我之前係地球之友做過幾個月，估唔到2007本年報都有幾張本小姐o既相係入面~

http://www.foe.org.hk/uploaded_files/AR_2007.pdf

得閒就click入去睇睇啦~

忽然間都覺得自己幾威添~

哈哈哈~

可能係唯一o既得著卦.......

好過冇!!!!!

近排忽然間覺得，

我超級需要保養.....

所以.....

花左成萬元買左個facial 套餐.....

分兩年用，可以六個月免息分期，不過都係肉赤.....

唉~~~~

廿三歲啦，係時候..... 

可能算遲添呢~

希望真係有幫助啦~

我唔想老得咁快呀!!!!   >.<

今日仲係一田百貨洗左成千三蚊買衫！好開心~

扮靚o既感覺真係好呀~

抖到咁上下，要搵朋友仔啦~

慢慢約返d人出黎先~

哈哈~ 

但係d手信已經派晒啦......

唔好意思呀~~~~

係歐洲返黎啦~   (其實都返左個幾星期.....)

去左布拉格、倫敦 & 巴黎~

真係每個地方都好靚~  好唔想返香港呀~

有時間o既話就貼d相出黎分享下啦~

不過三個地方之中，我最鍾意巴黎o既風景~  雖然法國人好冇禮貌，勁唔友善..... 

係布拉格，我媽媽差d俾人打荷包呀!!!  搞到我都唔鍾意布拉格d人囉..... 

布拉格d風景都係超級古色古香~  任何一個地方都可以影低靚相架~

倫敦d天氣勁古怪，明明天晴，忽然間可以落雨，落一陣雨又可以天晴返......  好難捉摸.....

巴黎就日日都好好天，陽光充沛~  曬到黑左添~  但係巴黎o既陽光，曬黑都值o既~

到我抖返一排，先搵朋友仔出黎啦~

88~

嘩~

等我曬下命先~

我4月27日零晨將會坐飛機，去英國探我家姐啦~

仲會去巴黎、布拉格~  實在太開心啦~

上年都冇去畢業旅行，又趁今日出糧，就去歐洲瘋狂掃貨！

請左9日大假，都接近一鋪清袋..... 

不過真係期待左好耐！

一定要玩餐飽呀！！

我5月11日先會返香港~  yeah~ 

到時再見咁多位啦~

88~

哈哈哈~

返左工，利是進賬果然唔同d~

我第一次收到咁多利是咋~ 係我以前o既幾倍呀！！！

(不過我以前真係得好少，所以好容易有幾倍........)

總之就好開心啦~ yeah~   

話說我間公司有個派錢o既習慣，只要你成為每個月的優秀員工，就會派錢黎獎勵你~

咁我提得呢樣野，就梗係因為我剛剛拎左個「優秀員工獎」啦~

分冠、亞、季軍o既~  返左三個月，就有個亞軍都算好好架~

係二月o既亞軍~ 都有4位數字o既獎勵架~  真係唔錯！

我以為有獎個d員工，都起碼做左半年先啦~ 所以當公佈結果個一刻，都唔太相信！

真係好開心！覺得自己o既努力得到阿頭o既賞識，點都值得高興！

試用期應該過到架啦~  但係我仲未問阿姐，到底有得加幾多.........  好擔心呀......

仲好想快d有醫療卡、牙醫卡...... 

慳返好多嘛~

係喎，得閒影返幾張公司o既海景先~  真係好鬼靚！

好啦~  下次再傾~

88！