~~上海蘇杭遊記~~ (二)

Day2 25/5/2008 晴
我地住le間hostel 真係好舒服~!! 舒服過屋企 ~~
無論係枕頭同床褥都好正~~!!大家都唔願起身~~
執好野, 我地就打的去火車站, 經琴晚相議,我地都係去蘇州先~
買左車飛,和諧號,動力車~!!大陸目前最快的~~!!
就去搵早餐食~ 睇到一堆連鎖店,諗住想試下D 地道D啦~~
點知...選擇錯誤...去左間唔掂ge...@_@
鍋貼都ok,小籠飽係細隻D...但最唔掂係杯荳漿~!!!
水都無人有....難飲到...仲要$4 杯!!!一枝佳得樂都係$4!!!

食飽飽,就去等上火車了~!第一次搭大陸的"新幹線"~
有少少期待,興奮~!!和諧號果次唔同,車箱環境好好多~!
座椅,通道, 都同日本新幹線差不多~!! 算係咁啦~~~
不過到我落車先發現坐緊唔係 購自日本的E2新幹線~~
對面剛剛過站的才是呢~!!型好多呀~~

一出蘇州車站,仿如隔世...蘇州,唔係應該係大城市嗎?
車站外十萬個頹廢...我地行左一段時間,周圍都係咁頹...
人類憑住張極簡陋的地圖,顯示hostel就在火車站附近...
於是我地嘗試步行過去~ 經過一條頹河,一個巴士站~~
人類提議搭麵包車,我就覺得唔係咁安全同必要~~
我提議去巴士站睇下車站名,睇下有幾多個站先到~~
佢似乎聽唔到...繼續行~~ 無耐有幾個年青人問我地~~
佢地話仲有15分鐘左右就到,佢地都係去果頭睇聖火~~
琴日先係上海傳完,今日又係蘇州,我地去到邊,傳到邊~
見佢話15分鐘,未行下lor~!不過我個袋勁重~ 肩膀都痛了~

左:雞仔呀, 右:終於見到山塘街

行左唔只15分鐘,終於見到一條河,有D似山塘街~ 不過激頹
再行多陣,終於見到似樣的山塘街,頹河,靚河,其實係同一條~
但我地住的明涵堂青年旅舍,依乎係山塘街的另一邊盡頭...
行呀行...應該行左total近1hr...終於搵到喇 !!!!
好興奮,但入左去見到無人,嚇左一跳~!原來有兩邊的~~
環境都係好好呀~!!闊絡D 呀~!! 仲有廣東女孩子訓係我上面~

左:hostel 休息間, 右:hostel lobby

左:生煎饅頭,超好食~!! 右:山塘狸貓, 可以發聲的~~

之後去左兩大園林,留園,拙政園,都係咁上下啦~~
但係話說我地遊完蘇州博物館先去拙政園~
依家所有博物館免費進入~!! 真係好喇~!!
蘇州係建築大師貝聿銘的封刀之作~!!「新而蘇,蘇而新」
新穎得黎亦好有蘇州風格,感覺相當特別~!!
Thomas 更選這裏為他的MVP(Most Valuable Place)~~

上下: 六角形的中式窗口

上:全採天然光. 下:仿古亭

下:不外如的拙政園

上: 驚喜的紅葉~!!

離開博物館,我地就跟據之前路上見到的指示板前進...
前行1.5km右轉400m...不久又有路牌...又有路牌...
感覺不妙...好似係度兜緊圈...行到腳軟終於到~!!
門外有導遊搭訕,話拙政園好大,唔跟佢地行唔晒~~
Sorry, 我地覺得有你地帶住行就真係行唔晒喇~~~~
遊完出黎都未閉門...但我地發現...
隔離就係我地係博物館出黎的出口...100m都無...>0<
後來客觀諗下,發現那只是供旅遊車看的..指示去停車場

夜晚去左鬧市食左個老媽米線,都幾ok ge~~
之後就夜遊山塘街~!! 很不錯呢~!! 雖然同麗江差唔多~~
但由於D 河闊D,燈色多D, 又是另一番景象~~~
行左成日,我估多過10km,勁累勁累...返hostel沖涼訓教~~

左上:咸亨酒店,右上:福娃,左下:老媽米線

下:明涵堂青年旅舍

上: 我地住的多人間~~!!

