| 13天不知道自己還可以支撐下去嗎? 每天也在煎熬，每天也在心痛，每天也在流淚，每晚也睡不著 飯也吃不下，這些日子還有多久? 需要一個答案，但承受得起嗎? |
| |
| 12天後這幾天，又諗好多野 幸福一直都好難話有就有，好幸運，我一直都好幸福，直到近來不再這樣，我才懂珍惜，會太遲嗎?我真的不知道 人的EQ高了，好像對整個世界看法都不一樣，原來以前一直不滿的事，現在看來跟本不是一回甚麼的事，是我以前太執著吧 或者我也需要一段時間給自己一個機會反省 |
| |
| 重見天日耐到連點打blog都唔識 搵左好耐先搵到，唉 呢幾個星期，我覺得過得好慢，每一日都好辛苦，真係唔知幾時先可以回復正常 響呢度一定要同蔡，怡，曉，圓講聲對唔住，我上個星期日冇去到聚會，真係好對唔住，不過原因我就唔係太想講了 |
| |
| 好耐冇寫日記喇,不過就不斷都有睇人地既日記，原來個個不論係番工定係番學，都有自己既辛苦，固然番學真係幸福好多好多，好似winnie話以為番學好忙好多野做，但係番工就真係唔係食、訓，就係番工，實在真係冇咩自己既時間，所以媽成日話我唔執自己野，但番工真係冇咩心機番屋企仲要執野.... 上星期日係其士盃，個個都話見到李嘉欣，但我只係見到郭秀雲...非常無奈，幸好上次樂聲盃見到方力申，真係有d後悔冇搵佢影相 完左個其士盃，第二日要去拆旗仔，見到成個馬場都係其士既旗仔，真係好難想像一日可以拆晒佢，好彩老闆過左上午已經帶左我走，唔係我可能真係會暈低左.... 今日係還袍既大日子，約埋winnie同winky一齊去，之後仲一齊去左行街，因為我約左海海，所以早走左，下次我一定會同你地行耐d(呵呵，winnie仔，我今日真係冇買野丫^^) 同海海行街，最終都係買左件衫，平左成差唔多$30，雖然明知標價係高左，再平畀我，但都係依然開心 之後去左抽狗仔，一抽就抽到八哥，真係開心到難以形容 11月19日抽左d時間去港大同怡、蔡、曉、圓影相，thx晒怡幫我影左好多好靚既相(人同境都好靚，呵)    
公司影既相..  
|
| |
