yourchhi's Xanga

般竇啟事

Wed, 25 Oct 2006 18:03:13 GMT

我同比小姐會0係 vic-to-ry.blogspot.com 繼續寫野，各位請繼續捧場啦！

永恆回歸（修訂版）

Wed, 25 Oct 2006 17:41:29 GMT

原文十月廿六日見報

若非陳副總着我寫這篇手記，我也不發覺已坐在編輯室兩個月了。由學生哥搖身一變成「傳媒人」，每天有數以萬計的讀者看我的「傑作」，令我每晚都不得不誠惶誠恐地工作。

由上學到上班，轉變的確不少。現在每天都是「死線」，三小時內便要把兩版得漂漂亮亮，比起用兩年時間寫一篇論文，實在刺激得多。

在報館工作最獨特之處，莫過於人人都「被逼」多看了許多新聞?編輯部裏無處不在的電視，播放的24小時新聞。上班的8個小時裏，同一個故仔不知會重播多少次。雞毛蒜皮的還算了，自己專心一點工作便聽不到；大新聞有如「反貪腐」運動，可以佔去一半的airtime，結果一夜裏，耳朵便接收了數以千計的「啊扁下台！」口號。如果換成撞火車、沖天火災等慘劇，呼天搶地的哀鳴便像鬧鐘一樣，每15分鐘定時「嗚......嗚」的響鬧。起初同事們都「嘩嘩聲」的駐足細看，但一小時以後，大家便若無其事，只顧埋首於自己的工作，將那段新聞寫在明天的報紙上。

無論多麼慘絕人寰的事，人的注意力總是有限，憐憫之心總會被這樣的重復搾乾吧？尼采說，就算天大的事，只要讓它無窮的重復發生，最後都會被trivialize得一點意義也沒有。歷史便是給拿來研究、嘲笑的，誰會關心？但，我頭上的電視，甚至報紙上不斷重現的、幾乎一模一樣的突發新聞，不就是把他的「思想實驗」實現了嗎？我開始有點怕，怕自己對悲劇麻木，對社會的不公不再關心?這可不是我的理想啊。

不過看看我的老闆，他們像時刻抱着無限的衝勁，迎接每天的新聞。到底有什麼秘技保持這種狀態？真的要請教一下。

凌晨一時，我乘上穿梭巴士，看看書，想想選一個怎樣的心情來結束這一天，期盼下一個循環。

------

返到屋企，沖0左杯歷來最滿意既啡，好滿足。

ps. 我個腦真係愈夜愈勁架~

Monday, October 23, 2006

Mon, 23 Oct 2006 18:48:32 GMT

講0左好耐，都唔記得俾大家睇呢張...

地鐵站可能仲有佢架，得閒又無聊既就搵下啦~

失蹤一個月...

Sat, 21 Oct 2006 20:15:22 GMT

我返來了。失蹤咁耐，唔係打算唔寫既，只係覺得0的時間唔夠用；而我打中文又慢，所以少咗上0黎。返0左呢份工之後，覺得深夜0既時間真係好好用。少0左好多搔擾 ( 其實係電視 )，大腦0既轉數又得別快，於是我每晚都趁機讀一0的比較hard0既書；日抖又成日土戈0去左搵比小姐食飯，所以我個時間表都fit得好好。

對幾單新聞( 1 2 3 ) 都好有意見，但長篇大論又好無謂，所以每件一句：
1. 上次華榮你可以賴個老細係深圳人，唔關香港事，但係今次...作為香港人，我真係覺得好羞恥。
2. 呢篇所謂既社評，睇到佛都有火！讀完即刻0即晒0的foucault野出0黎，忘記得七七八八既同學直頭可以當溫書。
3. 愈睇愈覺阿施同阿扁直都只係扯緊貓尾。

另外寫緊幾篇文，整好都會post0係度。大家記住捧場。

--------------

買到支搵0左好耐既absinthe. 有冇人知邊度有多0的揀？

--------------

剛過了一個極好的牛一。多謝所有記得既人，多謝你~

強烈推荐！

Wed, 20 Sep 2006 19:05:04 GMT

NOT THE South China Morning Post

笑爆嘴～

和平的政治

Sun, 17 Sep 2006 18:23:33 GMT

香港人喜歡嘲笑「台式民主」，而保守派又常說「香港搞民主，實變台灣翻版」。但對不起，今次倒扁集會，香港人最期望看到的打架、騷動，一件都沒有發生。七日，有人足足坐了七日，但依然井然有序，非常和平之下進行和結束。他們用行動證明了，和平的政治對他們是可能的。

