|
| 嚇死老子我啦!!!!今日我2點幾返工時, 我係油塘轉車...去牛頭角... 去到籃田, 有個傻女子坪一聲跑左入車箱, 手上拿著一個養龜龜既膠盤, 佢一直係度望住個龜兜係度講笑, 講野....成個車卡d人都望住佢... 如果唔係佢既行為, 我根本唔會留意佢, 之後見佢望住個龜兜係度傻笑...... 我望真d... 見到果個龜兜中有10幾隻倉鼠係度爬呀爬.....佢又囉住個兜係咁 fing... o my god!!! 嚇到我即時吞一啖大口水... 我驚到即刻唔敢望, .我即刻扑係個袋上面檸則面...但我當時真係好好好好驚....當時我已經起晒雞皮...打晒冷震....所以我真係唔敢望去佢果邊... 個心係度諗 "麻煩小姐你唔好 fing 個兜啦唔該... 一陣 fing nut 左個蓋, 咁點算呀!!! 我唔想出醜呀! 唔好 fing 啦~!" 之後, 點解聽到佢把聽越黎越大聲既.....佢突然出然係我對面既位... 嚇到我即刻彈起身, 跑左去第個車卡....成架車d人都望住我... 真係魚到我死!!!!!!!之後我見佢係觀塘就落左車... 其實一個站都係2分鐘姐... why 好似過左2日咁.....嗚嗚嗚~~ | | |
| 立定決心....
上次講過, 我9月30日放假去睇 "獨腳戲鄧碧雲傳" 我真係有去到, 自己一個人去睇, 因為 hideme 都想話睇, 但因為佢要返夜, 咁我就自己一個人去睇啦... 因為佢今次只演兩場~ 90分鐘既獨腳戲, (同上次我睇"蔓珠莎華"一樣), 睇完之後, 我只可以講, "不容錯過" , 其實我除左"季節"之外, 我係唔熟 "鄧碧雲"呢個人.. 但我好想睇既原因, 係想睇一個人既"人生故事", 想了解下佢, 點解會有人為佢拍一個自傳式既舞台劇?? 同時, 我係想睇下 第10度公演既個中原因..., 我買最平既一隻飛... $ 120... 睇完之後 + 座談會, 只係一句.... "一個人成功, 必定有佢既吸引力同原因...唔係阿豬阿狗都可以成功", 李楓演得出神入化, 活靈活現...真係好似鄧碧雲上左身咁, 由其係最後果一幕扮媽打果一幕... 似到嚇死我~~ 演出後, 鄧碧雲女兒上台說 : 我好似見到我媽媽重在生, 係台上咁...之後佢憶起媽媽往事, 佢係咁係度喊, 當然啦, 見到有人喊, 我就即刻心都實埋...不過, 我無喊~~ haha.. 但如果下一次公演, 我一定會再睇多次... 因為 $120, 係好藉得~~ 其實我都好想睇 "喝采"架, 不過要返夜, 睇唔到~~ 有d失望,, 下次公演, 我一定要睇~ *************************************** 另外, 係本場刊里面, 見到下個月, 係元朗會有一套舞台劇, 叫 "野玫瑰之戀" , 呢套係一套超級勁好睇既 60年代既歌舞國語片, 呢套戲, 我睇左5次都有, 戲中一 d 都唔 out, 勁多好聽同經典既歌, "卡門" "jajabo" etc, 葛蘭既當年既高叉裙, 係舞廳唱 jajabo 同人打交, 片段瀝瀝在目, 亦因為片中既 "卡門", 女主角唱得實在太出色, 同時, 原來佢係唱 "我要" 國語版既歌手, 佢當時仲串 " 我要你的愛" (我要) 葉德嫻唱得好好, 但我覺得都係我唱得最好....之後我先開始收藏佢既黑膠唱片 (破產之旅), 而家呢套經典之中既經典係舞台劇重演, 必定要睇!!!!  
