| 依家係零晨兩點九, 大概係半個鐘前我對面房個印度妹半夜三更敲我度門, 咁我通宵緊我科355, 本來都唔想應門, 但係都係應左=='' 點知一開門佢就眼濕濕咁問我驚唔驚蜘蛛, 我即刻feel到頭頂有一堆黑線, 我問佢隻蜘蛛係邊, 佢一手指去個窗簾, 我即係見到一隻大過個五蚊銀兩大圈毛茸茸大蜘蛛一隻, 係我係呢度咁耐見過最大既 (係呢度你見到過幾大隻視乎緣份 ==''). 但係得兩個女仔可以點? 佢巳經喊緊, 我見到隻野都巳經起晒雞皮, 於是乎唯有搵Kinki, 叫佢幫忙安撫印度妹, 同埋幫手call男人打救! 但係再一次係好需要男人既時候一個都call唔到, 好彩Kinki搵到Darren!!! 結果係印度妹d Indian friends黎左打救佢, 個印度佬打死左隻野但係唔敢收屍, 最後係Darren冒住噁心到極點既觸感幫手收屍. ==''' 報導完畢, 繼續加油! =.=() (好無聊﹐ 因為唔想溫書 ... ... ) P.S. 我好肯定頭先Y小姐一定仲未sleep, 頭先嘈到拆天佢都唔出黎鬧人一定係聽到有蜘蛛所以先唔出黎, 唉, 真係有乜事都唔使指意佢會出黎幫手! 至少出黎關心下鄰居出左乜事都要掛 ... ... >.< |
