點解同佢一齊會係咁?佢要tum我既時候，真係會好甜，但係當佢發脾氣既時候，真係會好似世界末日咁..... 同佢一齊之前，我問佢會唔會頂唔順我d臭脾氣，佢話當我發脾氣既時候，佢會收聲，唔會去激我，等我地鬧唔成交.......但係點解我地而家會對調左身份? 點解而家我日日都要受佢氣? 有時會好辛苦，好想離開佢，但係又唔捨得....於是我每次都會同自己講要忍佢.....不過我由細到大都未受過人氣，連呀爸呀媽都會怕左我，返工一要受氣就唔返.....如果唔係我又點使自己搞補習社? 有時當佢發緊脾氣既時候，去tum返佢，自己又唔甘心，唔tum佢，佢又繼續黑面.....不過而家我都選擇唔去理佢.....要發脾氣就由佢....... 仲有呀，我同佢講，由而家開始，每次當佢激嬲我，我就要佢整一樣好麻煩既野比我食.....哈哈 今日既難題係------鮮油多，牛油要涷，食既時候唔可以溶，但係多士要好熱!!! 但係佢話不如牛油另上，叫我一啖牛油，一啖多士咁食呀!佢話不如搬個廚房去我學校門口，整比我食先夠新鮮....... 不如大家幫幫手諗下有d咩難度高既野?我暫時最盡都係要餐﹑腿﹑蛋牛治加蔥炒.....半件奶油醬多﹑半件奶油沾多小奶同埋涷檸茶走檸檬同檸檬核...... 話時話，今日有少少妒忌tim.....我一早就話好涷，但係佢冇乜點理我......但係當我地去到茶餐廳，佢之前既女朋友(而家變左好朋友)話涷，佢即刻拎件褸比佢著.....當時真係好灰呀!!!不過好采，佢好似估到我諗咩咁，佢即刻除左自己件褸比我著....而自己就只係著住背心....... 係咪太在乎一個人先會對佢做既所有野咁著緊?當佢玩msn既時候，我好冷靜咁話比自己知如果佢係有野，都唔會0係我面前玩啦......但係好多時又忍唔住好想去望下佢.....但係又怕佢唔中意.....有時當佢tum我既時候，我又會諗，佢咁識tum人，咁咪會有好多女仔中意佢lor.....連佢自己都認係咁.....當然我說服自己咁咪可以證明自己有眼光lor，而且佢咁多人之中都只係中意我一個wor，我應該開心先至係......但係每當佢同d女仔玩得好埋，我就忍唔住佢望多幾眼.....好想去放心，但係又做唔到...唯有扮乜都睇唔到啦......我真係唔想去逼佢入死角呀.....佢本身就係咁，我都唔想逼佢去就我.... 佢話佢愛我多過我愛佢，但係我覺得我緊佢多過佢緊我........不過算啦，如果一個人要變心，點都留唔到佢.....希望我賭呢鋪唔會輸啦.....我都真係輸唔起lu....... | 