*************************************** 
好耐無買過外國既 soundtrack 啦... 琴日買左 mama mia 既 soundtrack... 一向好鐘意睇 meryl streep 既我... 因為佢, 我先買呢張 soundtrack. 不過, 聽完有d失望... 畢竟做戲就係做戲, 唱歌就係唱歌.... ************************************************* 最近沒有好想睇既演唱會, 唯一知道就係下年4既 謝安琪~ 等等等等妳!!!!!! 2008年
10月1-7日：側田（匯星Star Hall）
10月17-20日：森美小儀（匯星Star Hall）
11月1-2日：陳綺貞（匯星Star Hall）
11月7日：光良（匯星Star Hall）
11月8日：衛蘭（匯星Star Hall）
11月9日：黎明（匯星Star Hall）
11月14-16日：蘇永康（匯星Star Hall）
11月20-23日：關心妍（匯星Star Hall）
12月13日：Freeze（匯星Star Hall）
12月19-21日：女子十二樂坊（匯星Star Hall）
12月28-29日：費玉清（匯星Star Hall）
12月30-2009年1月1日：品冠（匯星Star Hall） 2009年 (暫定)
4月：草蜢（紅館）
4月：古巨基（紅館）
4月：許志安（紅館）
4月：謝安琪（紅館）
4月：鄭伊健（紅館）
5月：劉家昌（紅館）
5月：李準基（紅館）
7月：鄭秀文（紅館）
8月：左麟右李（紅館）
8月：軟硬天師（紅館）
8月：泳兒（紅館）
9月：許冠傑（紅館）
12月：甄妮（紅館） | | |
| 明天... 有3個決定~~明天, 我放假, 呢一兩日, 因為天氣忽冷忽熱, 我好似又作病了... 聽日, 放假留係屋企休息~~ 但係, 聽日有3樣野要做.. 1, 要去報 NLP, $13500 呀~~ 雖然等左呢個course好耐, 但都好想分期~.... 2. 我要買新皮鞋, 因為已經爛晒啦.... 3. 呢派日日搭地鐵返工, 都見到有3個舞台劇既廣告, 一個係鄧碧雲傳...一個係梅艷芳傳, 一個係喝采...其實, 喝采係好早之前, 我已經想睇... 只係唔捨得, 梅艷芳傳已經係2月睇過, 不過我遲左一半入場...鄧碧雲傳係最無興趣, 但係, 今日睇左中午既娛樂直播訪問 "李楓"... 講到好似好好睇咁... 好!!!聽日去買飛~~ 其實李楓呢個舞台劇演員, 我第一次留意佢, 係1994年, 當年, 我記得, 我同一個朋友, 去睇一套電影, 叫 "伴我同行" , 戲中係講劉雅麗做一個失明既人, 佢既工人和姐為左佢, 一直係佢身邊照顧佢, 不離不棄既真人真事...而李楓當時係一個失明既乞丐, 而呢張 soundtrack 亦好好聽... 其中一首叫 "結伴行" 係呢張soundtrack入面, 結伴行係有3個版本, 其中"南音版", 我一聽, 佢表達既感觸, 就已經另我打冷震...所以, 我識佢, 係因為呢首歌...... 而點解我會14年後, 仲記得呢套戲?? 因為就係果晚, 我睇完呢套戲, 我既 call 機就響起 (係, 當時興用call 機)... 我家姐通知我, "麻麻係屋企暈左, 送到醫院已經死左啦, 你唔好黎醫院啦...快d返屋企先, 等我地返黎啦" , 當時, 我16歲, 我同我朋友一齊係灣仔國泰戲院坐叮叮返中環, 係架叮叮上面, 我望住條街, 面上兩行眼淚不停咁流.....我朋友同我講, "你唔好喊得咁悽涼啦", 我記得, 當晚, 我係架電車上面仲講, "肥麻, 我會掛住你, 我永遠都會咁掛住你...