~~上海蘇杭遊記~~ (一)

Day1 24/5/2008 晴
已經半年多無去旅行喇~ 經過重重的波折, 今日終於成團出發~!!
雖然目的地由張家界轉左做上海蘇杭, 雖然由四個人變左做三個人~
但仍無損我地ge興致, 人類,Thomas 同我 就踏上我地ge 旅程~!!
上海蘇杭, 期望不高, 今次志在輕鬆下, 行開下, 抽離下~~

我地今次仍然經深圳飛,不過我相信都未必會有下次~~
人仔越來越貴, 就算深圳機票平D, 都抵唔返~
如果只係差二三百,我寧願香港舒舒服服咁飛lu ~~
依家有落馬州支線, 我地去左試下,近機場D,打的20分鐘就到雞場~

經過二個半鐘的機程, 我地到達上海虹橋機場~!展開"黑仔"之旅~~
上海有兩個機場, 新ge係 浦東,舊ge係 虹橋~~ ,原來舊,可以咁舊...
感覺比啓德機場更舊...頹廢的入境大堂, 這就是上海歡迎我們的方式
離開大堂,諗住去搭機場巴士出市區啦~ 等左陣,已經覺得唔妥~~
925路巴士來了,只雖$4,虹橋機場距離市區好似只有21km 距離~~
我以為搭半個鐘到就到啦, 點知搭左成個鐘,對面搭$2車程的大叔先至落車
最終我地搭左近兩個鐘先到人民廣場~!!幸好,全程對面都有個靚靚空姐 ^^

從人民廣場去我地打算住的旅行者青年旅舍都唔容易,
手上只有一幅簡陋而不按比例的地圖, 行左無耐, 我地就決定坐地鐵~~
首次乘搭上海地鐵,感覺得深圳北京良好,但從隧道到車站實在遠得近....
坐一個站,南京路東,步行至江西中路,好不容易,終於找到青年旅舍~
$50一個床位,四人間,環境不錯,過兩個街口就係黃浦外灘~~

 
(左)大家都對地下隧道感到困惑~@_@
(右) 嚴禁跳入呢~~但果廣告果人好似跌緊落去咁~~ ^^"
 

Settle好,我地就去左逛逛外灘,入D舊銀行入面睇下,好多都好Grand的~~
從前的上海匯豐銀行已經變左做上海浦東發展銀行~ 一對獅子仍在門口~
行左一段距離, 我地黎到豫園(城隍廟).黎le 度,梗係搵小籠包食啦~!
好容易發現南翔饅頭店,排左好多人係門口~!真係受歡迎~~~
我地好豪(都係貴少少),上左樓上食~ 等左陣,就有得食了~~!!
南翔小籠包,好食,但無想像中咁好好食, 不過真係抵食~!$20,16隻~!

(左上)某銀行lobby(右上)上海海關

(左下)浦發銀行(右下)匯豐獅子

豫園除小籠包外, 其他都不甚吸引...最失敗係試左個湯包~!
好眉好貎, 入面D野又唔好飲, 外面個包又硬到石頭咁$12...食多籠小籠包好過

之後電聯左係甘肅識的西安學生,"小林"出來~~很久不見~!
他可是和我出生入死的朋友,旅行伙伴呢~!!
及後再約埋廣西識的香港朋友Kathy 食飯~~ 老正興, 百年老店
好似一堆三唔識七的人坐埋一齊咁~! haha~~
不過反而kathy 同小林 好似最多野講~ 哈哈
上海菜,都幾食,最緊要係原來唔駛錢, Kathy公司數~! 唔客氣了, 多謝~

食飽飽,梗係要散散步~ 小林 同我地去左夜遊黃浦灘~~
夜晚的黃浦灘都幾迷人~~!! 最受人注意的東方明珠塔 反而係不外如...
成串魚蛋咁..俗氣... 外灘的古舊銀行才是最有味道~~~
外灘實在有D似尖咀海傍, 但係多人到你唔信~! 聖誕 咁上下多人~!!
要同小林分別了~! 實在多謝佢由上海較遠的地方過來招呼我地~~~!!

