| ...光是一個關西, 坐40分鐘火車由大阪走到京都, 也會是另一個光景. 大阪的街頭服顏色, 總是要麗要亮要吵, 去到京都, 就算是同一個品牌的古著店, 時裝店, 放上架的t-shirt, 都好像被京都整個古都的冷靜的氛圍吞沒, 由大阪的loud and noisy變成silent and adultly. 日本的吸引力, 就是每一個地方, 都好像有一點特色... 從最表面的街頭時裝文化, 氣候, 飲食文化, 娛樂文化, 到深層的政治取態, 整體社會氛圍... 一個開放的國家, 應該可以容納多元的價值觀. 為甚麼, 同一個世界, 需要同一個夢想? 甚至是, 只剩下同一個夢想? 北京將有事發生, 不論好醜, 我們的情緒溫度沒有那麼高, 就是有罪, 就是不愛國? 冷靜一點. 北京和香港, 雖在政治的體系下基於同一個政權, 可是實際的生活模式, 就是根本地他媽的不一樣嘛. 健吾...cup magazine 200807 pp.112-113 星期三去左睇國際手球邀請賽... 國奧隊v.s.韓國隊, 國奧隊既傳接, 組織都做得唔好, 攔截又粗野, 有幾分鐘時間國奧隊仲要七個打四個, 點知果幾分鐘一球都入唔到, 相反韓國既守門員超勁, 士氣, 組織都好好, 打得又認真... 點知大會既旁述(現場竟然有旁述)竟然要求觀眾拍手拍到好有節奏咁去支持國奧隊. 國奧隊進攻既時候, 又播NBA既進攻音樂... 我同埋身邊d一間emi band 1學校既學生都問: 點解一定要支持國奧隊jei?! 點解唔可以支持好波jei?! 點解唔可以兩邊有好波都拍掌jei?! 明明係韓國打得好d, 點解韓國進攻就唔播音樂, 入波就唔拍掌???? 我唸... 我支持中國女排, 中國乒乓, 中國體操, 英國足球, 英國欖球, 美國籃球, 日本游泳, 香港風帆... 點解要規定我一定要支持中國隊呢?????? 點解每一個衛星市鎮都要有"市廣場"... 新城市廣場, 屯門市廣場, 將軍澳中心, 大埔中心, 上水廣場, 荃灣廣場/如心廣場, apm, 嘉湖銀座, 馬鞍山中心... 頂! 點解我住既香港係咁單一化架... 點解一定要讀書?(我讀書係因為我鍾意讀書, 我個仔都鍾意, 我唔迫佢, 佢自己都會搵本書睇果種) 點解一定要唱k歌? 點解食完晚飯一定要睇無線劇集? 點解睇新聞一定要睇無線? 不過, 唔好以為我好激進... 我都會對學生有好多好多限制... 我都會對LS既同事有好多好多限制... 事事要求齊一... 我係人格分裂架!!!!! |