你成日話阿媽掛住開檔賺錢, 老豆又成日掛住賭錢, 無人好好教我地三姊弟, 我地都無學壞, 已經好乖, 肥麻你放心, 我一定唔會學壞, 會好好做人...." 承認左人既說話, 我自問我到今日都無反口...到今晚, 聽返呢張 soundtrack, 憶起了人大了, 呢10多年, 身邊既朋友, 家人一一離自己而去, 太多回憶了, 太多感慨了....~.... 人與人之間既離別是很痛苦得要死... 但無奈, 不論有幾討厭, 這是一個自然定律..... 唯一, 只可以學會盡量習慣.....這是人生的一個階段.....控制不了, 改善不了..... 七彩繽紛 只有夢痕 千山萬水不見足印
明白命也運也 仍然在深心
期望會接到些關心 一生怎可一個獨行
問誰願為我驅黑暗 誰願陪我伴我
紅塵覓真心 誰願意攜我結伴行
與我伴行 印上深深印
關心我伴我一個人 與我拖拉手
將繽紛傾注入心 每天為我將歡笑引
| | |
| 李香琴 = 麻麻 ?岩岩睇到一篇有關最近人氣急升的一個甘草演員李香琴的訪問, 其中有幾段係.... ************************************************************ 再 見 ， 唔 好 怪 我 第 一 句 就 同 你 講 再 見 ， 因 為 我 真 係 專 程 同 你 道 別 。
〈 三 千 年 後 〉 ， 李 香 琴 旁 白 、 關 淑 怡 主 唱
你 唔 係 第 三 者 ， 你 係 第 三 者 中 表 表 者 ！
《 家 好 月 圓 》 ， 李 香 琴 對 白
---
兩 句 說 話 ， 都 是 出 自 同 一 人 。 前 者 淡 淡 哀 愁 ， 叫 人 聽 得 掉 下 淚 來 ； 後 者 痛 快 淋 漓 ， 叫 觀 眾 看 得 拍 案 叫 絕 。
溫 柔 與 暴 烈 ， 都 是 李 香 琴 。
六 十 年 代 ， 她 未 忠 過 ， 豪 邁 潑 辣 ， 壞 得 透 ， 奸 得 盡 。 七 十 年 代 之 後 ， 她 未 奸 過 ， 溫 婉 嫻 淑 ， 眉 宇 嘴 角 還 滲 點 苦 del del 。
當 陰 險 歹 毒 的 西 宮 娘 娘 也 可 以 昇 華 為 人 見 人 愛 的 ， 這 個 世 界 已 沒 有 不 可 能 的 事 。
唱 曲 六 十 年 ， 以 為 只 有 當 年 相 戀 意 中 人 才 懂 欣 賞 ， 豈 料 臨 老 也 拿 個 流 行 曲 獎 。 離 開 無 十 八 年 ， 以 為 緣 分 早 盡 ， 原 來 最 好 時 光 尚 未 來 臨 。
既 已 相 逢 恨 晚 ， 前 塵 往 事 ， 大 可 一 笑 置 之 。
「 呢 個 世 界 ， 好 多 事 都 係 整 定 ， 唔 使 太 過 執 。 」 只 堅 持 「 丁 字 腳 」 的 李 香 琴 說 。
--
回 家 感 覺 真 好
與 李 香 琴 在 酒 店 Coffee shop 訪 問 ， 她 只 是 坐 在 那 ， 已 引 來 小 哄 動 。 比 較 含 蓄 的 食 客 行 過 ， 先 是 驚 喜 ， 繼 而 點 頭 微 笑 ； 也 有 熱 情 的 索性 站 在 一 旁 ， 目 不 轉 睛 地 看 偶 像 ， 等 到 偶 像 一 個 眼 神 接 觸 ， 即 興 奮 大 嗌 ： 「麻 麻 ！ ！ 」 琴 姐 也 開 懷 回 應 ： 「 乖 喇 、 乖 喇 ！ 」 儘 管 fans 已 年 過 半 百 。
「 上 次 做 宣 傳 ， 有 個 八 十 幾 歲 婆 婆 ， 都 叫 我 做 麻 麻！ 」
李 香 琴 笑 逐 顏 開 ， 七 十 六 歲 老 人 家 ， 電 影 電 視 作 品 接 近 三 百 ， 不 求 甚 麼 ， 只 求 尊 重 。
