7年前...仲係讀緊f.2既我曾經暗戀一個同班既女仔...

直到f.4..終於有機會坐係佢既身邊...

而我...亦都第一次追女仔....不過失敗o左...

之後...f.5既時候..我試過改變自己....然後果一年既聖誕節...我又再一次咁向佢表白...都係失敗o左...

不過畢業之後...我同佢間中都會出黎食下飯..睇下戲咁....

直到今年...佢因為一d事...叫我扮住佢男朋友先...

當時...我非常之開心...我以為我仲有機會可以同佢一齊....

「以為」......

然後...佢字裹行間咁話比我聽佢唔需求男朋友;做佢男朋友會好慘咁咁咁咁.........

到o左e兩個星期我先知道.....原來咁多年黎...我始終都係冇機會同佢一齊......

今日...我已經將佢既MSN同電話 del o左.....

我知道如果唔咁做既話......我會繼續係e條單情路上面跑黎跑去......

情人節係一個特別既日子......特別衰既日子.....

有拖拍既人....又要煩去邊....

冇拖拍既人....又要煩冇地方去....

收工返屋企既時侯.....比老豆潤o左一潤....

佢問:今晚冇街去呀?......再加嘛佢個鄙視既眼神.........過份...

今年真係叫送過花喇...再唔係一支...而係一(小)紮!!!

價錢都合理....其實物有所值....雖然都冇老榮所講既咁低...

送比一個從前既夢情人...都算係咁啦....哈哈

13/2

聽日番早......雖然收4點...but根本冇地方去......

收o左工同呀聰去o左大排檔食野.....

聽日請問有冇人有單身派對呢?