豈有此理!!

竟然o係我面前攬住第二個男仔~

願望~~~~~yeah!!

記得下星期三交貨呀!柔美子專用icon~~

端午節

---

就泥到端午節喇,就即係我嫲嫲就泥生日~~

大陸d人係計農曆生日o既,所以每年端午節都係嫲嫲牛一!!

以前都未必年年會番去同佢過生日,但係今年好想好想番去,

爺爺離開左佢,屋企得番佢一個,一定會好寂寞喇

加上佢年紀咁大..........都唔知仲可以見多佢幾多次...

幾個月前番去探爺爺病果時,就見倒嫲嫲已經整定左佢地兩老o既靈堂相,

見倒都好心酸!!

預祝  嫲嫲身體健康,以後生活開開心心,長命百歲!!

冬 甩 仔

聽日就可以同好可愛o既"冬甩bb"見面喇~~~~

好開心耶~~記住幫我好好照顧佢地呀!

爺爺........拜拜

由細到大我都係叫我爺爺做"阿公"架......因為我爸爸細個果時身體好弱 ,怕佢養唔大,所以契左比人....比人做左半個仔,唔知點解我地就要叫爺爺做阿公喇!!!

我記得以前阿公好錫我架,佢踩單車去買野o既時候會載埋我去,夜晚仲會同我去睇大戲(雖然我根本睇唔明), 連佢落田做野我都要跟埋去,總之去邊我都會跟!!

我仲記得...我同媽媽住o係深圳時,阿公過泥我地度住,地方太細原故~佢要訓天台我會趁媽媽訓著左,偷偷地走去同阿公訓---------依件事直到咁大個都仲係家裡面o既笑話呢........

泥到香港,每年都只番大陸一,兩次~見面機會好少..依幾年就更加少番去lu~ 自從阿公有病開始,都知道佢有一日會離開,心裡面都有準備......婆婆竟然連自己o既相都整好埋

今日知道左阿公離開o既消息 ,個心都係好痛,好多回憶o既畫面浮現番出泥,時間過得太快,過去左永遠唔可以番轉頭,希望佢一路好走...