「 之 前 亞 視 晚 晚 七 點 半 做 《 大 城 小 故 事 》 ， 播 百 幾 集 ， 出 街 的 士 司 機 都 仲 問 ： 『 琴 姐 做 乜 唔 拍 戲 ？ 』 亞 視 都 無 兵 ， 如 何 打 仗 ？ 返 無 係 我 一 直 心 願 。 」
八 九 年 周 梁 淑 怡 過 檔 亞 視 ， 李 香 琴 為 撐 多 年 老 友 ， 也 跟 離 開 ， 本 打 算 只 做 兩 三 年 便 回 巢 ， 豈 料 一 去 十 八 載 。
「 薛 家 燕 好 有 心 ， 之 前 拍 《 真 情 》 ， 幾 次 想 介 紹 我 返 去 ， 但 監 製 已 有 自 己 班 底 ， 傾 唔 成 。 」
去 年 陪 契 女 關 菊 英 出 席 《 溏 心 風 暴 》 慶 功 宴 ， 遇 見 監 製 劉 家 豪 ， 無 心 插 柳 ， 反 而 造 就 「 甘 老 太 」 一 角 。
「 緣 分 未 到 ， 強 求 無 用 ； 緣 分 到 了 ， 係 你 終 歸 都 會 係 你 。 」
與 無 簽 一 年 一 騷 ， 《 家 好 月 圓 》 加 未 播 的 《 盛 世 人 傑 》 共 七 十 多 個 騷 ， 琴 姐 笑 道 ： 「 無 可 以 七 十 年 唔 搵 我 喇 ！ 」
《 家 好 月 圓 》 本 安 排 「 甘 老 太 」 第 廿 七 集 死 ， 後 來 加 到 三 十 ， 三 十 之 後 又 加 到 三 十 二 ， 最 後 玩 到 三 十 七 。
「 鬧 人 要 真 發 火 先 會 似 ， 辛 苦 ， 所 以 我 要 求 監 製 最 好 盡 量 少 外 景 。 拍 得 好 開 心 ， 依 家 邊 有 老 人 家 咁 多 戲 ？ 」
廠 房 已 從 清 水 灣 搬 到 將 軍 澳 ， 高 層 也 換 了 幾 代 ， 但 始 終 回 家 感 覺 最 好 。
「 好 習 慣 ， 好 有 親 切 感 。 但 人 老 喇 ， 有 次 認 錯 中 仔 （ 溫 家 恆 ） 做 髮 型 師 ， 猛 叫 佢 幫 我 梳 頭 ， 笑 到 林 、 陳 豪 度 。 」
最 搞 笑 ， 是 有 次 遇 上 王 祖 藍 ， 琴 姐 問 候 王 祖 藍 父 親 安 好 ， 但 王 父 十 幾 年 前 早 已 仙 遊 ， 聽 得 王 祖 藍 一 頭 霧 水 。
「 有 人 話 我 知 王 祖 藍 爸 爸 係 黃 光 亮 呀 ！ 我 一 直 都 以 為 係 ， 你 話 幾 烏 龍 。 」 李 香 琴 這 樣 形 容 一 班 孫 仔 ： 「 林 好 乖 ， 嘉 欣 同 法 拉 都 好 好 ， 楊 怡 最 好 戲 ， 我 同 佢 拍 一 場 ， 即 刻 同 監 製 講 ： 『 呢 個 女 仔 演 技 好 得 。 』 」 視 后 之 說 ， 絕 對 有 根 據 。
做 得 點 解 唔 做
一 個 李 香 琴 ， 已 為 化 妝 間 帶 來 不 少 歡 樂 。
「 從 來 無 想 過 退 休 ， 做 得 點 解 唔 做 ？ 賺 到 錢 ， 捐 去 都 好 ！ 」
太多 老 人 家 一 停 下 來 就 百 病 纏 身 徐 徐 老 去 ， 李 香 琴 才 不 想 這 樣 ， 她 要 精 靈 到 底 。 剛 拍完 《 家 有 囍 事 2009 》 ， 出 年 年 頭 會 與 陳 寶 珠 做 二 十 六 場 舞 台 劇 。
「 上 星 期 去 黃 大 仙 新 光 酒 樓 捧 黑 妹 （ 李 麗 霞 ） 場 ， 上 台 客 串 唱 兩 首 歌 ， 佢 封 兩 千 蚊 利 是 俾 我 。 返 屋 企 收 到 無 國 界 醫 生 募 捐 信 ， 千 零 蚊 可 以 救 一 個 人 ， 即 刻 開 張 支 票 ， 寫 夠 二 千 。 」
