yukime001's Xanga Site

Weblog

Saturday, November 15, 2008

あなたのお葬式はこんな参列者でした。ご愁傷様です。

模擬葬禮 http://maker.hanihoh.com/d/?hanihoh_3
會參加的, 有情人 x 5, 曾孫 x 9, 豬木??誰呀?
...我可沒有這麼強勁的魅力, 引到這麼多情人, 生到這麼多曾孫啊!?(汗)
不過沒有朋友, 沒有老公, 倒是很像我會有的葬禮
用真名的版本
....還是這麼多孫啊!?
還有兩個粉絲和...前老公!?

不管怎樣, 我不要這麼長命

Thursday, November 13, 2008

DOWN....
昨天發燒，今天換成喉嚨痛加感冒，教完班細路奧數後無哂mood，決定走堂（返MSc後第一次...），陰差陽錯去左APM打機
打近期至熱中既Popn 16...打左一鋪...被個其貌不揚既女仔跟機...
個女仔好勁...打哂D level 30以上D歌...怒開Extra Stage...佢玩完一鋪，到我玩時又擺低一蚊再跟過機...
唔知點解...平時我唔會有o甘既諗法...但玩左o甘多次都o甘渣...我覺得自己...在被全世界指住黎笑...覺得自己跟本無資格玩呢隻game，浪費左D勁人跟機既時間...

玩既結果好慘...都唔想諗番...

返家...家中經濟支柱話D生意做唔落去，好想死...又話佢死左我要半工讀養自己...

我既答案：無問題，你死左我都會跟埋死

有一半係認真既...人，隨時都可以死，Why Not NOW？

Monday, November 03, 2008

大學生求職碰壁隱蔽3年
(明報)11月3日星期一 05:05
【明報專訊】基督教服務處督導主任哈偉明從事隱蔽人士輔導工作多年，眼見不少個案是高學歷人士，例如有修讀電腦科學的大學生，畢業時正值科網爆破，未能學以致用，一直未找到合適工作，心灰意冷下，隱蔽在家3年半。
另有一名2000年從澳洲回港的大學畢業生，他修讀社會學，但最終只找到電話服務銷售工作，轉了幾次工後，只願在家埋首打機睡覺，不願接觸外界。(1)
哈偉明表示，隱蔽成人多因生活不如意而走上隱蔽之路(2)，一名25歲的男子因公司只肯和他簽3個月合約，他不滿之下，隱蔽了3年。
接觸這類個案需要一定技巧，社工不會視他們為病人，而是以關心的方法打入他們的圈子。例如有一次，哈偉明知道一名隱蔽青年正在睡覺，故買了下午茶給他便離開，讓他感覺被關心。
很多社工亦會與隱蔽個案的家人「合謀」，哈偉明試過上門輔導一名青年，他本身對時事有興趣，故哈在下午6時到青年的家，先與其父談論時事，待電視播新聞時，更引得青年回應。
(1) 噢, 乜個情況咁熟既?<-- 一個一年內換了兩次工又做不長, 整天不是睡覺就是沉迷街機不願同人接觸的人
(2) 噢, 乜個情況又咁熟既?<-- 一個搵左十幾份工都被人rejected, 心灰意冷的人
我好心寒...係咪快要輪到我去做隱蔽人士...
希望兩年後個經濟會好番D啦....

Sunday, October 26, 2008

最近沉迷的事物：
１.Pop'n Music 16 The Party

詳細割愛，總之就係音樂遊戲的一種...
最重要係，D角色都超可愛的！
我最喜歡既角色係...
ししゃも＆サトウさん（多春魚貓+佐藤san）
我特別愛Pop'n8既造型...係佐藤san係巴士站邊打瞌睡邊等車，而貓仔響旁邊既垃圾桶，千方百計想吸引佐藤既注意...

