| 今日同明慧去左南區海灘, 好耐都無去海灘la, 星期日都已經好想去, 但約唔到人, 好灰... 不過今日終於如願已償. 還好星期日天氣唔好, 今日就陽光普照~! 一早食完早餐就出發, 到中環買左個飯for lunch , 入到淺水灣食. 淺水灣風景好靚呀! 我地找到一棵樹下聽下歌, hea 下, 好舒服. 之後我想去游水, 好奇怪, 沙灘好多人, 但無mei人游水. 出到去就知道, 原來近淺水的沙好粗, 仲有d碎石, 踩到隻腳好痛, 而且今日d 水好凍, 所以唔多人落水. 我游左一陣, 都覺得麻麻地, 就上左水la. 一場黎到, 又唔甘心游得十幾分鐘水, 所以我地決定搭車轉到赤柱. 去到那邊, 風境又係好靚呀~! 我地坐左係個救護部外面, 發現不斷有人隻腳板受傷... 我出到海邊就知點解la. 水底周圍都有石頭帶有蠔殼, 好危險. 而d 沙同淺水灣都差唔多粗, 情況無好左. 好彩這裡有浮台, 我可以唔接觸地面, 游到浮台休息一下, 來來回回總算有得游水. 一直游下水, hea 下, 睇下風境到六點, 搭返車到銅鑼灣食飯. 係車上面仲看到海中的黃昏, 好靚呀! 之後我地仲去打機. 係東角果間機鋪幾好玩ar~ 好多機又唔係貴. 我這排工作好繁忙, 壓力好大, 心情好down. 好彩有五一這日假期, 整日對住陽光與海灘美境, 心情真係愉快返la, 好多謝明慧陪左我成日ar~! |