看， 多 瀟 灑 。 她 家 住 何 文 田 山 道 二 千 呎 豪 宅 ， 她 住 三 樓 ， 女 兒 住 五 樓 。 女 婿 是 醫 生 ，孫 兒 都 三 十 幾 歲 了 ， 還 有 個 曾 孫 女 ， 四 歲 半 。 她 衣 食 無 憂 ， 但 說 到 工 作 ， 仍 然 均 真。 去 年 陳 輝 陽 找 李 香 琴 為 關 淑 怡 的 〈 三 千 年 後 〉 配 獨 白 ， 她 收 五 千 。
「 我 只 識 煇 哥 （ 顧 嘉 煇 ） 同 黃 霑 ， 唔 知 陳 輝 陽 係 乜 水 ， 收 錢 請 工 作 人 員 食 飯 都 好 。 」
試音 只 試 了 兩 次 就 OK ， 據 知 最 後 出 街 那 個 版 本 ， 還 是 第 一 take 的 。 琴 姐 未 跟 關 淑 怡見 過 一 面 ， 未 聽 過 〈 三 千 年 後 〉 的 音 樂 ， 也 無 人 教 她 如 何 掌 握 情 緒 ， 她 一 開 口 就 是戲 ， 就 這 樣 在 CASH 頒 獎 禮 獲 「 最 佳 另 類 作 品 獎 」 。
「 可 能 就 係 因 為 試 音 ， 反 而 唔 會 造 作 ， 如 果 真 係 錄 唱 片 ， 或 者 會 無 咁 自 然 。 個 個 都 話 鍾 意 我 把 聲 沙 沙 ， 成 熟 而 帶 滄 桑 ， 有 後 生 女 話 聽 會 喊 。 」
最沒 有 戲 ， 原 來 最 好 戲 ， 這 才 是 最 高 境 界 。 李 香 琴 十 六 歲 入 梨 園 ， 廿 四 歲 拍 戲 ， 四 十歲 加 入 電 視 台 ， 六 十 年 歌 影 視 經 驗 ， 今 次 為 關 淑 怡 「 演 」 歌 ， 拿 了 人 生 第 一 及 唯 一的 獎 項 。
「 你 話 係 唔 係 好 奇 遇 ？ 」 老 練 如 她 ， 也 不 敢 置 信 。 「 人 老 ， 更 加 相 信 凡 事 皆 有 天 意 ， 古 人 有 句 說 話 ： 『 未 注 生 、 先 注 死 、 注 齊 福 祿 先 投 胎 。 」 五 六 年 開 始 拍 粵 語 片 ， 多 演 奸 妃 、 後 母 ， 有 「 西 宮 琴 」 外 號 。 「 一 年 五 十 部 ， 拍 到 後 期 都 麻 木 晒 ， 我 同 導 演 講 ： 『 唔 使 搵 我 啦 ， 剪 番 之 前 咪 得 ， 反 正 部 部 都 一 樣 。 』 」 海 葬 都 得
十 年 生 死 兩 茫 茫 ， 別 說 十年 ， 單 是 近 五 年 ， 李 香 琴 便 出 席 了 多 個 好 友 喪 禮 ， 如 肥 肥 、 曹 達 華 、 關 海 山 、 黃 霑、 張 國 榮 、 羅 劍 郎 、 陳 儀 馨 ， 還 有 與 她 分 庭 抗 禮 的 東 宮 娘 娘 余 麗 珍 也 先 行 一 步 。
「 最 唔 抵 係 肥 肥 ， 唔 肯 戒 口 ， 又 要 去 人 煙 稠 密 地 方 。 陪 佢 去 美 麗 華 買 化 妝 品 ， 舖 頭 搬 去 登 打 士 街 ， 叫 佢 唔 好 去 ， 死 都 要 去 。 」
父 親 早 兩 年 也 過 身 ， 九 十 四 歲 ， 屬 笑 喪 。 「 骨 灰 寶 福 山 ， 余 綺 霞 旁 邊 ； 跑 馬 地 東 蓮 覺 苑 都 有 個 靈 位 ， 有 羅 文 同 張 國 榮 陪 ， 每 次 我 都 一 次 過 上 香 。 爸 爸 之 前 唔 識 佢 ， 不 過 依 家 應 該 識 ！ 」
琴 姐 哈 哈 大 笑 ， 她 從 不 怕 死 ， 甚 至 想 過 為 自 己 買 長 生 祿 位 ， 還 四 處 shopping 格 價 。
「 本 打 算 與 阿 英 ， 即 係 你 們 『 菊 姐 』 ， 我 叫 慣 佢 阿 英 ， 在 寶 蓮 寺 買 個 位 ， 又 睇 過 寶 福 山 ， 爸 爸 上 位 時 先 五 萬 幾， 依 家 要 十 二 萬 ， 都 係 留 番 俾 個 女 搞 ， 我 可 以 慳 番 一 筆 ！ 海 葬 都 得 ， 將 骨 灰 撒 落 海， 一 乾 二 淨 。 有 靈 位 又 點 ？ 最 多 一 兩 代 人 拜 你 ， 之 後 都 無 啦 ！ 」 「 人 寫 e-mail 俾 你 ， 要 識 覆 先 得 ！ 」