台灣人有了和平的政治，那香港人何時才等到真正的民主？

Thursday, September 07, 2006

Thu, 07 Sep 2006 17:49:34 GMT

本來想寫少少關於Natascha 0既0野，但係今日個interview實在同之前0既版本's唔多同，所以決定hold起。

難得抽到時間同比小姐玩狗仔，實在好。

my first latte art

Mon, 04 Sep 2006 05:17:20 GMT

算是第一個成功的「作品」。這rosetta葉的葉頂其實有點肥（保你大啦，唔係casper黎架！），表示手的控制還未到家，可能因為我還在練習打泡的技巧，沒有準備能弄出什麼像樣的東西；crema有點粗，也不夠濃，因為我還在調校磨豆的粗細，與及填壓的力度；還有，待我找到相機把它拍下，又等了幾分鐘，泡沬開始鬆散了。不過點都好，總算幾靚咁啦。呵，都係0個句，好東西要來便來了，就看你能否「執生」把它接住。

拿起相機，snap了幾幅便喝。喝到大既一半，拉的花便散了。看到那塊葉變成一pat，覺得有點難看，但也不覺得有什麼可惜。心裏「嗯」的一聲，然後一口氣把它喝掉了。

想起幾年前看過一幅曼陀羅，不，是一組相片，拍攝了僧人用彩砂畫成一幅曼陀羅的過程。幾個喇嘛將彩砂細緻地鋪在方形大石板上，細緻到每個人物（佛像）的眼耳口鼻都生動得不得了。畫中有天有地，有圓有方，大概是描述他們的宇宙觀。石版足有兩米乘兩米大，我想他們畫了好幾天。那色彩鮮艷的曼陀羅是用來做法事的，祈求平安健康什麼，其間也很多人照相參觀，法事完了，就是那幾個僧人便用掃帚把它毀了，用過的砂拿來沖水分給信眾。他們的臉上連一絲的捨不得，一絲的留戀也沒有。留下的可能只有石板上極幼的彩色砂塵。

這的確為我帶來很大的震撼。什麼叫「諸法空相」，幾幀照片說得比幾萬字多。

我喜愛咖啡，味道可能其次，主要它的「留不往」：生豆還好，炒了的豆最多放兩個星期便不行了。不能保留，就不會有「保值」的想法。欣賞便純粹欣賞，喜愛就別要想它有什麼功能。將自己喜愛的東西當作貨物左買右賣，在我來說簡直是罪惡。我看書，喝咖啡，可能是在資本主義世界下，頗為「前資本主義」的活動：我會「投『資』」，但不是「資本」的「資」。

不過最迷人的，還是 espresso. 當你在咖啡吧坐下，點了特濃咖啡，那殷切的barista便為你準備一場春之祭式的ritual. 五十顆咖啡豆，被送入磨豆機，便開始它凌厲的舞步，緩緩被輾成粉末。直到忘我的高潮，就用92度的熱水、9,623,025 帕斯卡的力量，刺穿它的心臟，取出了三十毫升、沸騰的、黑色的熱血。

這一小杯，不僅包含咖啡裏所有香氣和精華，更濃縮了一部部數千年橫跨非亞歐的歷史，見證了多少王朝和城市的興衰，環繞着多少動人的小故事；然而在浪漫的背後，卻是赤裸裸的金錢與經濟。由從前的奴隸到今天遭跨國商人壓價的農民，對不起，咖啡從來都是最可鄙的剝削工具。當你知道世界上有幾億人靠咖啡維生，然而收入懸殊的地步是農民的批發價給壓得比成本還要低，但某些企業可以賺取數百倍的邊際利潤，你又怎能不咬牙切齒？再看這一小杯，你看到的幾乎是耕耘者跟貧窮線搏鬥所流的汗和血。
還有它本身，黑色鮮血的本身，在這三十秒的儀式裡，已經進行了多少個化學反應，將平平無奇的元素，結合成獨特的無比芳香。

不過，這超越時空的混合體，自己卻只有一分鐘的生命。時間一過，它的化學結構就開始瓦解，開始變得苦澀和混濁，再也不吸引了。所以當你隨着霏煙與前人神交的時候，請留意不要太過著迷；但把杯子放在脣邊之時，不禁想起剛才瘋狂的祭牲，但又是精密奧玄的alchemy，還是要在腦裏再三回味。想到這裡，你還甚麼捨得把它喝下？

當一杯完成的espresso端在你面前，你不用喝它，甚至不用嗅，就己經為它着迷了吧？

¨Æ±¡´N«YËÝ®p°j¸ôÂà¡C

Fri, 25 Aug 2006 06:15:41 GMT

由細到大，小，中，大學，到出黎做野，都係「名校」, 「大公司」，將全部野炒埋一碟CV，睇落好似好靚，實情係每次都係「maan車邊」，一味靠運．雖則小弟從來冇橫財運，但一到讀書升學等「大事」（唉，不得不承認自己都係制度既產物），明地暗裏都有貴人相助，有驚無險，又碌過．

