從未如此 Scary 過 !!!無拿拿叫全世界o的老師去家訪，你估o的老師好得閒既咩？ 雖然我唔否認家訪有助學校與家長既溝通，但你都找個我教過既學生！ 又三唔識七，又無教過佢，無拿拿就上門找人地 Mother ，真係好彩人地無用雞蛋釘我。 入到去人地屋企，「呀仔係學校點呀？」呆！鬼知咩..... 笑住答：「聽班主任講都唔錯既......」真係羞 家！ 跟住又要 sell 下間野... 「我地學校進步緊......」感覺自己同o的上門寬頻 sales 差唔多.... 其中一個死仔包同我講，：「我父母八點幾先返屋企....」搞到我夜 ma ma 殺入人地屋企，返到屋企成十點，真陰公！ 講開個日家訪真係嚇死我，其中一個住元朗八鄉，諗住搭巴士由上水去元朗，跟住再搭 Taxi 去無死，點知...... 元朗八鄉原來係上水！於是我又搭番 Taxi 番上水 .... (重要俾個 Taxi 司機笑 tim....) 個仔住係八鄉公路中間，無人，無燈，無其他建築物。！佢阿媽拿住電筒無端端係公路度「彈」出來，原來佢屋企係無路行！ 我跟住佢地經過公路旁邊既樹林，沿途只有電筒光照住o的沙石，經過廢料場、污水渠，野狗吠.....真係嚇死人！ 最後家訪完想走，發現除無人，無燈，無其他建築物，無行人路之外........重係無車返屋企 S*** !!!!! 搞到差o的要企係公路度做「電波少年」！ | 
