實在是有點過份了吧.....把Xanga丟空了這麼久， 很可怕....... 回頭想一想，加入政府已經是一個多月時間， 工作方面還算不錯，但是我覺得忙一點會更好。 我不是在哂命，我真的喜歡忙碌。 做這份工作，最重要就是將以往做新聞時的快動作快反應放慢。 要將整個節奏調節一下。 因為在這裡要做好一件事，解決一個問題， 絕對不是一時三刻的事。 以往我為快一分鐘而努力， 現在，我為請求別人快一天而努力.......... 難怪市民覺得我們無能.......
大家在批評無線的奧運主持表現差， 日日蘋果日報都講，我覺得佢地都幾抵死， 千揀萬揀，仍然可以揀著一班無常識，以為廣東話變小小音就係普通話ge主持....... 但我最想說的是，其實北京廠果班導演，表現同d主持一樣咁差...... 例子: 有日劉璇同楊威做現場訪問，劉璇在整個過程比無線那班專業主持當然做得更好..... 然後，訪問完了，劉璇就示意交番比廠...... 呢個時候，導演竟然唔CUE番廠.....想等劉璇做ending tag， 第一，ending tag其實係比D主持用廣東話總結國語訪問的內容， 劉璇佢自己都係講國語，當然唔洗做ending..... 最大破綻就是之後劉璇以為已經交左番廠，就同相熟ge楊威傾計， 個導演到呢一刻都仲可以唔CUE番廠.......好野~~~ 其實咁樣做，真係好危險， 鏡頭後同鏡頭前，好多人都兩個樣， 如果見到人地閒聊都仲唔番廠，最可能ge後果就係..... 0係鏡頭前出現粗口，咁就好開心喇~~~ 第二個例子，更加離譜.......... 有日請左林丹同謝杏芳入廠做訪問， 負責call shot的導演全部好似死左咁， 破綻一，DODO同兩位係一邊做緊訪問， 導演竟然比個wideshot大家睇，結果就係我時運低， 見到頭頂支咪不特只，仲見到keyman攞緊相機影相...... 我真係覺得keyman無錯，因為當時，佢真係唔suppose要standby上鏡。 破綻二，訪問差唔多結束，朱凱婷去準備禮物， 導演又比個wideshot......好野..... 於是我又時運低，見到朱凱婷0係雜物埋中搵禮物..... 朱小姐同樣無錯....事關佢果一刻亦都唔suppose上到鏡.... 佢可以0係呢個時間比觀眾見到， 全靠果個唔稱職ge廠導演....... | 