younggeneral's Xanga

A happy weekend

Wed, 12 Nov 2008 14:43:00 GMT

　　上星期六日都有出街，同幾個乖仔去high tea兼睇戲食飯。首先要恭喜Larry攞咗兩個花式溜冰比賽冠軍！好犀利呀！

上星期六，先同An仔，樂樂同Larry去Elements飲嘢食下午茶，之後我同An仔去睇爆粗band友，笑到我標眼水呀！因為真係太好笑，估唔到松山研一咁好嘢！呢套係我睇過嘅日本電影之中最好睇嘅！睇完戲，會合攞咗冠軍嘅Larry，去橫崗食拉麵，雖然等咗成個鐘，but it was worth the wait！因為真係好好味呀！叫得太多，食唔晒，所以要Larry打包返屋企俾媽咪食。

星期日就連Mason, Nelson都有出嚟，去完Monster Sushi食晚飯之後，就睇High School Musical 3。睇完戲時，Nelson同An仔提前送生日禮物俾我！竟然係一個Gucci銀包！我問佢哋兩個係唔係有錢冇地方使，竟然送個咁貴嘅銀包俾我。雖然我買得起，但我一定唔會買，因為真係太貴喇。Anyway, 我都好多謝佢哋咁有我心。

睇完戲，我哋仲去咗滿記食甜品添呀！

10 years

Fri, 31 Oct 2008 13:15:00 GMT

I became a teacher on 1 Nov 1999. Today is the end of my 9^th teaching year. In the past nine years, I have taught a lot of students. I am quite happy that they still remember me after all these years.

I still remember one occasion. It was Mrs Mo’s birthday. Some big guys went back to TSL to visit her. They bought her some coffee powder. As you know, Mrs Mo loves drinking coffee. At that time, I asked myself if my students would also remember my birthday after graduating from the school for so many years. If it really happens, I will be very happy and proud of being their teacher.

I hope my students can learn from me as much as they can. Moreover, I hope they will be proud of having been taught by Mr Chou before.

公私兩忙

Mon, 27 Oct 2008 14:57:00 GMT

今日係VV生日，我同柳柳同Rico請VV去Pokka Café食飯，非常好味呀！我食咗個黑毛和牛漢堡扒配黑醋汁，佢地都食咗好多好好味嘅嘢，食到捧住個肚走呀！

近日真係好忙，今晚返緊屋企途中，數一數未來一星期有咩要做，愈數愈心驚，因為好似數極都數唔完咁，以下就係我諗到要做嘅嘢，不過唔知有冇漏。

公事：

1. 小一第二次面試就快到，呢兩日要出到個2nd in名單，又要寄好多信，但未準備好@@

2. 要編面試當日嘅分工

3. 面試內容未定實

4. 下星期二晚有升中家長講座，未有時間準備

5. 已有唔少個人檔案積存，但未得閒寫推薦信

6. 下星期初要傳閱試卷，但去邊度搵時間出卷呢？

7. P.5有兩張Gr WS同埋下一次默書範圍要出，但又係未有時間

8. P.3有一張Writing WS要出，好彩Judith可以幫我出咗先

9. 星期五Halloween要睇catwalk show，但未搵學生幫手，仲要train埋佢地添

私事：

1. 星期六Gary同Liem大婚，我要做兄弟兼司儀，但仲未寫稿

2. 想去買新衫賀老友大喜日子，但恐怕冇時間

3. 想去剪個髮先，睇怕亦係冇時間

4. 暑假前到而家買落唔少漫畫書，但大部分都係未睇

5. 買咗隻機戰Z好耐，成個月咁滯，但係仍然未開嚟玩

　　唔想咁樣，可以點樣？

終於有假放

Fri, 24 Oct 2008 14:59:00 GMT

終於捱過地獄雙週喇！出奇地，已經係連續第十二日返工嘅今日反而冇先兩日咁攰喎！會唔會同心情有關呢？唔理喇，我只知我今晚可以好好地瞓一覺，即管睇吓聽朝瞓到幾點先起身。

多謝Larry幫我搵到用iPhone聽本地收音機嘅方法，yeah！佢噚晚做功課做到今朝三點，今晚放學之後仲要去補習補到成十一點先返屋企，仲慘過我！聽日又要補，點頂呀？唉...

極度疲累

Thu, 23 Oct 2008 14:59:00 GMT

　　黃昏六點就返到屋企，好耐都冇試過。點解今日咁早走？因為真係好攰！

　　一向食早餐時飲杯咖啡，就可以頂足成日，但係今日就唔得喇，食完晏就已經幾乎冇晒精神，2^nd class period只係改咗5本dictation咁大把咋！

因為我對眼幾乎要合埋咁滯，我驚睇錯睇漏，睇一本簿都睇成五次！

　　放學之後，基本上已經完全冇晒精神，木口木面，揤都唔識笑，所以未夠4點半就走人。

行行吓，忽然諗起Mason，我知佢都應該忙到嘔，已經好多日唔見佢上msn，於是就sms佢問吓佢近日點。佢隔咗6個鐘頭先覆我，話佢好忙，不過仲應付得到。佢反而叫我唔好俾自己咁辛苦，無論有幾多嘢做都好，都要爭取多啲休息，因為長期休息唔夠，就會變成惡性循環。佢再三提醒我，一切應該以自己嘅健康先行。我應承呢個乖仔，寫完呢個blog就去瞓覺。

不約而同，Larry同樂樂兩個最近都重新寫blog，值得高興。Larry仲一連幾日都有寫添！講到Larry，佢應該比Mason更忙，希望佢都可以爭取多啲休息時間。（大家成日睇我寫Mason同Larry嘅嘢，其實佢哋兩個係極少極少睇我嘅MSN Spaces同埋xanga site架）