她 是 一 個 很 潮 的 太 婆 ， 喜 歡 跳 舞 ， 愛 骨 按 摩 ， 不 像 其 他 上 年 紀 藝 人 般 愛 打 麻 雀 。
「 唔 捨 得 呀 ， 當 年 同 林 鳳 、 鄧 碧 雲 打 ， 輸 一 兩 百 ， 我 都 喊 ！ 」
她 說 的 是 六 十 年 代 ， 那 時 片 酬 二 千 ， 但 一 年 可 拍 五 十 部 ， 一 兩 百 不 是 大 數 目 。
「最 近 同 仙 姐 （ 白 雪 仙 ） 打 過 一 次 ， 台 灣 牌 仲 要 加 三 隻 皇 。 有 鋪 以 為 無 皇 加 三 十 番 好開 心 ， 摸 六 萬 打 出 去 ， 原 來 係 皇 我 唔 記 得 ， 無 得 食 仲 要 賠 三 家 ， 真 係 唔 知 打 做 乜 ！ 」
承 諾
李香 琴 的 身 體 狀 況 ， 應 該 是 廣 大 讀 者 最 關 心 的 事 。 早 幾 年 她 右 腳 膝 蓋 骨 碎 裂 ， 手 術 後已 完 全 康 復 ， 「 依 家 仲 可 以 跳 舞 ， Samba 、 Rumba 、 Cha Cha 乜 都 跳 。 」
拍 完 《 家 好 月 圓 》 瘦 了 六 磅 ， 立 刻 做 身 體 檢 查 ， 報 告 指 癌 細 胞 指 數 高 。
「 做 晒 磁 力 共 振 ， 又 做 電 腦 掃 描 ， 幾 百 張 片 ， 咪 又 係 乜 事 都 無 ， 醫 生 話 數 字 唔 使 擔 心 ， 叫 我 唔 使 再 驗 啦 ！ 」
唯 一 不 太 好 的 ， 是 有 輕 微 類 風 濕 ， 要 戒 豆 類 食 品 。
「牛 同 羊 都 唔 食 ， 我 屬 羊 ， 好 少 食 。 戒 牛 係 因 為 當 年 拍 《 他 來 自 江 湖 》 ， 有 日 出 外 景， 吳 孟 達 突 然 話 做 牛 好 辛 苦 ， 又 要 耕 田 又 要 俾 人 食 ， 發 起 唔 食 牛 ， 周 星 馳 萬 梓 良 都贊 成 ， 齊 齊 唔 食 ， 話 希 望 會 有 好 收 視 。 」
結 果 ， 《 他 來 自 江 湖 》 勁 收 ， 周 星 馳 正 式 走 紅 ， 那 是 一 九 八 九 年 的 事 。
「 佢 好 快 食 番 牛 啦 ， 只 有 我 keep 到 依 家 。 」
承 諾 ， 是 應 該 一 生 一 世 ， 也 只 有 守 諾 言 的 人 ， 才 值 得 人 敬 重 。 不 過 ， 也 許 只 有 上 一 輩 的 人 才 會 明 白 。 八 十 歲 婆 婆 都 嗌 李 香 琴 一 聲 「麻麻 」 ， 大 概 就 是 這 個 道 理 。 ******************************************* 我睇左幾段, 回憶起上年5月, 我去左馬來西亞睇葉德嫻既雲頂演唱會, 有好多同事都笑我, 會鐘意 d 老歌手, 我又唔怕認果下型嘛, 其實, 我唔只鐘意 deanie, 我仲有幾個都好鐘意既.. 我個人好怪, 每一樣野, 係我個心都有分等級, 我鐘意得果d 藝員, 歌手都有一個強烈既原因... 而係香港既歌手 (藝人) 中, 葉德嫻係我最喜歡既一個, 佢除左聲線好特別, 同有感染力之外, 我親身接觸過佢當中, 佢比到我一種好特別既感覺, 就等於哥哥既 Salute 中的一段讚美一樣 " Deanie , 我崇拜你" , 同樣, 我都好祟拜佢... 因為... 就李香琴為例... 有好多有料既人, 一生一世, 都係等一個機會來臨自己身邊~ 問題係, 你有無好好去準備好, 同好好把握機會既來臨??
