一早起身聽講今日添馬艦又有walk-in interview，咁就去睇下啦，去到問左兩三個問題，就叫我明天開始返工lu...如果一個月返足工，冇遲到早退，都有萬幾蚊個月既......不過一日返超過十三個鐘，真係辛苦血汗錢！
in 完三點幾，坐電車落中環，上左蘇豪Krispy Kreme買左一打甜甜圈再落返長江中心，想送給AW這間聞名於世的小吃，四點有多，打電話比AW睇下佢放左工未，而我就在長江中心下的休憩地方坐係到等佢囉...但係......佢唔知我等佢，亦都唔知道我係佢附近望佢......佢今晚同屋企人做冬食飯，我都好想去啊......以前同佢地出去食完飯都會去松記食返碗糖水，好想以後每年每個節日每次家庭團聚，我都有份出席......

黃昏回到葵芳，打電話叫阿媽出街同等埋老豆食飯，因為未來呢兩三個月，我都抽唔到太多時間陪佢地行街囉！