好耐都冇打xanga啦~~哈哈~ 開左學一個月都冇打過xanga啦 因為...........我真係好懶 !! ． ． ． ． ． 兩個禮拜內去左兩次機場都係睇concert 
一次係9月21日既ayu asia tour 2008 ~ 10th anniversay~ 
一次係10月4日既MISIA aisa tour 2008 
兩次都玩得好顛 不過當然係ayu既concert最好睇啦 一開場就企左起身 兩個半鐘不停fing營光棒同嗌ayu fing到手痛 + 嗌到我喉嚨痛 而且個台好華麗 每唱一次歌個台就轉一個sense 間場既每一段片都好花心機去拍 最估唔到係段片入面隻海盜船真係出現左係個台到 完全襯曬唱mirrorcle world 呀~!!! 有布扮木偶marionette sm女王look唱my name's women 係轉盤上面唱(don't) leave me alone 人魚look唱hanabi同end roll + ZAIA既表演 當然仲有必唱既surreal同evolution啦 encore個時估唔到佢唱左Dearest 同 Voyage 兩首都係我既至愛~ 之後個隻歌兩晚都唔同 20號就唱左independent......有簽名波波派 而我個場就清唱左who......同日本場一樣 最後ZIN出黎教全場跳MY ALL 全場一齊跳舞真係好鬼壯觀 呢d係香港歌手既concert係永遠唔會出現既~ 不過中間有少插曲 就係有位呀姐想坐 咁佢就向實q講叫我地坐低 點知俾我地成個column既人鬧爆d實q 之後實q同個位呀姐都冇再出聲lu~ ． ． ． ． ． 講番今日先
MISIA個concert估唔到都咁好玩 因為開場個時真係好靜 直情可以用鴉雀無聲黎形容 8點都係得1/4人入左場 完全估唔到咁少人 仲要大部份人都係2x - 3x 以為唔會好玩得去邊 8點半左右開show 不過開得太突然 個個都黎唔反應~冇乜點嗌 開show前同呀妹傾既佢會唔會唱royal chocolate flush 點知第一歌就係royal chocolate flush 之後黎左幾隻快歌 我已經想企起身跳舞 不過附近d人坐係度連手都唔拍 以為成場show唔會玩得到 之後就唱左幾隻慢歌 當然有everything啦 睇左成晚都係等呢隻歌咋 一唱就知MISIA唱歌超勁 不枉佢係日本既巨肺 唱完慢歌就再唱快歌 出乎意料咁d人好自然企曬起身 咁我當然企埋一份一齊跳舞啦 個個都跳都扭曬腰 仲要MISIA d動作又騎呢 我地係又嗌唔係又嗌 攪到好似入左邪教玩神打 encore到連MISIA自己都想唱多隻 完全feel到佢超hyper ． ． ． ． ． ayu同misia都有講英文同普通話 不過ayu發音好正 misia個d要估下先知佢講乜 氣氛方面唔使講~日本既concert一定玩到high曬 ayu concert主要睇靚衫同舞台效果 misia concert就聽佢d巨肺既歌藝 不過兩個concert都好抵睇 $600真係超值~!!! 安室同大塚愛幾時黎香港呀 ?? p.s. : 想睇相既去facebook啦~ | 