如果佢因為當自己只係一個甘草, 綠葉, 甘老太呢個角色, 佢未必可以發揮得咁好~ 但佢咁多年, 不管係大台, 細台, 都對自己既職業咁尊重,同對自己職業既熱忱熱誠, 其實係好藉得人欣賞~
************************************
年半前, 我有幸可以係馬來西亞跟偶像 葉德嫻 一齊食飯, 聊天, 我記得當時, 曾經有個fans問佢...
Deanie, 你而家無拍戲, 又無唱歌,咁你平時做d咩...?
葉說: 每日都有練幾個鐘頭既聲樂, 聽唔同既音樂, 睇dvd, 咩都睇, 同埋最近早上跟一個師傅去學太極...
之後又有一個fans講, "果日我見到你去佐敦三聯買書"
葉說: "係咩? 你見到我買咩書?"
fans 說: "你睇緊一d講溝通既書.., 你都會睇呢d書架咩"
葉: "係咩, 我呢一年先睇呢d書, 因為年紀大左, 我好憎自己d臭脾氣...我越黎越唔鐘意自己咁..."
果日在旁既我, 有好深好深既感覺~ 一個人, 無時無刻都要求自己進步, 對自己半退休既職業操守一直練習, 一直堅持, 每一次演出, 佢要求自己永無失準, 相反, 果次concert , 佢事實唱得好好, 但佢都 sun " 我覺得今晚唱得唔好, (其實我地個個都覺得佢比香港concert唱得好), 我d高音唔夠靚....如果再練多幾次, 可以再好d"
相反, 而家既真正活躍既歌手, 一開口就嚇死人, 五音不全, 唔走音就叫好.. 呢d係咩既要求準則呀??
一做戲, 就比人狠批演技幼嫩, 唔係佢地唔努力, 只係太多刀, 無張利, 對自己要求又唔見得高......唔認真去做好自己既搵食工具, 去蒲食煙緋聞就多多見報, 唔怪得之陳慧琳呢d罕有少新聞既藝人, 已經比人話佢人氣大不如前啦~ 因為 hk market 要既野, 已經變質~~
但我相信, 一個人對自己既事有心裝在, 佢一生唔會衰到貼地~ 下個月6號, 就係我另一個人生既開始...我好有期望... 8年前, 我錯失左既機會, 一直後悔, 3年前, 呢個機會係我面前走過, 我又錯失多一次, 8年後既今日, 我終於可以爭取返 NLP, 有朋友同我講 : "而家係你比錢去上堂, 點解好似講到唔洗錢咁, 個course係咪真係好得咁緊要呀???" 其實...我想同呢個朋友講 .. "人生只要有條命, 錢係可以賺得返, 但如果有一樣野可以另自己既做人方法, 思想方式可以再進步d, 呢樣野, 除左對自己有得著之外, 身邊既人都可以相處得好d, 投資係自己身上, 可以另自己進步既野, 比任何東西更藉得..況且, 我人生, 都唔知浪費左幾多個 $13500啦~" 人懂得另自己開心d, 錢都已經係其次... 錢多就駛多d, 錢少咪再慳d, 有咩所謂??... 人要學懂 "心中富有" , d 錢自然會埋身... 投資時間, 知識,係自己腦袋上面, 總好過投資時間係一d有機會 lost既野身上啦~~ 我唔鐘意 lost 既感覺~~ | | |
| 我個心已經飛左去 facebook!好多日都無寫 xanga 啦.. 因為我個心已經飛左去2奶 facebook 度, 因為facebook 另我見返好多舊同學, 又可以比我起左好多個fans page 同 face group! 好過隱, 最近我起左個 "私房菜交流group" 好多人add, 我同我以前一個舊同學, 一直約自己整過既食物, post 上去, 好過隱.. haha 我仲可以封佢地做女廚, 封號任我改 (任我魚辱)... 呵呵 今日我放假, 返左去公司 training, 整到9點幾, over-run晒, 之後同埋 hideme , Ivan 去左金鳳, 因為好耐無食牛, 好想食囉.,.. 