聽日就考兩科，到而家都溫得七七八八，呢排都幾開心喎好似，其實做人簡簡單單都唔錯，成日有人問我：就畢業啦喎，打算點？ 其實我就諗住留係呢邊啦，話晒都算搵到錢養自己嘛，有時回心一諗，原來世事既野，係好易變架，仲好記得四年幾前，決定要黎呢邊讀書，兒女私情搞到立立亂，我真係諗住讀完頭都唔回就番去，因為果時阿貓仲係香港等我嘛，點知過到黎，陰差陽錯下，同佢有緣無份，又會有個郵差派錯信，半年先交到封信比我既，等我仲以為阿貓唔記得我，唔再理我，不過唔緊要，遠距離都預左架啦.......... 跟住第一年暑假，仲好期待咁要番香港，番到香港，日日玩下，打下牌、同阿竺拍下拖咁，係喎，果時唔知點解又會同阿竺識到，識識下搞埋網上情緣番香港搵佢拍拖，諗諗下都搞笑，跟住好快又要番黎讀書，同阿竺最後又係不了了之....... 跟住好快又一年，番香港打工做實習，竟然比我又撞番阿貓，仲要同佢班FD玩真心話大冒險要比佢班FD知道我地以前D野，結果被人玩左成晚，最搞笑就係，阿貓有個騎尼追求者，為左打發佢走，阿貓要我同佢演場好戲，約埋個男仔出黎三人晚餐，我地食住野咁扮溫馨，玩想當年，哈哈 結果，假戲真做，又同番佢一齊，好似係第五次一齊............滴晒汗，結果，一個月唔夠，D老問題又出番晒黎，溝通唔到呀，唔夾呀，咩問題都出晒黎 跟住過左一排，竟然同契妹阿魚搭上，諗起都滴汗，阿魚最後又係不了了之，隻身飛左去美國讀書，而家又做番朋友仔咁 跟住過番黎讀書，為左入大學，要去另一間學校讀數學，有個女仔叫阿mo喎，為左要做功課而搭訕我，哈，諗落好似第一次比人搭訕添(其實以前應該都有既，不過唔記得啦)，跟住拎左佢ICQ，其實係我阿妹問佢拎，我自己開阿妹個AC睇佢NUMBER，再ADD佢既.........阿mo到而家都唔知架，死，寫出黎咪比佢知左囉？算啦，唔寫都寫左，舉手不回真君子，跟住進展好快啦同佢，好快就成為男女朋友，仲要佢係我第一個親手煮野食比佢食既女仔添，咦，苗仔之前無煮過野比人食？好似係架，跟住，仲要第一次見人地D親戚朋友，死啦，今次無得走啦.........跟住我同阿毛無風無浪咁過日子，雖然我有時好粗心大意又迷上打機喎，佢都好大方咁原諒小弟，諗落都覺得自己幸福,而家仲要同佢玩緊練心靈感應，不過唔係成日得，點算 期待黎緊個暑假，我畢業加上同阿mo一齊番香港喎第一次，唔知我D 朋友仔會點睇我同佢呢？ 我D朋友仔聽到我同一個女仔兩年都好驚訝呢，話苗仔今次終於定落黎，嘻，其實有苦自己知，好多時都係個女仔唔要我架嘛，傻仔黎既，難得阿mo唔嫌棄我 最後，講番D心底話，多謝阿mo，無你，呢兩年都唔知點過，有時D野，心照，林海峰話齋：唔洗講野^^我愛你，而家最愛係你^^ 
| 
