| | 去完上海旅行了, 4日3夜真係好快就過! 好開心我們3 個住係FOUR SEASONS , 雖然間HOTEL 唔係好近地鐵站, 但勝在唔洗錢, 又可以CONNECTING 同HIGH FLOOR, 好GOOD! 不過天氣真係好凍, 大約3-4度,又大風, 著左好多打底, 頸巾,手套都唔夠, 仲要貼埋暖包......仲比上次STUDY TOUR 係北京時凍好多. 第一日就去左東方明硃塔, 都好靚, 望到黃埔江對面的大廈, 有中行, 工行,交行,AIA, 和平飯店等等..行完之後去左上海書城同人民廣場買小食,食晚飯, 去左食火鍋, 叫做"蒙骨王", 幾好食,有好多羊肉, 都係 $18 一碟, 食完就返酒店! 第二日就坐"和諧號"火車去蘇州, 感覺好好, 呢個地方係讀書時已經接觸, 依家有機會目睹咁多古蹟, 迫火車都抵, ( 真係好好多人坐車, 差D買唔到車票返上海)..........有拙政園, 留園....都係假山, 亭園的景, 我地影左好多相........之後去左觀前街附近食串燒, 行街買手信, 夜晚食埋叫化雞做晚飯先走! 第三日, 一個大家都好期待的地方, 西湖, 可惜, 坐完車去到 杭州下大雨 , 幸好受到幾個當地人的介紹, 我地先去龍井村品嚐龍井,買左DD做手信啦, 好清好香,之後去埋桂花村睇左D 珍珠.....買完野我地就開始行西湖, 景色優美, 但要拎住把傘影相都好唔方便, 行左好多路, 坐埋觀光船遊埋兩個島就完成行程, 返上海! 晚餐又係我地最愛的人民廣場食, 沈大成, 係一間食麵同小龍包的餐廳.......食完終於要去黃埔江行下, 因為之前都話太凍唔去, 但今晚係LAST 一晚, 下大雨都要去......仲要影左D "靚相", 好貴呀!$10 一張......... 最後一日, 本身諗住係FOUR SEASONS 食BUFFET, 但因為唔係好O岩路, 取消左!第一站去左城隍廟, 食早餐, 仲有D 大大個蟹粉包, 要用飲管飲D湯,飲左大娘豆漿, 之後去左好出名的上海新天地.......勁冇野行, 得個大字,有幾多餐廳, 好似SOHO 咁, 比較O岩老外.!行左幾間百貨公司, 因為好多人,買左D 野 就拿拿臨走, ......雖然D 野有DISCOUNT, 但都唔係好平....!行完街食完野之後返HOTEL 拎行李就去機場!!!!!!咁就結束左上海之旅......感覺開心, 但由於係咁食, 又肥左d! 上海消費都好貴, 同埋冇咩行, 如果唔去下蘇州 同杭州, 將會很悶!我諗下次都未必再自由行, 可能跟團好d, 唔洗迫火車! |
