|
| 星期六走兩場, 一場係九龍灣, 一場係返自己地頭粉嶺. 又再係ikea攪事, 唔知遲d會唔會俾人點相唔準再入去呢!!! 夜晚同班friends係粉嶺吹水, 仲要係公園吹, 好似返番去中學咁…吹到三點幾本來返屋企, 但變左阿龍楂車送逗雞返屋企, 再由我楂車送自己同阿俊返粉嶺, 好耐無楂車, 不過好彩係自動波, 安全回家! 星期日同阿輝走左去睇"最後通碟", 都算ok幾好睇. 比我想像中好. 又去左鑽石山Gundam展, 但展品就比預期少. 之後既日子都好似幾充實,先係八月廿五會去中環, 九月一日應該約左舊同事, 九月十五有一個中學同學聚舊party, 九月廿二應該會約舊同事出黎, 如果全部成事, 之後幾個禮拜都真係好過癮. | | |
| Happy Sunday好耐無上黎寫野, 因為實在太累啦, 朝十晚十一既生活, 真係令人好累. 不過都幾好, 起碼唔會覺得白白過左d時間. 星期日晚好開心咁同埋成班friends食飯. 好耐無試過咁多人又玩得咁過癮. 六七點去左上水石湖墟間悅來xx度食, 每位唔使一舊水, 食物都ok. 係部冷氣吹吹下自己停啫. 食飽就走左去飲酒吹水. 破紀錄地猜包剪槌可以連輸十二鋪俾徐仔, 肥城絕”蕉”呃到自己呃唔到人, 逗雞仔d頭髮越黎越短, 一隻A士令阿龍要飲六杯, 雖然佢無飲到, 本來話同阿駿買波, 棒阿根廷, 點知最後都要佢係電腦幫我買, 想話唱兩首歌, 但係等到我地走佢都未有得俾我地唱, 真係吹脹. 不過最緊要都係一大班人出黎玩啫, 大家都要返工, 工作時間又唔同, 真係好難約得齊人. 真係要攪多d呢類function先得. 工作環境轉變左, 不再是荔枝角了. 租金平左, 地方大左, 搬到死左(我個微波爐)!! 我最愛既阿根廷又大勝. 美洲國家盃都係佢攞硬. 發覺自己越黎越多口, 但我會保持住呢個作風!!! 有日係報紙度看到的, 我覺得幾有意思, 所以係度寫低 we born FREE, but everywhere have CHAIN | | |
| 越來越唔明白自己想做既係咪現在所做的，每日都同自己講好快無事，但每日如是．只想聽一首Mika - Relax，但卻換來四面楚歌．而家每晚都要成點鐘先可以返到屋企，最慘瞓係張床度都唔可以瞓得著．仲係不停亂想！再咁落去好易人都癲．一個希望，一個失望．每每意識到有轉機的時候，卻可能是另一個更大的危機．是我沒能力扭轉它，還是．．． 朋友在你有難時會申出援手，但角色一但轉變．卻可令你不知如何是好．我應站在什麼位置看這件事情呢？我深信每一件事都不可能是單單一方出現問題的，彼此都應在事情上負擔責任． 每段時間我都有一些好好的朋友在身邊陪我渡過．現在還記得初中時有阿Ｂ，但他在中二時就出了國留學，頭一兩年都有收過他的信和他也曾回來會我們的．但不知在什麼時候開始己沒有再聯絡上了．之後有呀笑彈，但卻因為幾百元而沒有聯絡，我覺得是相當可惜．到了中四，許俊豪和謝仔在那時也是和我相當熟的，但許俊豪中五後就無法再聯絡到他了，而謝仔就覺得佢為人有點那個而無再聯絡佢．到了白英其，有個叫winson的, 他對我也很好的, 但他的性格卻是有點問題. 不是攪基. 但不多講了. 到了現在卻因為開公司而又失去一個朋友. 在往後的日子, 我諗要多點留意自己的言行及多點包容身邊的人. 得到一個真正的朋友很困難, 但要失去卻容易得多. | | |
| 生日 & 復活節27 March – 同輝輝去左燕雲莊食飯，唔再港澳兩邊走，可能都係一件好事． 28 March – 椰林閣，希望佢快點搵到份自己鐘意既工啦，最緊要係搵適合自己． 29 March – 扒王之王，究竟係唔係我大食呢．食左都好似無飯過咁．沙田真係無乜地方好行，點解咁多人係條樓梯度座呢，唔通真係咁好座？ 30 March – 意粉屋，同上次座既位一樣，真係橋．林海峰有踎低噴飯，阿誠有座定噴水，仲要玩一柱摯天，嚇到個waitress怕怕羞羞咁走左．夜晚再約阿松係旺角行左一轉先回家． 31 March – 正日，夜晚去左大埔睇波，明明場波4比1．但點解好似咁悶咁～本來會去大尾篤燒野食，但改左時間． 1 April – 大尾篤燒野食，四條友去大尾篤燒雞翼，玩風箏．今次真係燒左好耐，全程不停燒，以往多數燒條腸仔就走人，今次燒左成五個幾鐘．都幾開心～ 3 April – 夜晚去左大埔新街市食飯，一個人幫三個人慶祝生日，仲有蛋糕食添，仲欠阿彩一餐飯，下次補數～ 4 April – 旺角唔熟既雞脾飯，一個變左兩個．究竟我適合做什麼工呢？十一點幾收到電話，再係粉嶺大排擋座多陣，本來睇波，最終放棄，反而同阿駿係樓下吹水吹到三點幾，返到屋企仲要好肚餓咁整左個公仔面食． 5 April – 一次過去哂荃灣同埋鑽石山拜山，志蓮既環境真係好舒服，如果有一兩日可以係度住下都幾好． 6 April – 悶左半日，夜晚出左去旺角麥花臣球睇港超，次次出到去都差唔多講到十一點幾，每次都會講下工作上既問題． 7 April – 去左輝輝新田既村屋燒野食，三層樓連天台都係二千幾，真係抵～ 8 April – 行蝴蝶山，好耐無行過，下次要再行遠ｄ先，夜晚去左上水一轉． 9 April – 要返工啦，又要諗下工作上既問題．晚上看廖偉雄既節目，佢有一句令我好有感觸“ 成功唔係用錢去衡量 ”，但我之前都係有咁既諗法，成日係度諗工作上無進展，無收入，就覺得自己無哂方向，仲開始無自信．佢仲話“ 每一個失敗都係為將來更大既成功而鋪路 ”，“ 一個方法唔得，就用第二個，第三個，我唔相信無方法可以成功 ”．聽完之後真係有一種激動係心裡“ 衝 ”出黎．我會追埋呢幾集，都想睇下佢既經驗． | | |
| My birthday is coming, hope all can get well. | | |
|
