Monday, September 29, 2008
-
婆婆在她十個孩子和一班孫仔孫女的陪伴下....
安詳離去.... 大家都可以放下痛苦...幸好她受苦時間不算太長.....
她離去前一晚我留守醫院....捉緊婆婆隻手....好多野想同佢講
卻只獨個兒靜靜站在婆婆身旁一小時.... 不想弄醒她...不想她痛..
眼望她心說話...我知她一定感覺到~!
陪伴她直到翌日中午.... 認為婆婆穩定...我便回家沖涼餵MUI&休息...
傍晚大概七點...情況開始轉壞......
趕路途中... 等不到屯門車....有車但都爆滿不停站...差點崩潰...
好茅盾....自私地想她等我.... 但明白婆婆留多一秒就辛苦多一秒...
幸好...最後可以趕及再捉緊婆婆隻手...講byebye...
"婆婆,辛苦完啦...我地會陪多D 姨仔ga la!! 放心啦~!!"
Monday, September 22, 2008
-
人已經走了大半人生... 點解仲要受痛苦
每次見到的只有愈來愈瘦...愈來愈辛苦..
食粥都食唔到......連訓都訓唔到...點解要咁....
有氣有力的可幫到什麼....見到亦只可心酸???
Thursday, September 18, 2008
-
kathy 生日快樂
kathy 祝你心想事成 日日開開心心~!!
亞強: kathy, 我朋友識揸飛機, 想去邊都得ga..
kathy: 係咩... 旺角落唔落得ga?
笑死我.... 愛死你ar~~~~kathy (>3<)
Friday, September 12, 2008
-
BBQ @ NAPIER FDS
西頁自助BBQ...好熱... 我流汗流死...
食左好多煙肉...好好味~!
送出一份不被接受既禮物... 好痛心~!
但我地覺得好好玩又可愛WOR
...你就接受左佢... YUKI~!!! HAHA~!
Tuesday, September 09, 2008
-
打邊爐 with napier fd's
琴晚上完micheal 既dissertation.. 去左食特價時段既打邊爐..
最衰有位飲大左既"sa 姐" 勁enjoy 咁唱舊歌...
唱到我心都煩, 頭又痛....>_< ...
Sunday, September 07, 2008
-
今日同一班年輕人遊船河...成船人我只識 2 個
因為未試過,...我想試下...^ ^我唔太識游水更唔識踩水... 抱住大水泡就落海.
開頭好驚因為掂唔到地....之後就好enjoy 咁浮..
細佬話有水母...大家都急急腳上番水...驚炸親....
之後玩香蕉船...好正..好有速度感.. 堅持左好耐先西左落水~!
d 水好咸.... 好那眼... 原來件救生衣真係好浮ga ... haha~
再出左一個沙灘玩... d 沙好幼...水好清... 超級靚
成個沙灘都好多人玩波... 唔理識唔識都有理一齊~
打下排球, 玩下數字球, 閃避球, 糖痴豆, 馬騮搶波...
好耐冇玩呢d 集體遊戲啦...太好玩啦~!!
不過玩得開心係要有付出的.... 隻船好耐唔黎接我地..
干曬... 曬到而家塊面紅曬.....!@_@
最開心係我終於試到 wakebroad~!!
雖然我只係起到一半身... 但起到小小咁0係水面滑翔
真係超正~!!!!!!!!!!!!!!!!!!! 可惜時間太小...玩得唔耐~!!
好想再玩ar~!!!!!!!!!!!!!!!!!!!!!!!!!!!
Monday, September 01, 2008
-
9 月頭人地開學我就exam… >_< 要晚晚溫書溫通頂…
有日我發夢自己識整水餃…未放入口就俾媽咪叫醒
所以嘈住要媽咪整水餃我食…但媽咪話整左碗仔翅唔肯整
佢又埋怨我遲起床…我就唯有自己整…不過要媽咪教..
一齊去街市買料..番到去準備d 料..cut菜…醃肉
好好味~!!! heehee~!
Friday, August 29, 2008
-
最後一日了...終於可以唔駛番工啦…
中七讀完cert都未take就做呢份工由summer job 轉做part-time..
呢份工可以話供左我讀大半個課程
初初做都做得好輕鬆又可以成日0係公司做自己野…
近年就愈做愈唔開心..拖糧又俾勁多野我做..
某d同事既雙面性格..愈來愈睇清楚…
算啦… 今日所有都過去了…
一班好好既女同事請我食飯…亞head仲送左條頸連俾我…好感動~~!
會計仲話佢會放番張card 0係度…我想又得閒就番黎幫下手..人工照計.
雖然boss無理又9唔搭8 …佢都好好..祝我日後搵到份好工又封左封大利是…
不過… 記得出曬d 糧俾我…就prefect 啦~~! Haha~!
Thursday, August 28, 2008
-
在學期間....最後一個EXAM...努力AR...
唔期望1ST HON 畢業...但希望 KEEP 到 2nd upper la.星期五就到了....last day in Suncon. ...做左3 年幾...
講左好多次唔做而家終於都QUIT .. 最近既工作令到我 "零留戀"...
只知道日後好難會遇到一位更好既亞 HEAD~!
p.s. 希望唔好拖我尾糧....唔好蝦我啦~! >_<
