無奈 雨

今日突然之間覺得自己生活0係香港算係好幸福 !!! 即相比起南京0既同事 !!!

今日，有南京同事0係南京公司0黎 ~佢本身係account dept. 同我都冇咩關係，但食飯0個陣，lilian同佢比較熟，叫佢坐埋過0黎一齊食，咁好自然就會問佢南京分公司ｄ野，南京分公司應該有成千幾人，佢地有飯堂．有宿舍，本身我都以為好好。原來聽佢講，住宿舍係冇冷氣，冇熱水沖涼０既．．．冬天都要沖凍水涼，除非去打水．．．而且宿舍又冇電視，水．電費仲要全房８個人齊齊夾，但都唔係個個住到，因為要申請，而家應該已經滿晒啦 !!! 冇得住宿舍0個d~而又唔近屋企0既，咁自己就要去租房住啦 !!!但1個房，設備好d 0既~聽講都要成800元。

公司每日有公司車接送0既，如果趕唔切，就要自己搭公車...公車兜來兜去，兜好耐先返到公司。如果返工遲到，1日又要扣80元，佢話1日工資都唔夠貼...如果咁樣，佢地多數會請病假，咁都岩既!!!

佢又話公司規定lunch唔可以自己帶飯返0黎食，規定要買canteen d 野食，都幾苛刻wor.....真係冇乜福利，怪唔得知南京分公司流失率咁高啦.......

目標

冇寫日記都成個月啦~哩輪冇咩特別事發生~~~

但哩輪有個目標，就係好想早d退休!!!我想45歲就退休呀~之後想做就做下part-time !!!唔想做就唔做~其實唔駛憂柴憂米，間唔中又可以拎d$$出0黎享受下，已經好心足0架啦~唔一定要好多$$0架....

鯉魚門食海鮮 好熱

7月31日,Elaine走。咁臨走前，即30號，佢就決定請我地去食番餐 !!!我都係『掹車邊」先有得去，不過我去唔去都真係唔更要。因為同佢好似唔係咁熟......0個日有 elaine, june, maria, 瑗姐，lilian, sam同我，一共6個人。

咁星期一，我地收工，就打的入0左鯉魚門啦 !!!原來公司附近打的入都好平0架ja~30蚊~~~

我地去到坐0左陣，就一齊出去揀海鮮啦~

我地有粉絲蒜容蒸帶子，椒鹽瀨尿蝦，避風塘炒蟹，青斑，另外叫0左生炒骨，炒飯同菜心。都好飽啦!!!我覺得個帶子最好食，又大粒~ 甜品有南瓜露，蛋散。

走0個陣，阿june話call佢個司機0黎~我以為佢老公tim~等我仲諗住睇下咩樣tim~點知0黎到，原來佢只不過call 0左架的士0黎~佢車埋我 , lilian , sam 落油塘地鐵站，咁我地就各自走啦~~~

雖然同elaine唔係好熟，但0係度都祝佢『前路更好，同新婚快樂」啦!!!

染髮 + 剪髮 陰

今日放假冇乜野做...同家姐走0左去黃大仙0既 "天然"染髮，見d陰都長，咁咪剪埋髮囉 !!! 原來哩間野係染髮 ok 0架 ja~ 千其唔如剪埋髮。我懷疑佢地冇學過剪髮0架.....剪到我咁樣衰~ d陰勁短勁簿...佢仲話我自己睇唔慣ja~長番就ok 0架啦~咁點解你預番長d ja~ too bad.... 佢仲一路染，一路sell 我哩樣0個樣 ..終於幫襯0左佢買0個個精華，當時洗頭用埋。

個女仔好唔pro.吹頭個風筒，又拎唔隱，"pook" 0左落我個頭度，跟住隻梳又拎唔隱，趺0左落我大臂度..my god~佢自己都唔好意思啦，勁講"對唔住"又話唔係特登，梗係啦~特登我就話鬼佢啦!!!剪完個頭仲sell我套票，下次用，我梗係唔會買啦!!!......

Stonefly 下雨

今日特登去尖沙咀sogo諗住搵stonefly個counter，用0左公司抽獎得番0黎0既coupon買鞋，點知去到搵0左一大輪都搵唔到，問下個reception啦 ! 0個個人話買鞋0既0係0個邊，我地又搵，搵唔到再問另一個reception，佢話stonefly 冇0係度擺counter啦，激死!!!即係下次要逼住出銅鑼灣sogo啦......

之後，去0左沙嗲王食飯，跟住番黃埔行吉之島，最後就番歸啦!!!