|
| 中一既時候去過既旅行地方,一直以來都好想重遊,但一直都唔知佢叫咩名 直到前幾日,突然心血來潮,上網搵,竟然被我搵到……原來叫大拗門 回憶中既大拗門好似靚d,我仲記得中一旅行個日黎既時候,都係初秋既日子,個日真係可以用風和日麗黎形容,個時d草好似嫩綠d,所以話回憶既總係最美好既 第一次放風箏,初時見到人地係度放,覺得無咩好玩,風箏飛之麻,又唔係我飛 但放落又覺得幾好玩,佢成功飛起既時候,你確實會好有滿足感---佢終於飛起啦,到佢飛起左,你要全情投入控制佢,控制佢既方向,遠近,唔好同人地個隻既線打架,又確實係好好玩 見到好多family一家大細一齊黎,真係好開心,d小朋友真係好得意 其實回歸自然係好開心,放下風箏,燒下野食,就算你唔玩,靜靜地咁坐係度吹下風,望下周圍既人有幾咁幸福,吸下新鮮既空氣,都已經好舒服好開心 開心其實真係可以好簡單 | | |
|
終於都搬左新屋,忙左兩個月,終於都搞掂左 等左十幾年, 終於都有得自己一間房,終於都有得客飯廳分開 對於有d人黎講,呢d可能係理所當然,因為佢地一出世就住大屋,但對於我地呢班屋村小朋友黎講,就係夢寐以求既 而我亦由勁鍾意去街變為癡家既人 唯獨是係搭車無以前咁好,以前巴士總站係樓下,番工想搭邊班車都得,而家就唔同啦 為左令到自己有位坐,我一係就要勁早就番到,一係就遲成 因為搬屋既緣故,我搵番聖若瑟7A既同學錄,呢本同學錄,我係離開聖若瑟後無幾內,就已經唔見左,我一直都好想好想搵番佢,但搵左好多年都搵唔到,終於因為搬屋搵番佢,當時我見到佢係超級開心,可能因為中六,七既日子太難捱,所以睇番呢本野同埋臨走時候影既相,係特別有感覺 無意中又俾我搵番一本中三既紀念冊,睇番先記得原來中二,中三既時候好開心,我地一班女仔8個人一齊食飯,食街邊D小販野,食飽就係公園玩何仔公,番到學校個個都成身濕曬,聽到都覺得好低b,中二,三仲玩何仔公…….不過睇番好搞笑 諗番起來 ,成個中學階段,最開心既日子就係個段日子,係楊中既日子,成班好似傻婆咁,個種開心係唔同中六七既時候,無考試壓力,而且當時既大家都無咩經歷,仲好細個,大家會用最真既面孔,最真既性情對住大家,因為咁,大家一齊會有一種好自然舒服既感覺,咁先建立到最純真既友誼 | | |
| 7月1日 太好啦,番一日工又有得放假,如果個個星期都係咁就好啦! 功夫熊貓超好睇呀,因為套戲有我最鍾意既禪同太極,佢地居然揉合左係一套卡通片裡面 中國不愧為文明古國,禪家思想早係幾千年前創立,但到今時今日,仍然可以套用係我地既生活裡面 要做到活在當下同能夠以柔制剛.......並不簡單 又再一次聽到: 人生裡面所有事既發生都唔係巧合,係命中注定,想避亦都避唔到 但講到最鍾意既........就一定係入面個句: 禽日既事過左去,聽日既事話知佢,今朝有酒今朝醉 終於有得去旅行啦 | | |
| 幾個星期前,與billbill又去到西九,但這次不是行商場,而是旁邊的海濱公園 但由elements行去海濱公園的路途非常遙遠  
幾經艱辛，終於到達   
期間..........幸好大家都沒事  
在海濱公園遠眺ICC和豪宅群  
| | |
| 昨晚的泰屋gathering, 是jam and nadia 離開公司後第一次4個人再重聚於一起,由氣沖沖變成心情愉快 有幸遇到咁nice而又投緣的同事,真是一件難得的事 好想去旅行呀,我有成年無去旅行,好想去沖繩呀,好想去一個有陽光與海灘既休静地方,好好咁relax一下,係公司既日子實在太苦悶啦 | | |
|
