這個鼠年假期過得非常充實 年三十晚同大年初一都o係麻雀裡面渡過 年三十晚，三點鐘即走，去觀塘同yanyan會合，返到屋企就食蘿蔔糕同打麻雀 年初一，一早起身等大佬黎兜埋我去觀塘，食午飯時，大佬話尋晚零晨四點幾收到身在鄉下兼飲醉左o既堂大哥二哥電話。佢地幾年冇見，而yanyan同佢地就廿幾年冇見！ 於是，大家就唔知挑起邊筋，話一齊上去行下，順道探八十幾歲o既三叔公。就係咁，舉家一行六人就約左第二日晨咁早八點鐘o係上水出發 年初二，我七點鐘起身，去會合五六點起身o既大家，一齊出發 乘坐豪華巴士，四個鐘頭後，一點鐘，終於到達潮州o既汕頭。其實，原來鄉下一o的都唔鄉下。 返到去，大哥二哥黎左「接車」。到屋企，食左超好味o既牛丸河，真係超讚！之後就當然係要「jet 爹」啦，即係飲茶咁解。 坐下傾下計，去左祠堂，周圍行下，五點九，食晚飯，超早‧‧‧ 飯後就係咁影相影相同埋影相 之後仲去左有小姐陪o既卡拉ok，當然我地唔需要啦！ 我地仲燒煙花添呀，好耐冇玩過喇！玩到三點幾，大家就去左食消夜，超好味o既潮州家鄉菜。 返到屋企，即瞓！ 年初三，十點幾起身，洗左個頭，同三叔公say goodbye之後就去酒樓食午飯，又係一超好味o既潮州家鄉菜！ 食完之後就返屋企執齊行裝，連同家鄉手信，返香港。 今次冇豪華巴士搭，只係普通座位，四個鐘後，七點九，返到深圳lu。 兩老就即刻轉車返樟木頭，我地四件蛋散就搭的士去食串燒。去到發現，冇開門呀！！！！！！ 失望之際，好好人o既司機先生就車左我地去附近o既小肥羊。都好啦。 食飽飽，大家都好眼瞓，要返歸lu‧‧‧ 年初四，同阿爸阿媽阿妹飲完茶，就出發去長洲。逗過利是今年就利利是是喇。食過魚蛋粉，豆腐花，海鮮餐，要返屋企lu‧‧‧  
年初五，勁唔想起身，但係都要返工。 | 
