| copy from sarah ----------------------------------------------------------------------- 一定要獨立分出黎講~ 今日約左lovers連我共5人去南丫島行山~ 今次冇人遲到, 大家都好準時, 11點上左地鐵, 去到香港站就買左m記上船食 (<--重點!) 上左船 (今次好好, 有冷氣~), 大家解決左個早餐, 岩岩開始hae住想訓陣, 船長就宣佈到目的地= =|||
於是, 佢地4個就拿拿聲搽太陽油~ XD 場面極度壯觀, 佢地忙到我光明正大影佢地都冇人得閒阻止我~ 哇哈哈~! (我? 我係屋企就搽左啦~ 容我再大笑三聲~ 哇哈哈哈~~~) 今日行程係由榕樹灣行去索罟灣, 一落地我地就行下市集, 路經南丫北圖書館, 諗起我當年係呢度搬左12本書番屋企, 都覺得自己勁抽筋...orz
行左一陣就大汗疊細汗, 忍唔住去買左個夾夾起d頭髮...
之後一路行一路影相, 中途食左豆腐花, 我都終於忍唔住除外套, 露出我既肉背..... 行左好耐終於去到山頂, ivy又狂影「回望後路, 遙望前路」既相.... 之後再出發, 我地停低影相個陣見到有隻好大既蜘蛛 (有手掌心咁大@@!), 驚呼左一輪又繼續向前行~ 行到一段樹蔭路, 岩岩諗住可以唔擔遮, 點知前面有對外國夫婦停低向上望, 我地一望原來頭頂同路兩邊d樹之間都有好多大蜘蛛, ivy停低影相, 我就擔住遮等佢, jessie佢地已經去左100米遠既地方. 個外國男人行左一陣又停低, 指住我頭頂同我地講 : "be careful! there's a really big one!" 嚇到我地講完thank you就走, 完全唔敢望番轉頭.......
其實佢地以為我同ivy知有蜘蛛但唔驚..... 鬼咩...我生平最驚昆蟲類, 第二先係污糟野.... 一諗起我地俾大蜘蛛包圍就驚 >"<
之後一行到樹蔭位就個個都四圍望+拿實把遮.... 個個都對陰影有陰影 XD 全程須時1個鐘15分鐘, 我地行左2個幾鐘, 比起上次快左1個鐘~ 而且上次抖左好多次, 今次總共抖左2次~ 事實證明雖然大家番工都係坐, 但係體能真係比學生時期好~ XD 3點幾搭船番市區 (大家都俾蜘蛛路嚇驚左, 一到碼頭見岩船就上...), 之後hae坐地鐵番葵芳, 再用半個鐘時間行哂成個新都會, 終於搵到個地方可以坐低休息~ 係佢地搵位既時間, 我同mabel, ivy上左大眾睇書, 睇到好多書都想買! 等有機會搵個平d既地方買先~ din@韓食家, 食到7分飽再去行商場, 買超好味既魚蛋食~~ 8點番歸~ 依家feel到個人浮浮地 (可能d船太飄), 對腳痺痺地, 對眼皮有d重重地 (依家先10點半@@ 老啦...), 今晚一定勁好訓~ ---------------------------------------------------------------- 針對以上我係完全同意sarah既記錄架~~補下自己COMMENT 唉~~其實tired又唔係好算，不過係曬到好辛苦，有少少雲會好d，點知望上去就萬里晴空.........蜘蛛就一堆............................ 熱到大家一落船已經改變晒d outlook，我就插起左d頭髮，sarah起尾都去買左個夾~ivy將d頭髮整晒入頂帽度....................jessie本來就整起晒d頭髮........只係kathy冇點整，戴帽就算~~ 哈哈~又買左對耳環，都OK平~~ 之後行山真係不斷講大家既過去，現在，未來.......仲不斷影相~~ 大家體力真係好左好多，行快左，行完已經可以去行街~~~勁左~~ 葵芳檔魚丸子真係好正~~去開必食~ : P |
