|
SubscriptionsSites I Read
|
|
|
|
| 女中豪傑 been in paris since june to watch fashion shows and attended Cannes.
nice vacation : )
shall write more when im back. | | |
| 
早兩日同一眾名媛闊太出席一個私人party
玩了一個通宵
走既時候已經天光 但又未眼訓
咪叫司機車我去銅鑼灣食好出名既菠蘿油囉
大家唔好睇我平時燕窩當零食
其實我有時都幾鍾意食D平民野架
食一個菠蘿油唔係好夠喉
忽然醒起車上有一包chanel通粉
即刻俾左茶餐廳D人煮我食
包chanel通粉係chanel d人比我答謝我一直對chanel既支持
唉 我平時好少食通粉架 屋企鮑魚多過通粉
奶奶話食哂D鮑魚先諗wor
但煮落見到一粒粒chanel logo型又幾趣緻
食落仲好彈牙
令我諗起初戀情人第一次請我食早餐就係食火腿通粉
那時佢冇乜錢
只係有錢請我食cheap cheap通粉 加上大陸牌子火腿
可能係我一生食過最平最cheap既野
但個碗溫熱既通粉
一定係最甜最令我難忘的一碗火腿通粉
即刻派助手叫chanel送多兩包去我屋企
我要同老公分享我既回憶
再逼埋佢講佢既甜蜜故事:) 貴婦 | | |
| 從亦舒＜喜寶＞中解答各位疑難
問：”佢架野點降落,去幾多日?
夠燃料咩,我諗北極冇機場可
我冇記錯飛機通常只會裝d油裝到岩岩好去到目的地,你點番黎?
聽日咁快走?你係度邊度起飛,香港機場咁快俾人book到時間起飛?
唔好話我聽你係你屋企天台起wor,你果部唔係直升機"
答：從＜喜寶＞中你可見富人勗存姿坐擁六座位私人客機。當他提及在劍橋落機，喜實難以致信，不知道劍橋有私人機場。有許多事，大家未知的，其實都見怪不怪。
至於香港機場的問題，你問我助手啦，這種事從不用我費神。
問：咁勁唔去買Hermes 要買LV ..
答：買名牌等於勁在於一般人的見識。我一直覺得亦舒筆下堅強獨立的女子更勁。
問：但係，呢d人有冇認真諗過，有錢又點？精神空虛，對社會冇貢獻，有好多野享受就開心架la?
答：我要很多很多的愛，如果沒有，我就要很多很多的錢，如果也沒有，至少我還有健康──＜喜寶＞ 愛，永遠比錢行先。
問：你咁有錢香港又咁細，我點解咩聽過你個名既？
答：勗存姿對喜寶講過，有錢是不需要讓全世界的人知道。只因她還年輕，才有這個想法。
名媛
| | |
| 其實我真係唔記得呢個xanga架喇
係呀工人nicoanny用用下電腦 話我地個網勁到傳到去佢鄉下 即係philippine入面唔知邊個小鎮 我先醒起呢到咋!
估唔到岩岩個星期都仲有人黎留言, 真係唔話得! 多謝支持^__________^ 丫 呢幾日好得閒呀
呢到間學校都幾好* 不過我就嫌佢唔夠大囉 我屋企仲大過佢
仲有呀 我明明已經連跳3個grade架啦 學校d coursework淺到死 一早做哂 搞到冇野好做
但d同學囉 又成日打黎問功課 又借d"椅"話要上黎我屋企玩
都唔知佢地諗乜既 屋企有乜好玩呀?
佢地話要玩捉迷藏! 下?幾歲呀 屋企又唔係大
你知啦.. US咁鬼細
雖然我有直昇機場呀 湖呀 森林呀 室內運動場呀乜都有 但咪又係只係大得過中環
都唔知d點解同學仔成日都想上黎我到玩!
有次呀,有個男仔仲無啦啦放學o個時上埋我架直昇機 話要上我屋企一齊做功課wor 嚇死我..><
但媽咪話過架嘛 防人之心不可無 唔好成日帶d唔3唔4既同學上黎玩wor..
不過我心諗,,媽咪呀, d錢都多到洗唔哂架啦 d同學上到黎 偷極都偷唔哂我地d野架啦
算啦, 媽咪人生經驗多咁多 我點都信佢既~ i love you mum  *hug*
同媽咪搬左去US都有一排喇
呢到D環境真係好過HK好多 又冇乜AIR POLLUTION
雖然番學呀朝朝都要坐直昇機 比起O係HK冇咁方便
但環境幽靜 可以自己睇多D書 增進知識! 所謂學無止境 大家也要多看不同種類既書籍呀
有時聽番HK D朋友講
話同我呢D差唔多AGE既青少年
宜家淨係識打機呀 講粗口 玩弄感情
亂咁上網add人識人
又成日o係人地d xanga路過[我都唔明點解d人可以用呢個term]..
係唔係都留comment俾人 逼人留番俾自己 多comment又點呀~?
真係膚淺~真正有知識既人 又點會咁做 可笑..
好彩我搬左黎US住咋~ 唔好俾d咁既不良風氣影響我
oh~唔講住喇! 我o個team按摩師黎左 等緊為我服務~ 下次傾!^ ^ p.s..aiya!唔記得問媽咪拎cash俾tips班按摩師..
算啦 唯有俾岩岩新年逗o個d空頭支票佢地先! -名媛囡囡
| | |
| 好耐無update過, 唔知大家掛唔掛住我地呢?
我最近搬左去美國住。
地方大就係大, 呢家間屋連埋個花園(其實係個森林先岩)都已經大過成個中環, 不過打理應該好麻煩... 所以我決定請多幾team家庭助理同護林員。
最麻煩都係交通, 我個人唔太中意坐響車入面太耐 - 即使架車有得睇電影, 環迴立體聲, 按摩梳化... 好彩我有直昇機, 方便好多!
唔同大家講住喇, 有咩想知留comment俾我啦。
名媛 | | |
|