小學中學由老豆搞掂；升中六既時候，有個我成日頂佢頸既missie班主任，又唔知點解會咁錫我，用三寸不爛之舌幫我留係原校升中六，最初我仲懵 sing sing 咁，都好後來先知佢為我出０左咁多力；讀研究院，又係一個頗為疏遠既教授將我拉番入黎．

總之，up to this point，我都從冇為自己努力過，只係靠小小聰明，「A級」既尾尾徘徊，乜都唔駛做，好就會天跌落黎．若非平時睇得書多，意志夠堅定，早就翹埋雙手諗 ”駛乜靠勤力，次次符碌咪得囉"．

研究院第二年，心思一轉，下定一世人都未下過既決心，讀博士都放棄，毅然（貿然？）轉系．足足有四個半月，數學一都冇理過，時間就讀另外一科既書．呢般時間仲做好多難以想像０既事： sit 足八半堂同星期六堂，逐個教授拍門傾偈（聽落好平常，但我從來唔會做呢事，入研究院０既時候都冇），再寫幾篇俾佢地睇（講０黎失禮，呢幾個月，科最經典既大師都有涉獵一二，我對佢地既理解相信比起一部份既本科生仲好）．好可惜，轉系始終係逆天而行０既事，就算幾俾心機栽花，花都係唔會開．最後，都係鬥唔過赤裸裸０既實力角力，同埋一句「我自己學生都收唔晒」．冇嗲．

高不成，低不就，唯有死死氣出搵工．不唔估唔到我條命似乎嫌我報應未夠，要繼續話我知「命裏有時終須有，命裏無時莫強求」呢兩句既意義．起初，我報既全部都係報館，心儀既雜誌社同出版社，但係事情點會咁順攤０丫，幾個月０黎一０的聲氣都冇．只有退而求其次，報教材出版社．結果係神推鬼擁之下，間間編數學既post都唔請，偏偏去左編電腦...

唔係最鍾意做既野，不過都好，總可以學到出版野，做一兩年，過０左三三四就可以轉工．正當我同自己講要settle down既時候，奇蹟出現了...

返工既第四晚，報館打黎，叫我去in．我當堂啃親咁滯．好彩０個日冇食飯，唔係真係ler啦．下一晚去in，波士都冇乜幾句，就問我幾時返工．呢句說話，就好似一份千冀萬盼、朝思暮想既禮物，本來唔知幾耐先等到，依家doop一聲，就放０左係我手．到呢一刻，我心裏面既喜躍終於都gum唔住啦，猛咁點頭多謝，幾乎尖叫埋出黎，心裏面加一句odysseus既 i'm home!

走既時候，不斷打俾fd報喜，０個陣簡直好似做０左件值得驕傲一世既事咁．不過，理智既我始終會回復理智，冷靜落黎既第一刻就係諗，根本講唔定呢件係好事定唔好事．個天可以doop一聲俾份厚禮你，聽日佢一樣可以收番，仲可以(手達)得你更慘．齋睇我份CV, 九唔搭八，根本唔qualified, 可能只係一時唔夠人，先至記得我，再望下我一份做唔晒既written test...我都解唔通俾你聽．

何喜之有？俾唔俾做唔夠probation就踢我走？當然可以啦．到時我又會點？真係答唔到你．唉，有０的野係整定就整定，相比之下，我既喜怒哀樂算０的乜，改變到的乜？依家可以做既，就係俾心機做好份工，學多的野．好彩我個level既人事（睇落）唔太複雜，波士們又肯教，返０左幾日工以經有friend底，算係個好開始啦．

開工開學啦，大家都要努力．勉之，勉之．

ªð¤u³~¤¤¼g0¬JÃãÂ¾«H

Sun, 20 Aug 2006 02:08:22 GMT

Dear Sir,

It is with mixed feelings when I submit this letter of resignation, effective today. I was surprised by a newspaper's offer of employment in its editorial department since it came a little bit late and sudden, almost half a year after I submitted the application.

It is supposed to be an easy decision, since journalism and book publishing are my career goals, and the offer is a golden chance to work it out. But, accepting it means I would have so much to lose. The supreme working environment, regular hours, a team which is always fun and interesting, while equally productive and helpful. Everything is as comfortable as I could imagine, which I am not going to enjoy in any foreseeable future.

Most importantly, my supervisors. My team leader, Mr Chan, is always patient and supportive. And although I have not got the chance yet to work under Mr Wong and Mr Ma, who have interviewed and hired me, they promised me of opportunities to try many aspects in the publishing business. I thank them for the care about me.

As it is now a tough time for our team with a number of tight deadlines to meet, I am more than willing to help in replacing my position. By today I have at least one interested schoolmate, and more may be coming.

It was never an easy decision. Anyhow, I made it with struggle. The short eight-day experience in the company was nevertheless a distinctive one which I shall treasure in my life. Cordially, I wish all the best of the company and my department, and perhaps more substantially, a land-sliding victory of the new editions of our CIT textbook line.

Sincerely

我英文好似真係差好多...