返工，每日對住工作都好頭痛，
今日就更加，唔知關唔關嗅左香薰事呢~!??!
因為d所謂既香薰真係好臭……

lunch出左去，個頭好似好d，
不過，下晏返番去，又痛過……
其實自己個心好想放棄份工，
不過，當你知道大家都咁睇好你既時候，
你就會好想撐住，可能因為唔衰得，
lee個就係我既缺點，唔輸得又鐘意鬥氣，
不過，到而家都仲未改到……
唔想承認自己唔得，不過真係撐得好辛苦……

今日同阿head傾開，
佢都同我講真係辛苦既就同我個sales或者請我個女仔講，
我真係好想跟番我阿head，起碼佢有人性d，會了解我地既能力，
不過，既然之前佢地講到咁差個個都得，點解我唔得~!?!?!
友人同我講，我唔可以同人地俾，
因為佢做得耐過我，知既野多過我，
一個做左3年野既低能人，點都會好過一個新入行返左一日工既聰明人!!!
或者佢講得岩既，只係驚自己原來都係低能者……

好辛苦，最終早左放工，
點知竟然因為無聊野又嗌咬，早知唔早放好過，
可唔可以係我咁辛苦既時候，唔好再為d少事嘈好唔好呀~?!
我真係好辛苦喇!!!
真係好唔開心，再一次落淚……