| 設計｜分類廣告 (黑白)
聽日下午就考試啦，重未溫，做乜野？重係度做緊功課囉！真係攞我命！不過好彩呢份功課比較簡單，做分類廣告，我要做既係國泰。最後覺得整機票係最好既，因為簡單，意思清楚，而且我想表達應徵者攞住張機票，就好似要進入國泰呢間公司，去到呢個行業咁。廣告設計跟番機票格式，第一行係名，然後係目的地，然後係出發地（當然下面既格式唔可以完全跟啦）。我諗係本招職裡面云云咁多廣告，一睇就應該見到，而且知佢講乜啦掛（唔知真係無得救）。
( to Queen B ) 拿 ，唔好話我 hea a ... ( 雖然又真係好易整 )
|
| |
| 生活│嚐一口煙
今日為了 Kelvin 份功課去影相，我地組主要係影煙既，但係我地又唔食煙，何來煙？所以就去買了我人生第一包煙（唔知係咪最後一包），講來都幾好笑，我去士多問：「呢度最平既煙係邊只？唔該俾一包我。」個阿嬸用覺得好似我混吉既眼神望住我，然後俾左一包我 ( 紅色牡丹牌，好臭好老坑果種！不過好懷舊，好經典。唔係萬寶露阿！）。
然後我地就好似鄉下妹出城咁，邊影邊哇哇咁叫，連點煙都覺得好好玩（食煙的朋友請不要恥笑我們！）最後影完我地要既素材，我地就開始瘋狂地在唐樓天台玩影無聊相！我地更加扎住支煙係咁做唔同 post，扮曬野～上面果張就係我扎住支煙扮感慨，好似好多野諗咁。不過最後我食煙的朋友的 comment 就係：完全唔 cool／純情(睇落) + 萬寶路 = 巧白G 牙，真傷心，我可是有努力地演的！anyway，今日好好玩！
|
| |
| 生活｜我要創業 !!▲( 參考圖片，類似這個風格的 ) 將一本普通的記事本變得不一樣！
我從小就很喜歡做手工，例如十字繡、編織、穿珠仔、布藝、摺紙、剪紙、麵粉花等等。
最近突發奇想，想將這個既是興趣又是專長的技能變做小生意（因為看見好似 LONG-ON 那些地方賣類似的手工東西都很貴），剛巧又有朋友跟我一樣熱愛，所以想在暑假小試牛刀。我們想自製一些女孩子的小用品去賣（網上），如小布袋、筆袋、記事本套、小錢包、電話手繩等。（不過現在找合適的布料挺困難的  ）
不知各位覺得這個念頭如何？如果你是女孩子，你會有興趣買嗎？
（哈哈，小小的市場調查）
補充一點：大家覺得咩價錢合理呢？ ( 先謝謝啦 )
|
| |
True