2008.05.09
前幾天, 我到了尖沙咀HMV無聊逛逛.
看到很多不同歌手的CD,有很多其實我都廷喜歡的~~
平井堅,大塚愛,Kokia,Zard, 王力宏, 張敬軒
無乜聽過佢地D 歌, 但感覺還不錯~ 可是又沒有喜歡的感覺
真係喜歡的就只有Eason, 千嬅,Kiroro, 最近也有點喜歡Yui~

突然讓我想起我選擇東西的模式~~
買東西如是,好多野其實我都覺得幾靚,但又無特別鍾意
鍾意時就覺得鍾意, 好似日本隊波衫, Mizuno 的汗衣~

買漫畫如是,好多漫畫都幾好睇, 但又無特別想買~
狐忍,One Piece,感覺不錯, 但又唔會買~~
足球小將,男兒當入樽 就總是喜歡,會買回來~~

揀對象如是,好多女仔我都覺得幾靚,但又無特別鍾意
要喜歡的自然會喜歡,好似邊個呀,邊個呀咁lor~

喜歡, 還是需要一點緣份~~

別了...永遠的主席

2008年5月6日, 突然收到一個不能相信的消息...
收到後, 一直懷疑, 感覺一直不真實.
直到從網上看到有關內蒙古義工團撞上車禍的新聞~
感覺開始實體化了,感覺開始變得真實
相關的報導越來越詳細...我便得接受這事實...
我們土木工程同學 - Roy 的離世....

初時感覺與Roy並不算太熟絡, 但回想起來也有不少片段
他和我都是喜歡攝影的, 還記得他用的是350D ~
看過他到了吉力馬札羅山的相片, 我也有留言聯絡~
他喜歡影人, 喜歡與當地人交流~~~

他生前,我不太認識他,現在反而從報章中認識他~~~

願你能在天堂繼續你的旅程, 繼續幫助有需要的人
我相信你的生命能繼續影響其他人的生命~~
永別了, 安息...永遠的主席

2008年4月15日 土曜日(二)
不知道大家有沒有看過幽遊白書這個漫畫呢?
當中有一個角色, 他是最強的人類 - 仙水 忍~~
在仙水體內，包括原本人格「忍」，總共有7人的多重人格，
其他分別是「實」、「一也」、「喬治」、「奈留」、「誠」、「等」。

「仙水忍」- 是其他6個人格的總合，並且擁有壓倒性威力的最強人格。
戰鬥人格
「實」- 好說教而且自尊心強,又是個大嘴巴。
「一也」- 7人之中，最專業的殺手，而且是個連嬰兒都能輕鬆地宰殺的殺人魔。
「喬治」- 負責武器，專門收集槍枝。
其他人格
「奈留」- 女性人格，而且是個愛哭鬼。內向又純情，而且容易受傷，時常向樹傾訴煩惱並接受他的安慰，只會在樹面前出現。樹喜歡她僅次於忍。
「誠」- 負責煮飯、洗衣以及打掃之類的人格。
「等」- 負責興趣方面的事，常養一些小動物。 

忽然我在想, 我其實都有多重人格呢~!!

[仙水忍] - 思考極富邏輯,善長分析人的心理,事物的重點,冷靜(但欠實行) -
[實] - 旅行,行山,在較有信心方面顯得較自信, 談起也眉飛色舞 -
[一也] - 有見我發癲ge 朋友,都知我癲起黎真係癲癲地~!! 攻擊力應該係最強-
[喬治] - 寡言, 粒聲唔出, 不善人際關係 -
[奈留] - 我睇某幾齣戲都會喊,都鍾意公仔,對住女仔時純情, 女性人格 -
[誠] - 係學堂時極富負責心,班會主席,主動,無事不理,去Camp煮飯,係宿舍洗衣打掃 -
[等] - 喜歡玩貓玩狗, 摺花, 畫野, 唱歌 -

其實有時都覺得自己好恐怖...反應好極端, 基本上係雙子座性格吧~
時而健談, 時而沉默 ; 時而溫柔, 時而粗暴
時而主動, 時而被動 ; 時而自信, 時而自悲
時而大聲, 時而細聲 ; 時而堅強, 時而軟弱