半個月沒有寫 xanga 啦，呵呵，因為 ......懶惰 law。

放左3日假，星期六全日返學跟住返教會事奉再上EBS 查經班，wah ~~ Betty 姐姐真係帶得好好呀，佢講路加福音23章，講到耶穌點死。好記得佢講，十字架上3個人，一人死不悔改、一個是耶穌、一個是悔改並可進入樂園的人，因為他承認自己有罪、又承認耶穌是救主。可是十字架下三班人，有兵丁、百姓、官府，艾 ~~~ 他們的心態，是睇熱鬧。Betty 姐姐更叫我地留意既，係十字架下，竟然唔見左門徒，艾 ~~ 跟了耶穌3年啦，緊急關頭去左邊，耶穌真係心痛，大難臨頭各自飛。

星期六好開心，因為，亞堅個日，即係2007年9月29日8:00 p.m. 決志信主，哈利路也 !! 天使也一齊歡呼 !! 又一個靈魂得救，感謝主憐憫 !

星期日訓到好晏，同媽媽、哥哥係樓下食d野，媽媽要趕返工。跟住同哥哥一齊帶肥八仔散步，我地帶左肥八仔去水坑游水，肥八仔好攪笑，一見到水就飛身埋去。返到屋企，艾，又爭廁所，兩個人一隻狗都話要沖涼，我爭贏左我沖先，到肥八仔，跟住到哥哥。然後呢 ........... 靈修，嘩，一打開活潑生命 lie down 係梳化，5分鐘訓著，札一札醒，都唔係辦法啦，終於坐係書台，乖乖地做靈修。羅馬書，好難明呀，主耶穌，你要透過羅馬書同我講咩呢? 外邦人，即係我，都能白白得著救恩，但不要驕傲，因神也愛以色列人

黃昏啦，出發啦，門生星期日晚出show，多謝 JOE JOE 請我睇，嘩，我第一次睇Bandshow ，但很有感覺。Heavy Metal, 第一次真正接觸，難忘。雖然我不懂，但我知道 門生用了很多時間去練習，他們的演出很好呀。  跟住呢 ....完左 show 去食晚飯，真係好晚呀，成零晨12點

好啦，星期一，又係訓到好晏，約左 MIKE 去 ANM 週一，敬拜主，我愛敬拜主，嘻嘻，日日敬拜主 !!   仲有呀，以憫返左來呀，好野，我好掛住你呀 ~~~~

假期，就這樣完了。艾也，10月要比賽欖球，點算好呢，要真係買釘鞋啦，都係個招，買童裝大碼， Yeah !!

尋日一返工，就一支箭甘標返沙田 Physcial，因為個行程好緊密。去到 Physcial 都 6:30，跟住即刻換衫拉肋，拉左5分鐘左右，即刻跳上去 Stepper 機，哈哈，今次叻左啦，我調校到 L10 既 Hiking (而家鍾意左 Hiking 因為無甘辛苦，1-2分鐘平路，1-2分鐘爬山，再1-2分鐘平路，如此類推)。踐到 7:10 剛剛時間上去上伸展堂到 8:00，然後立即上去4樓 Facial 房，Facial Book 左8:00，做完 Facial 之後都 9:00 啦，就又即刻去 Sauna 至 9:30 亞姐趕走為止 (夠鐘關門)，然後沖涼，返到屋企成 10:15。好 Relax 既一晚，決定下星期三都用返呢個 plan 先。

不過尋日磅重，116 lbs  ，救命呀，重左。無晒心機。繼續努力做Gym + 戒口

尋日又係結他堂啦，艾 ~~~ 甩晒、完全甩晒、兼錯晒，點攪呀 !!  老師都搖搖頭，玩泥沙，咩解究呀，想點呀，又唔練野  今個星期，一定要的起心肝，苦練、再苦練。又岩岩教左個新 Pattern，係快必既 Pattern，16分既野再加 d Mute 聲，但聽起上來好有 feel，好爽

呢兩日好累好累，成日都好似擔完泥甘，點解呢 ?  運動少，血氣唔通 ??  Book 左聽日Facial + Gym ，真係要郁下

今日係911 既6週年，記得係6年前既911，係星期二，仲係新生命堂借堂聚會，Dennis 最先收到消息叫我地立即為美國祈禱，想唔到甘快又6年。我都有d掛住以前既弟兄姊妹。

唔知係唔係尋日上結他堂既時候老師叫我寫 Chords，我尋晚發夢見到 Thomas Lung，佢話我d樂理錯晒，真係日有所思夜有所夢。