|
| 今日係個新開始.
三年黎第一次轉工,
由旺角銀行中心返工,
變左去美國銀行中心返.
本以為過海食lunch應該會貴,
原來office行出去10分鐘路程內已經有齊各大快餐店,
今日o係大快活食,
隨時比以前出街食飯仲平.
但今日極悶,
已經係成個月通知,
對方乜都冇準備過.
先要搵位安置我 -> 去某個放緊大假o既人個位坐住先
之後又要搵機我用 -> 臨放lunch整左部notebook黎, 比我以前部desktop好10倍, 但冇network
食完飯後近三點先俾到pass我 -> 係, 我食完飯要等人開門
廁所鎖匙更加要五點先到手 -> 可憐我只有lunch時去過一次呀....
到6點鐘我已經忍唔住要即走了,
實在太"辛苦", 0830-1200, 1245-1800, 坐成差唔多九個鐘冇野好做.
但願聽日佢俾到個login我,
最少都可以睇睇doc...
不過上網就唔使諗了, 所有機都出唔到街.
希望可以迫到我極專心工作,
每日準時放工 !
舊o個份工就唔點提啦,
30/6 last day都要我transfer成百個item,
差ｄ趕唔切落HR.
順手插一下地球o既廢HR,
竟然冇俾到reference letter我 !
今日俾HKICL o既HR問起我有冇HR封reference先醒起.
要搭舊同事幫我催一催先得了, 唉...
希望大家想走o既都走得甩啦 !
| | |
| 好耐冇開xanga睇/寫野,
唔知幾時先可以下定決心多ｄ寫.
之前都有幾次想記低ｄ野,
但就係懶得login寫一下,
而家補番ｄ啦...
先記一記新年返去開工,
星期一大家等大佬同班PM派完開工利是,
即時由kalung同edward拉大隊去掃清17樓(&20+22樓各有一封收獲),
我地大隊正常應該只有P同PT先會去掃利是(升到AP都唔細啦),
得chris同murphy係比我地早入而又未升AP,
我地5個走左anson剩4,
karen佢地5個+winnie2個, 遲我地一年分兩批入.
加埋今年placement o個個同天王星o個兩批3+3,
2+4+7+1+6, 20個人,
一條龍咁由edward佢地走均各"戰略要點",
(可惜20樓都係miss左個,
聽聞佢見我地大隊就咁走左呆左,
一堆利是派唔出 Orz)
最後每人都拎左20封左右 =)
之所以要特別記低升到AP應該唔再掃,
因為呢兩個月有好多新同事入黎,
竟然有個最少AP級o既面皮咁夠厚,
跟住我地呢班細o既去掃利是 !!!
佢入左黎應該都唔夠一個月,
新年時我估成個office叫得出佢名o既都唔夠10個人,
咁有勇氣跟隊尾 ,厲害厲害....
講起新同事, 又不得不提公司真係怪.
放走一堆AP, 請一大堆ASA.
班AP之所以走, 係因為人工太低;
請咁多ASA, 係因為佢地本身外面份工人工高,
呢度唔出到ASA級o既post就出唔起o個個價,
事實上佢地都只係AP級經驗=_="
用多ｄ錢請ｄ經驗冇多左,
又唔熟悉system o既人入黎.
俾多30%錢去降低自己效率>30%,
真係神奇o既管理.
更神奇o既係, 點解martha同steven食lunch要痴埋我地度??
我地本身4個男仔剛好坐到一檯,
而家加多兩個約30歲o既senior黎,
迫我地分開3+3咁坐.
都幾廿歲人, 唔使人照顧啦?
做咩仲唔自己食飯? =_="
我地想出街食時又煩,
我地去麥當勞佢又唔like
(30歲阿姐, 著到標準OL咁,
帶埋手袋出去食飯,
陪我地呢ｄ後生仔女去麥記真係有ｄ格格不入),
去up dup粥舖食就更加怪,
完全都唔o岩feel.
但總唔可以因為佢地要同我地食,
出街都要次次食日本餐廳掛?
雖然間野長期7折,
次次食>$30我都唔太like呀,
好耐冇去女人街鋸扒啦.. ~_~
一寫就寫多左,
本來想記埋我放o係公司缸魚o既近況,
都係下次先啦...
| | |
| 終於打完Crisis Core FF7,
total game time差唔多70個鐘,
mission 100%, 主要能力值都砌到255,
除左少少sub-event未完之外都冇野再需要打啦,
應該會收埋一段長時間.
個故事好正, 如果FF7可以remake個PSP版就好啦.
反正呢個前傳入面有ｄ新人物去向可以交代(例如シスネ真名究竟係乜??)
個人認為個前傳比後傳好,
可能因為Advent Children只係電影版,
100分鐘可以表現出o既野真係好有限,
真係希望有小說形式交代晒成個故事.
| | |
| 足兩個月冇寫,
相信已經唔會有人黎啦.
記記呢兩個月o既事啦,
工作上不外乎係SIT->UAT->上project->狂炒 Orz
班user就算去到UAT最後期都keep住有新requirement,
一上即炒都係意料中事.
但係有唔少都係可以避免o既,
特別係FTP 個skel, 雖然完全冇試過,
但係一睇就知係我改漏左.
last amendment date 係8月o既事啦,
但係new requirement令入面3條file個size都大左.
掛住改related pgms, 反而冇理到佢 =_=
結果連續兩晚佢都出事 ~_~
其他o既, 錯一半半啦 !
另外就有annual dinner,
o係尖咀某酒店食特價自助晚餐,
普通客人埋單都只需$230,
唔知我地差唔多100位有冇discount啦.
食物質素一般啦, 薯蓉超快冇晒,
round1之後已經唔見左, 變左做蒸薯角(<--蒸住黎保溫, 之前只係似炒過兩下 =_=)
羊扒算係最好, 不過都好睇運,
佢俾到件唔肥o既就好正.
唔敢相信有同事竟然走去拎車仔麵.
未見過人咁食自助餐o既 Orz
工作以外就好好多啦.
感情生活好ok,
過左三週年紀念,
本來打算試一間意大利餐廳,
最後得女友善解人意,
只係去左意粉屋.
第二日再補多條levis. ^^"
另外就係我o既娛樂方面啦~
o係yahoo auction度好激氣.
睇中左隻FF7CC, 第一個落bid,
當然個價錢唔吸引我都唔落,
所以都有唔少人再叫高ｄ.
我就打算依一貫策略,
睇到最後一刻先再出價.
到完bid前幾個鐘個價都仲可接受.
點知到完bid前3個字再去睇佢已經提早結標!
仲要係只提早左40分鐘, o係某人出完價後4分鐘就收左.
好明顯係有外面聯絡, 因為問答度乜都冇.
亦唔係以fast trade價完成.
佢出個價又唔係開得高(fast trade價7成而已),
等多40分鐘都唔得?
實在愚不可及, 就咁次我白等左成個星期.
而家又未搵到第二隻價格相近o既去再落bid ~_~
唯有玩住舊game先啦...
唔知下次幾時會有心情再寫, 哈哈~
| | |
| 今日係麻煩o既一日,
user request少左份report,
就令我要走上走落填咁多form,
仲要未整完,
剛剛oper打黎話TSA場col not match,
要等聽朝返去先執.
執好都仲要等培哥簽好份part IA,
再拎俾大佬過目佢先肯落筆簽名批燒CD.
之前從來都唔知要有份咁o既野,
本來星期一就打算做個restore,
就係因為要等呢份野IO黎, 唉.....
| | |
|