呢派, 好多不可思議既事, 另我好唔知點 (係好事)... 我做左4年, 一直都無攪過 training, 因為我成日都覺得佢地好快走, 所以唔想side時間, 不過, 最近有2個新同事, 再近d, 又有3個新同事, 佢地比我一種好唔同既感覺, 佢地比過往既新同事乖, 叫佢地 training, 永遠唔會 say no. 5s, training, briefing, 個個都好聽話留低... 好少有人偷走... 所以, 呢派, 我唔知發咩顛, 好想佢地學多d, 知多d, 連帶我自己都好想將我自己做緊既野, share 到比佢地, 等佢地做得好d... 最近, 我係公司發生左一件事, 雖然過左去, 但呢件事, 我一得閒, 坐車, 訓覺前, 都係度諗, 呢件事, 不停檢討自己.. 有一日, 我 14:30 返到公司, 咩都未執好, 我地d上司就叫我地快d聽call, 咁我就一心想快d聽call, 一邊執野, 一邊接 call, 一邊去搵資料答客人, 我自己又未有時間去囉 jacket, 之後, 有個女高層就係我講緊call 既時候, 係我旁邊叫我快d著 jacket, 佢講既野, 入晒咪, 我就忍唔住mute住個客就駁佢咀... 之後, 唔夠 3分鐘, 我另一個女AM, 就黎同我傾計...(之後我當然火遮眼, 就駁左佢幾句咀啦) 雖然, 呢個女 AM 有講一d說話安撫我.. 但事後, 我一直都有問自己, "自己人已長大, 30出頭, 自己應該一樣要學會長大, 學會成長, 唔係咩都因為自己既情緒, 而連累其他人遭殃......人一出世, 唔係應份身邊有個人去tum 自己, 教自己, 自己衰自己就要學去承擔, 唔好累及別人" 因為呢一件事, 我呢派反覆咁檢討自己....因為... 最近, 我睇左 Anthony Robin 一句說話: "人一生會遇到好多事, 如果自己有一個習慣, 學去自己檢討, 人才會成功進步, " 點解? 如果你可以一個月可以檢討自己一次, 學聰明d, 你一年, 你有12次進步機會 .. 如果你可以2星期可以檢討自己一次, 學聰明d, 你一年, 你有26次進步機會 .. 如果你可以1星期可以檢討自己一次, 學聰明d, 你一年, 你有52次進步機會 .. 如果你可以一日可以檢討自己一次, 學聰明d, 你一年, 你有365次進步機會 .. 如果你可以一日可以檢討自己兩次, 學聰明d, 你一年, 你有730次進步機會 .. 呢段說話, 另我覺得自己已經浪費左自己 21900 次既進步機會了... 所以.. 到了今晚, 我先真正咁講出我自己心裡面既說話...因為我以前, 成日都覺得要自己去認錯係一件好羞家既事, 但係, 如果自己既錯, 都唔敢面對... 咁, 我就唔係一個勇敢既人...我媽生我生得好辛苦的... 今年, 我老豆走左, 如果我係一個無用既人, 我覺得會影衰佢...我要照顧佢, 必須要學會堅強 & 勇敢... Florence: 我知你會睇我呢個垃圾 blog, 呢件事我另你為難, sorry, 但我下次唔會再錯同樣既事, 鄧小姐果日話我, 其實如果我果陣有係佢立場去諗多一步, 我諗我唔會同佢嘈....係我d脾氣臭, 我會盡力去改, 同樣既事, 唔會有下次, Sorry......因為我自己都做得唔好, 我係好難去教一班新同事... 我會改的...如果唔係, 我面對唔到自己去教一班新同事... 我真係會盡力去改..我再唔會因為我而另你同阿妹為我再受害..你講過, " 當你做左 sony staff, 更加要比之前做得更好 . (呢一句說話, 我一直都有記得, 而呢一段說話, 係我個心, 放左一段時間, 我終於可以唔洗再收埋...) 聽日返9點, 我唔可以遲到.. 早抖! | | |
|
