今日出左佐敦嘉賓打第2針字宮頸癌預防針
本來搭260x係港景峰落車, 點知司機唔理我按鐘, 飛了那個站
新港先落車, 打去診所, 又話醫生好快就會走, 可能要等到下午先有得再打
唉...諗住無謂等, 即搭地鐵過佐敦, (一個站距離......)
好彩趕得切啦....不過, 都不是醫生和我打, 係護士黎ge....
打完都係好麻痺的感覺.......

今日好趕的走快兩步之際, feel到盲腸有點痛...
最近好似痛多左, 一食完野, 走多幾步, 就好似唔太得
之前, 仲突然抽下抽下地痛了幾個鐘...
但我又無去睇醫生呢....下次再係咁時,
都係見下醫生穩陣d........

明天星期日, 要上班,
雖然都係幫頭幫尾, 都唔會好多野做
但都要好早起身呢.....
真係好怕整個星期都要咁早起身
平時可能都會習慣了那個時間, 不會睡得太晏
但自己起身, 總會舒服過俾鬧鐘叫醒
不過, 我都知我比較「幸福」了...
我只係返一天, 但我的「同事」就要返3天.....
而且, 今個月我都應該唔駛返星期六了....哈~

有時, 唔開心時, 睡一覺後, 再說一句,
「有什麼大不了, 而家又唔係死人冧樓」
我只係一個平凡人, 我自問盡左我最大的本份
其他事就由他吧, 忘記吧!
當不知總比執著來得好過~