多戲想睇，平均一個星期睇1套先得!!
Our light dinner @ Double star cafe
由於個午餐仲未落格，所以drink+salad已經好夠，不過０係戲院俾人扼左食成碟芝士粟米片=.=!
 我地仲定左個新規條，今日開始，為期１個月！為海洋公園門票進發！希望成功la~ 一齊加油~ 近日俾人話月巴左，無可能>.<，不過俾個動力自已減下都好gei! |
| |
| 5.7.2008 (六) 深圳兒童公園繪畫比賽 同另外4位同事一齊北上工作~ 比平時返工還要早起身，６點鐘ar! 真係太早了，成為最早到的一個，0係上水車站等左差唔多成粒鐘先齊人..... 早知我又遲下到la..... 兒童公園(東門)原來係一個非一般的公園，似遊樂場多ｄ，因為有機動遊戲ga~~天氣好熱，仲要著住件青bb的制服，變左有天然桑拿焗，不停要抹汗，焗完成個人醒晒！見到個勁得意的妹妹，忍唔住偷影佢，hee....
    太好la~~~我地3個女丁之後順道去左按腳同肩+修甲，已經叫師父細力ｄ！不過返到家開始發痛，看來我都係唔適宜按摩／揼骨，次次俾人揼完都成身痛，一ｄ都唔舒服! 比預計早回到家中，可以休息下la ～ 明天仲要去體力勞動－行山! *************************** 6.7.2008 (日) 釣漁翁，無緣相遇！ 今日原定約左瑩瑩+Wendy+Julia+瑩fds，去西貢釣漁翁(近清水灣)行山，執齊所有行裝，好興致勃勃咁出發～ 明明出門口仲藍天白雲，仲落足防晒！點知去到鑽石山就落大雨......但係我地一行9人(咁0岩全部都係CU人,頓時變成校外會gathering)仍堅持去起點度再作定斷! 點知，坐巴士的沿途，有車輛發生交通意外，我地０係車內呆等左成半粒鐘先行得番！  
with JuJu Wendy的傑作...等左半個鐘!
到左清水灣二灘，不一會，又落勁大雨，我地有一半人無帶＂姐＂，包括我！所以避雨避到成點幾鐘先走人，幾經波折先決定象徵式行一小段山，再落布袋澳食tea~~~最後行到一間士多，大家變左坐低食晏，瑩瑩share左佢"前世催眠"的workshop經歷，都幾搞笑！仲帶出左"偶然唔係巧合"的哲理! 今日的行程就咁完結la!
 
大雨中的清水灣二灘 釣漁翁的山頂（好沙龍！！） 最終都行唔成山，有ｄ可惜同掃興，無法la，落大雨! 只係臨走遠望釣漁翁。如果好天，ｄ風景一定好靚！下次一定要補返黎～ 之後去左apm hea，睇書同飲野！ |
| |
| 今日出外工作，順道影左張好得意的相～～ 好似去左小人國！你睇我幾細粒!!! 
地點: 康山吉之島 |
| |
| 29.6.2008 (日) B-day Celebration with Wendy and June Star 好友Wendy正日生日，當然要陪足一日la~ 賴瞓的我成12點幾先起身，跟住約左主人家去Elements踩冰 (原本的計劃)，但最後還是決定去食個西式tea~~ (明明之前0個晚cam左話唔以食為主ga ma!) 揾左間有保證的cafe 1882，好靚的輕量級high tea set，slim d ma! 好好味! Micochino 都好好飲，近來都愛上coffee~~~ 不過呢度的cafe唔夠relax，因為太多小朋友及家庭，好奇怪；又無銅鑼灣分店的靚仔待應，哈....(記得揾日帶我去見識下)    
P.S. 踩冰都好抵ar，$0.6/ $1/ mins jar，仲以為自己睇錯，仲有企鵝伴溜，哈哈，唔怕跌親la~~~下次一定要去玩先....
晚上join埋沁沁&Candy食<越色>@TST，我地4丁友，嗌到成枱野，最後突然清晒！勁ar! 呢度的服務好好，個waiter主動幫我地雪酒(沁沁的甜酒) 同備酒杯 (不用加額外費)，太好人了! 好完滿的一餐! 可惜Winky今日出席唔到..... 估唔到咁早收到今年的生日禮物，多謝Candy! 同埋祝3位6月生日的好友Happy Birthday，開開心心～  
好豐富的四人餐~~~~ 好味! 但返到屋企發現d野食好多味精....
 
New Zealand的甜酒 CHEERS~
 好gay的一幕....唉...Wendy.....大個女la!
************************************
30.6.2008 (一) 晨早流流去到佐敦地鐵站先落大雨!! 向2位人士(同事)求救不果~~~最後還是淋住雨跑去7仔買傘，好狼狽! 跟住回到公司又好多野要跟 (within 1 hr要完成)，中途又俾人激親.....其實呢件事只係度火線，加埋上星期的各樣野，先令我咁激動jei! 越黎越唔鍾意呢度部份人的工作態度及做野方法，有時d野互都幫助，唔駛計到咁盡.....到頭來又要我受番晒，仲要睇人面色同氹人，你估我好得閒咩，EQ幾好都唔好受la！真係好激氣..... 搞到今日全日心情不佳......最後還是......幸好謝謝您! (雖然你唔會睇到我xanga! 哈!) |
| |
