專注力愈來愈差
佛誕假期明明唔關我事, 但進度仍然近乎零, 可惡!
如何令我重新振作, 專心做應做的事???

天災難免, 但人禍卻令人痛心疾首
緬甸風災死接近十萬人, 仲要搞個白痴"公投"之餘, 仲唔比外國人入境救援, 荒謬!
四川明明處於兩大板塊之間, 屬活躍地震帶, 但d樓宇仍然猶如豆腐渣, 話塌就塌, 真的不可以避免ma?

身處文明發達的都市
的確很難想像偏遠落後地方的慘況, 及人禍所帶來的荒謬
單是看報看電視, 心懷憐憫之心, 根本都感受不了
灰... 讀幾多audit standards, financial statement risks, hkas都無用...

1st study week

好快就過左一個禮拜

溫習進度開始跟起初的計劃已經開始有d差距
自己亦開始心散...
睇黎要盡快出個re-plan, 恢復返d溫書心情先...

不過, 相比上年12月果次考3科, 今次情況確實無上次咁差...
只係返左cu兩日, 每日都留響這個雪房接近10個鐘, 不太好過...
其中一日, 偶爾間比我響書櫃內搵到ATC出的audit revision notes,
思緒混亂的我倆彷如找到新的希望, 影印果本書又搞左一朝...

跟上幾週一樣, 夜晚仍然要上ftms revision course
個人認為果位教audit 的instructor愈來愈頹lor, 睇黎最後都係要靠自己多....

溫書生活難捱
唯有食返d好野補數la
有一晚食左傳說中ge峰壽司, 都幾好食呀~ 感覺甚佳~
有一晚響cu snack bar成功吃到鐵板T骨牛扒, 塊扒size唔細, 有薯條有飯有jelly又有餐飲, 都係$27, 人生最大享受~
有一晚就響花園餐廳鋸扒, 不過價錢就調返轉, $72, 不過感覺又確係唔同ge, 套用openrice d人常用ge術語, 係有"肉味"ga ma~ haha~

有人話, 應該要享受溫書的過程, 找尋茴中的樂趣
我想我已經盡力去找了, 但每一想到要"硬記"一些知識作考試用途, 心總是不太好過的...
還有三星期, 我會keep going的了~ 其他考試的朋友也要加油lar~

p.s. 想想緬甸d災民, 想想自己, 就知道自己面對的難題, 根本就係微不足道
專心讀書lar~ 開開心心迎考試~

終於都放假了...
將會由今天放到6月3日...

6月2日 -- ACCA P6 exam (advanced taxation)
6月3日 -- ACCA P7 exam (advanced audit)

本來覺得仲可以玩返一日兩日都ok丫
但頭先plan過之後, 發覺真正擁有ge時間實在太有限, 要溫ge野實在太多...
4個禮拜, 2個考試, 其實都唔係好長ga ja....
加上我唔相信自己可以每一分, 每一秒都可以好專心致志咁溫書
所以就更加擔心了...

其實搞掂埋呢2份就qualified ga lar, 就可以有q-pay~
但係, 奇低ge passing rate (~30%), 加上慘痛ge回憶 (examiner竟然係shirley kan...)
都令我醒覺自己今次一定要發憤...

所以, 我一定唔可以掉以輕心
努力, 加油!
希望今次會係人生最後一次放study leave la...

今次同上次放study leave唔同ge係
我開始覺得自己係公司ge一員
要準備outstanding list比幫我睇tray ge同事follow返
不知不覺間, 半年以來, 經驗已經開始累積到一點點, 真好
都係果句, 希望可以keep住進步la

hk annual都報了名,
今年只報了單打, 無計, 會否棄權都成疑問
不過又唔想錯過左呢d大戰wor, 唯有照報lor...

阿阮有份傳聖火, 真係超威水呀!
遺憾ge係, 傳奧運火炬果日, 亦係返工最忙果日 (tax deadline), 一分鐘直播都無睇到....
的確, 可能真係一生人唯一一次有機會親身睇傳奧運聖火ga ja...
不過都係錯過左... ohhh...

琴晚打左最後一場mix聯賽lu
盡哂力了, 奈何只是拚搏有餘, 技術不足... 打出來的波的質素還是未夠好
在對方表現得無咩心機同我地打ge情況下
始終都係輸哂3場
仍然未開齋, 打左咁多場, 全部都係輸.... 可惜可惜...
不過其實都無咩所謂ge, 有得參與已經難得, haha~

我已經同自己講過, 每一場過25分, 我都會當自己贏左
換言之, 琴晚又比我贏左兩場, 哈哈哈...
最後一場得20分真係好可惜, 唉, 成日自己打出界...

想想看
縱然自覺因為工作關係, 少左打波而狀態不足
但係總體來說, 都覺得自己總算有d進步
首先係同呢班人比賽, 我已經唔再怯場, 根本場場都唔係輸梗ge, 如果人地輕敵我就更開心
其次係已經開始捉到條路, 唔會一咪同人硬抽, 每場波都總會有少少戰術...

等我6月頭考完個討厭的考試la
我會重新努力去練波練體能ga lar
我一定會繼續進步的...
下年我會開齋ga lar, 無須心急

踏入4月, 工作真係忙左好多
再加上6月頭就要考試
都幾難好好咁兼顧

不過, 雖然有時真係好tired, 同時又成日會遇到唔少阻滯gum
但係, 我終於開始感受到自己正式融入在這裡工作了
有機會同操不同語言的client用電話溝通
一開始都戰戰競競架, 而家都慢慢進步lar~

珍惜機會, 努力工作
緊守座右銘: "少埋怨, 多做事"
加油!!!