| 聽日就係SPEECH DAY...父母異常緊張...我不期然反感起來.
可能係因為我太介意當年佢地一D都冇重視過我好重視既小學畢業禮.
相反, 如今佢地卻如此在意呢個我最冇無所謂既中五畢業禮. 離開左銀禧都有一段時間了, 我依然覺得自己對銀禧係毫冇留戀既...
我對自己中五畢業嗤之以鼻. "中五畢業喳嘛, 點會畢唔到丫!"
其實真係關畢唔畢到業事咩? i don think so. 
我諗我大學都冇可能畢唔到業, 但唔通我又會輕視o個一日? 底蘊原因可能係...我覺得呢5年銀禧所帶畀我既成長
並冇立下一個好大既里程碑. 確實, 我最近有排日日都o係度諗,
點解當年我會揀銀禧...要知道我甚至可以入協恩!
otherwise, 入黃笏南都唔好入銀禧啦...點解我會揀銀禧咖...
一切都係父母既決定, 因為阿哥入左, 我又跟住入.
那時銀禧可能都仲OK, 大概我父母都已經盡力揀間 "最好"(畀[我哥]). 前事已過, 不如唔好深究咁多...不過我宜家好清楚:
我父母真係好懶: 成日諗住阿哥行過既路, 阿妹照行可也.
佢地亦都成日太睇小我: 跳出佢地對我既期望, 我可以成就更多.
原來我咁講都有根有據, 舉一個遠古的例子...
回想番小六o個陣我媽係UP過下 "協恩都好好咖喎..."
但後來點解會冇幫我揀到? 係因為佢覺得我入唔到!
"但協恩好似好勁咖喎, 妳呀? 唔好博好D!"
我剛剛先發現, 原來o係我打呢篇XG之前, 我都仲好似佢當年睇低我咁樣睇低自己~
其實我憑咩睇低我自己? 我係以全級第十八名既姿態, 畢業於沙田區數一數二既名校
---浸信會沙田圍呂明才小學! 我如今先清醒, 我本來可能係精英中既精英.
我曾經位列精英...全因為父母一次低估我, 我五年來的發展都被直接地限制了!
我考全級第十八名呀, 我入硬呂中咖! 今天當我看見呂中畢業既小學同學, 佢地過得幾好呀... 再舉一個近期的例子 來顯示父母對我既期望保守可以達到怎樣的災難性!
我琴日回憶起我七月中係點樣o係剎那之間立定主意過恆商.
仲記得當時阿媽係點樣低估我, 成日叫我搵定學校...
係, 我真係搵定學校, 搵定恆商丫嘛. 佢都＿＿, 我點會番唔到原校.
呢個係我XG, 我唔需要同每位讀者交代點解我咁 "有恃無恐".
再講落去只會更囂張 =_= 我都唔想咁寸. 我只可以講...
我好客觀地評估到自己既表現. 確實成績以及返回原校的排名
亦正中我的估計. 我冇諗過自己會廿三分或以下, 但知道唔會再高得去邊.
所以當我知道恆商收廿四分, 我幾乎肯定自己只有趕唔切先會入唔到.
但我媽當時點潑我冷水? 去到放榜前一晚, 佢都仲要打擊我話:
"妳當妳入梗咖?!" 我當時都係咁答佢: "係AR, 我真係入梗咖!"
其實佢呢盤冷水都唔算d咩說話丫, 佢連叫我搵學校
(due to入唔番原校) 既說話都講得出, 我又點會怪佢驚我冇廿幾分.
佢地見阿哥中六番左原校, 就仆死咁都想我仆番原校讀中六...
佢地諗住我要搖尾乞憐咁銀禧先收番我? 駛唔駛見位就入呀?
兩老既渴求同我既真係好唔同, 佢地覺得我安全地有個中六學位就夠.
不過我唔會甘心於屈o係銀禧, 係 [屈] o係銀禧.
理由係: 我再留o係度只會埋沒自己既讀書天分.
升原校既同學你地比我叻, 因為你地o係銀禧都可以發展得好,
我唔得. 我唔係想冒犯你地任何一位...如果都係冒犯左, 還請見諒. 我感激上帝賜畀我既讀書天分尚夠我用,
即使揀錯左銀禧, 我仲有翻身機會---因為我入到恆商.
能力係上帝既恩典, 但呢個機會全靠我畀我自己~
假如我因循守舊, 盲目以父母的眼光為先, 我將再一次承失極大損失.
簡直係萬劫不復, 入唔到呂中, 入唔到協恩, 又入唔到恆商...
白白浪費左自己既才華, 又入唔到理想既大學學系!
再第時...有可能成就唔到自己想成就既事業...我既人生會變成點樣?!
一定有人覺得我誇張, 但我諗冇人可以否定 "睇低自己" 既破壞力有幾強!
佢地係我既父母呀! 佢地睇低我, 我就會睇低我自己.
我希望我會緊記我受過既傷, 他日唔會睇低我既下一代!
點解我父母永遠都唔畀機會我...我要證明畀佢地睇,
當我肯畀機會我自己, 我能夠做出一場怎樣的好戲... 至於我哥哥, 我發覺自己原來冇辦法唔超越佢...
兩兄妹既差異太大...我好清楚自己追求既係乜野.
我會諗將來, 我會有夢想. 我升中以來都有d抱歉,
因為妹妹成績好過哥哥, 其實會對為兄的構成好大壓力.
但我越黎越FORESEE到 如果為左顧全佢既面子
而叫自己放慢追求夢想既步伐 我既代價將會係幾咁大.
咁多年黎我都知道呢個阿哥係個冇乜人生目標既人 >0<
遷就佢等於叫我放棄理想. 對於我地一家四口
其實只會造成純綷既損失. 倒不如我再去盡D,
加大力度落阿哥度, 或者可以逼佢進取D建立自己既人生. 講番我阿媽, 佢似乎幾期望我聽日會有獎[手羅].
我反而覺得阿哥有獎[手羅]既機會比我大. 父母又令我反感多一次.
我過往[手羅]過幾多獎佢地有擺過o係心上咩?
點解要係我領到聽日頒既獎, 佢地先會為我自豪?
就算我聽日冇獎[手羅], 我初中時創造過既學業成就,
都唔夠佢地o係我中五既畢業禮上為我自豪咩?
其實我一早已經對佢地欣唔欣賞我心如止水...我o係XG講過.
當佢地 "欣賞" 我既時候, 佢地真係識欣賞我咩?
當我值得佢地欣賞既時候, 佢地根本唔識欣賞我.
全級第一我都考過, 我夠膽講句 "o係銀禧既一個小小既第一名有咩咁巴閉"
佢地咁恨就恨飽佢, 我根本唔志在. 大家覺唔覺得我同我父母係一個錯配?
就算我聽日有獎[手羅], 我都唔想畀佢地見到. 我真係唔稀罕佢地稀罕我[手羅]獎呀.
過往兩年o係我折墮o個陣, 佢地點o係我背後數我踩我? 我都計算在內了~ |