玩既時候都好有故事性，玩得好佐藤san會俾野食貓仔，玩得衰會無視佢...
玩完全首，stage cleared既話佐藤san會執貓仔番去，stage failed既話...佐藤san只會留低把傘俾貓仔自己走...
cleared有兩種...一係兩人（一人一貓la...）一齊訓左響巴士站...
一係佐藤san執起左貓仔上巴士，但係漏低左個公事包響巴士站（笑）

failed...貓仔寂寞既樣令我好心痛...對唔住呀！係我玩得差令你吸引唔到佐藤san！（淚）

但係佐藤san無論係邊個situation都feel到佢好錫貓仔...cleared之一佢將貓仔放進懷中，係想貓仔暖番D吧...failed時都會留低傘驚佢淋雨...
次次failed我都想叫：佐藤san點解你會o甘忍心丟低o甘得意既貓仔ar～～！
...咳咳，激動左D。
用多春魚貓+佐藤san，令我感情特別投入...玩既時候都會諗：我一定要佐藤san執走貓仔！！
......但係我既實力...haha...機會只有一半半...
除左多春魚貓+佐藤san，其他角色都好cute ga
推薦Welhelm

Deuil（正確係Yuli、Smile 同 Ash 三個角色）

Nox＆Matin （同一角色既1P＆2P）

（相從缺）小次郎（雀仔），Rosalie（小蛇髮女）...
歡迎大家一齊玩Pop'n Music、一齊Pop Pop！！

２.G.E.M. Tang 鄧紫棋

少有地我feel到一個OK有潛質既香港女新人歌手
我睇歌手，會睇多方面既
這女孩夠年輕（１７歲女jar...）
有樣貌（雖然冇乜特色，亦非驚為天人，但五官端正，中上la）
有歌喉（快歌相當有爆炸力，慢歌夠抒情，比好多歌手好ga la）說起來，佢既唱歌方法令我諗起BoA...
仲識自己作曲作詞（好似係鋼琴８級）

冇樣特別突出，勝在夠balance，而且後生ma，仲可以慢慢改進
我覺得佢應該練埋舞技，o甘就有個香港版BoA la（BoA可是在東南亞好紅既wo，似佢絕對唔差ga）
加上佢曉作曲作詞，會有更多可能性

講o甘多佢好野，我還是決定不買佢張Debut EP（爆）想貯錢買PS3 ma...
推薦歌<<等一個他>>

Saturday, September 20, 2008

好久沒有寫XANGA, 因為長期在家裏蹲...手發霉了
近況：我在找part time , 找到2個offer不知accept 哪裡好
一份是文職，返星期一至五全日，朝9晚5半， $40/hr;，灣仔區上班
一份是補習班，教小學生奧林匹克數學，一個星期返4hr， $160/hr
但兩者不能全揀, 只得做其中一個...
前者月薪較高（5-6k左右)，地點也OK，但我嫌它佔時間及不會學到很多東西，我可分到時間在現在讀緊的master會很少...
後者月薪較低（2K左右），但其實在時薪上高出文職好多，而且時間鬆動很多，如果我想我又可以找多幾份補習來做...但地點是不定的（一時飛去港島區，一時飛去荃灣）...very important is...我沒有做過小班教學，一枝公對於十幾個細路，好擔心handle不了...
雖然我偏個捨前者選後者，但是＄＄啊...我無論揀哪裏，也好像會後悔的樣子...

Dilemma ar！！

其實在這前，我還有第三個offer...
在網上只寫了「兼職客户聯絡員」的工作，接到電話上去interview才知道那間公司是AIA！
而且interview中，不知為何變左in兼職保險經紀！
而且不知是不是好等人用，in完居然立刻叫我星期一返工！
我當時完全處於被動，不知就裡答應了...但走出那裏一小時後，醒覺自己一點也不想做保險經紀，立刻打電話回去拒絕了...
accept offer一小時後reject，我好糟糕啊！
但話說這工作第一個月就有$10 K 底薪啊，未計quota commission！這只是兼職！
我在想，做夠一排，到D人開始追你D quota就quit，都好好賺ar （惡）

給所有待業之人...如果純粹想找份job做下，又不怕接觸很多人的工作的話，去AIA in 那個「兼職客户聯絡員」 la！