An仔今個星期六又要表演喇，九華choir，so far我未有機會捧場，唔知將來會唔會有機會呢？

聽日就係地獄雙週嘅最後一日，即係我連續返工嘅第十二日，希望我可以順利捱埋過去啦！

身心俱疲

Wed, 22 Oct 2008 14:59:00 GMT

　　已有十天沒寫blog了，主因是上週初要趕著在測驗前完成批改課業，再加上剛週末週日的09/10年度小一入學面試，令我這陣子連PS3也沒碰一下，每晚只是小睡數小時，真是疲憊不堪。

　　再捱兩天，便是連續工作十二天了，還望星期六早點到來，讓我好好的休息一下。

樂在Elements

Sun, 12 Oct 2008 17:14:00 GMT

　　聽日開始就係一年一度嘅地獄雙週，因為嚟緊星期六、日都係小一面試。今年又破紀錄，有成二千五百幾人報名，但係到頭來有幾多人真係嚟讀呢？

　　就係因為未來兩星期都好忙，今日點都要俾自己輕鬆一下。下晝同Mason同An仔去The Grand睇咗兩齣戲，分別係「鷹眼追擊」同埋「20世紀少年」。前者十分緊張刺激，兩個鐘頭都全無冷場，如果你未睇，值得去睇。至於另一齣戲，不睇也罷，仲話一月份會有第二章，我一定唔會睇！睇咗成兩個半鐘，都係一頭霧水，幾乎完全唔知發生咩事！又一次對日本電影感到失望！

　　兩齣戲之間有個幾鐘嘅時間，我哋去咗Osim試咗一陣機，之後去咗1882飲嘢，好好feel呀！睇完戲就同去完潛水嘅Larry會合，我無限量支持佢去潛水，有益身心嘛！我哋去Elements嘅TMSK食fusion菜，相當唔錯呀！用HSBC白金卡仲有八五折添呀！

　　雖然今日相聚嘅時間唔算好長，不過大家都好開心，感覺真係愈來愈似家好月圓一樣咁溫情。

充實的一天

Fri, 10 Oct 2008 14:54:00 GMT

　　下星期就測驗喇，呢排都忙住改起啲功課，想早啲派返俾學生。不過今朝用晒啲吉堂準備小一面試嘅嘢，所以都唔係改得好多簿咋。

　　講返小一面試，今日搵咗CP, Mari同Pat去拍條新嘅片，想下星期初放上網。今次我都出場呀，做咗Mari嘅one-day husband！

　　放學開完ST會，本身應該好攰嘅，但其實又唔係喎。我接近七點走，去信和買書，跟住去幫Larry搵啲會考past papers，再返屋企。點知坐到去荔景時，Larry打電話俾我，原來佢剛去完英皇補習，仲有成個鐘先再去現代補，我問佢食咗飯未，佢話去補習前食咗兩個麵包咋，於是我就提議我去荃灣搵佢食飯喇，雖然時間只得大半個鐘，都好吖，反正我都要搵嘢食，梗係同個仔食好啲啦，個傻仔只係食兩個麵包，諗住十一點返到屋企先再煮麵食，唔係幾好嘅，所以我就索性喺青衣落車，再坐三十幾蚊的士去荃灣同個乖仔食嘢。

　　我哋去翠華食呀，Larry點咗個文昌雞飯，而我就叫咗個松板牛柳粒飯，相當有水準呀！食完飯，剛剛好佢就要去補習喇。呢隻仔近來愈來愈上進，希望佢出年會考考得好好睇睇，拎住好成績去澳洲繼續升學啦！

周董呀!

Fri, 03 Oct 2008 14:41:00 GMT

　　今日放學補選任期半年嘅教員校董，承蒙同事錯愛，俾我做半年「周董」......不過出年再選時，請唔好再選我喇！我已經要做Bonus Scheme Vetting Committee呢項義務工作，請大家唔好再百上加斤啦！唔該晒！

未婚不是一個問題 (文: 黃擎天

Tue, 30 Sep 2008 14:47:00 GMT

長輩的思想比較傳統，見到後輩到了適婚年齡而未婚，就會覺得這是一個有待解決的「問題」。

他們對有拖拍但不急於結婚的女生苦勸：「女人結了婚，才算找到幸福啊。」對沒有拖拍的女生，他們同樣苦口婆心：「你降低要求吧，不煙不酒不嫖不賭就是好仔。」

對未婚的男生，他們會這樣說：「看你欠缺湯水多慘。娶個老婆服侍起居飲食不好嗎？」

這個憧憬不失美麗，但不切實際如幼稚園科書的插圖：「我家有四個人。爸爸上班去，媽媽愛燒飯，哥哥和我上學去。」

長輩們有所不知，這是個自我中心的年代。對事業女性來說，沒完沒了兼無償的家務是沉重負擔，洗衣燒飯煲湯不再是女人的本能。香港的小家庭必然存在「第三者」：菲傭。一對夫婦有了孩子，自動由一家三口變成一家四口。

不必怪責女人不願意服侍男人。一個不需要向男人討飯吃的女人，確是沒有必要低聲下氣。男女平等，反過來說，一個有本事有條件的男人，更加不願意成為老婆奴，怕老婆跟發達是沒有必然關係的。簡單來說，現代人不再需要依附任何人來生存，一個人也可以活得很好。婚姻不是名牌衣服，更不是幸福護身符，不必人有我有。

即使好男遇上好女又肯結婚，感情亦不一定長久。極度自愛的現代人不會為了保住婚姻而強忍一段貌合神離的感情。多了一紙婚書，有時反而導致互罵、爭產的局面，把人性的自私顯露無遺。

本來無一物，何處惹塵埃。只要你不認為未婚是一個問題，你的人生根本沒有問題。